يعيبرانيين 7:25 - ثريفيث 2020

²⁵ خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

يعيبرانيين 7:25 ပူးပေါင်းရင်းမြစ်များ

يوحنا 14:13

مَارَّا مِين غَا ثتَّارم عْلَاحْسَاب يسم ينُو اَث خذْمغ حمَا اَذ يتْوَاسمْغَار بَابَا س مِّيس.

يوحنا 14:16

نش اَذ تَّارغ إِ بَابَا حمَا اَذَاوم يُوْش لْمُعَاوِن نّغْنِي حمَا اَكِذْوم يتِيڒِي إِ ڒبْدَا.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

أيث-روما 5:10

نشِّين نْمصْڒَاح اَك أَربِّـي س ڒْموْث ن مِّيس وَامِي تُوْغَانغ نشِّين عَاذ ذ ڒْعَذْيَان نّس. ڒخُّو وَامِي كِذس نْمصْڒَاح، أُو لَابُد زَّايس إِي غَا ننْجم س ثُوْذَارْث نّس!

أيث-روما 5:2

نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي.

أيث-روما 8:34

وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ.

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

أيث-ؤفسوس 2:18

لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.

أيث-ؤفسوس 3:12

زَّايس نتَّا أَ نْقَارّب غَار أَربِّـي س زْعَامث ذ تِّقث بْڒَا مَا أَ نݣّْوذ خْمِي زَّايس نْتَامن.

أيث-ؤفسوس 3:20

إِيوَا سِيذِي أَربِّـي ذ نتَّا إِي يزمَّرن اَذ يݣّ اَطَّاس س وَاطَّاس زِي مِين ذَاس نْتتَّار نِغ ذ مِين نتْخيَّال عْلَاحْسَاب جّْهذ نّس إِي يخدْمن ذَايْنغ.

أيث-فيليـپـي 3:21

دَّات نّغ ن دُّنشْت-أَ اَت يسْبدّڒ لْمَسِيح بَاش اَذ تِذْوڒ اَم دَّات نّس لْعَظِيم. ئِتݣّ مَانَايَا س جّْهذ نِّي إِي زِي يزمَّر اَذ يَارّ قَاع ثِمسْڒَايِين سْوَادَّاي إِ لْحُكم نّس.

1 تيموتاوس 2:5

لِأَنَّا ذِنِّي يجّن ن أَربِّـي وَاحْذس ذ يِجّن لْوَاسِيط وَاحْذس جَار أَربِّـي ذ يِوْذَان يعْنِي اَرْيَاز-أَ ذ عِيْسَى لْمَسِيح.

2 تيموتاوس 1:12

خ سَّبَاب-أَ نش قَا تْعدَّابغ خ مَارَّا ثِمسْڒَايِين-أَ ثِيْنَا وَلَكِن وَار تْسذْحِيغ شَا، نش سّْنغ ونِّي إِي زِي ؤُمْنغ. تيّْقغ نتَّا يزمَّر اَذ يحْضَا لْأَمَانَا نِّي إِي كِذس جِّيغ حتَّا ٱڒ نْهَار نِّي اَنݣَّارُو.

يعيبرانيين 11:6

إِيوَا ؤُڒَا ذ يجّن وَار يزمَّر اَخَاس يَارطَّا أَربِّـي بْڒَا لْإِيمَان. مِينْزِي ونِّي إِي غَا يقَارّْبن غَار أَربِّـي لَابُد اَذ يَامن بلِّي نتَّا يدْجَا أُو ذ نتَّا إِݣ يتْجَزَان يِنِّي خَاس يرزُّوْن س وُوْڒَاون نْسن.

يعيبرانيين 13:15

إِذن لَابُد س عِيسَى إِي زِي غَا نحْمذ أَربِّـي ذِي مْكُڒ ڒْوقْث. ذ ثَانِيتَا ذ دْبِيحث إِي غَا نْقدّم إِ أَربِّـي، يعْنِي مڒَا نعْتَرف س يِيسم نّس.

يعيبرانيين 2:18

وَامِي نتَّا س يِيخف نّس يتْوَاعدّب ذِي ڒمْحَاين، ئِزمَّر اَذ يعَاون يِنِّي يدْجَان ذِي ڒمْحَاين.

يعيبرانيين 2:9

وَلَكِن عِيْسَى وَاه، نتْوَاڒَا-ث ڒخُّو س تَّاج نّس ن ڒُوقَّار ذ وَاطَّاس ن شَّان. مَايمِّي؟ لِأَنَّا عِيْسَى ذݣ يِجّن ن ڒْوقْث تُوْغَا يسهْوَا-ث-يذ أَربِّـي شْوَايْت سْوَادَّاي إِ لْمَلَائِكَاث يعْنِي وَامِي يصْبَر إِ ڒَعْذَاب ن ڒْموْث. بَاش نتَّا س اَرْضَا ن أَربِّـي اَذ يقَّاس ڒْموْث، ڒْموْث نِّي اَذ تِيڒِي ن مَارَّا يوْذَان.

يعيبرانيين 5:7

ذݣ وُوْسَّان نِّي إِي ذِي تُوْغَا يدَّر عِيْسَى ذِي ثْمُوْرْث-أَ، ئِتْࢲَادْجَا يتْڒَاغَا خ أَربِّـي س جّْهذ أُو س يمطَّاون يتتَّار-اَس إِ ونِّي يزمَّرن اَث يسنْجم زِي ڒْموْث. أَربِّـي يتْصنَّاط-اَس وَامِي عِيْسَى يتݣّْوذ زَّايس.

يعيبرانيين 7:16

يعْنِي مَاشِي عْلَاحْسَاب يجّن ن ڒُوْصِيّث خ ڒجْذُوْذ نّس زِي شَّرِيعَا إِي ث يَارِّين ذ ڒفْقِي؛ لَّا، نتَّا ذ ڒفْقِي عْلَاحْسَاب جّْهذ ن ثُوْذَارْث نّس عمَّارْص اَذ تفْنَا.

يعيبرانيين 7:19

ئِفّغ-د يجّن لْأَمَال حْسن زِي ڒُوْصِيّث نِّي، زَّايس إِي غَا نْقَارّب غَار أَربِّـي ڒَاحقَّاش شَّرِيعَا ن مُوْسَى وَار د تَارِّي ؤُڒَا ذ يجّن ڒْحَاجث وَار ذَايس بُو ڒْعِيب.

يعيبرانيين 7:24

وَلَكِن عِيْسَى ڒْخذْمث نّس ن ڒفْقِي اَذ تقِّيم وَار تْوَاكِّيس شَا لِأَنَّا نتَّا يتْدُوْمَا إِ ڒبْدَا.

يعيبرانيين 7:8

أَيث-لَاوِي إِݣ يكسِّين ڒَعْشُوْر يعْنِي نِثْنِي ذ يوْذَان عَادِي تْمتَّان. وَلَكِن مَلِكِيصَادِق إِݣ ييْسِين ڒَعْشُوْر نِّي يشهّذ خَاس لْكِتَاب بلِّي نتَّا يدَّر.

يعيبرانيين 9:24

شُوْف، لْمَسِيح وَار يُوْذِيف شَا اَخَّام نِّي اَمْقدّس اَطَّاس إِي يبْنَان س يفَاسّن ن بْنَاذم يتْشَابَّاهن وَاهَا ذݣ ونِّي ن صَّح؛ لَّا، نتَّا يُوْذف ذݣ وجنَّا نِّيث اَذ يحْضَار زَّاث إِ أَربِّـي عْلَاحْسَاب نشِّين.

ثبرات زي يهوذا 1:24

فَا ونِّي يزمَّرن اَكنِّيو يحْضَا بَاش وَار تنْذْڒِيفم شَا، ئِزمَّر عَاوذ اَكنِّيو يقدّم غَار زَّاث نّس لْعَظِيم اَذ تِيڒِيم بْڒَا ڒْعِيب اَغَارْوم ثِيڒِي يجّن ن ڒفْرَاحث ذ ثَمقّْرَانْت،