يعيبرانيين 7:18 - ثريفيث 2020

¹⁸ ڒُوْصِيّث نِّي ذ ثَقْذِينْت ثتْوَابدّڒ وَامِي ثتْوَاحْسَاب ثضْعف بْڒَا نّْفَع.

يعيبرانيين 7:18 ပူးပေါင်းရင်းမြစ်များ

أيث-روما 3:31

إِذن، مَا أَ نسْبطّڒ شَّرِيعَا س لإِيمَان-أَ؟ عمَّارْص! لَّا، نشِّين نتْحَامَا شَّرِيعَا.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

أيث-ݣلاطيا 3:15

آي أَيثْمَا، أَذَاوم ؤُشغ يجّن لْمِثَال زِي لْعَادَاث نّغ. لْوَصِيَا، نتَّاث مڒَا ثُوْرَا ثضْبع، وَار يزمَّر حَدّ اَت يسْبطّڒ نِغ اَذَايس يَرْنِي شَان ن ڒْحَاجث.

أيث-ݣلاطيا 3:17

فَا نش، مِين رزُّوْغ اَذ ينِيغ؟ يعْنِي شَّرِيعَا ن مُوْسَى ثُوْسَا-د اَرْبعْمِيَّا أُو ثْڒَاثِين سْنَا منْبَعْد إِ ڒْعَهذ-أَ اَك بْرَاهِيم. شَّرِيعَا نِّي وَار ثْزمَّر شَا اَذ تسْبطّڒ ڒْعَهذ-أَ اَك بْرَاهِيم إِݣ يݣَّا أَربِّـي. يعْنِي مِين يوْعذ أَربِّـي إِ بْرَاهِيم وَار ث تَارِّي شَا شَّرِيعَا نِّي ذ ڒْبَاطڒ.

أيث-ݣلاطيا 3:21

إِذن شَّرِيعَا ن مُوْسَى، مَا تْعَارَّاض لْوُعُوْد ن أَربِّـي؟ لَّا وَالُو! شُوْف، مَعْلِيك ثمُّوْش شَان شَّرِيعَا يتِيشّن ثُوْذَارْث إِ بْنَاذم، أَتَاف اَذَانغ ثَارّ نِيشَان اَك أَربِّـي شَّرِيعَا نِّي.

أيث-ݣلاطيا 4:21

إِنِيم-اَيِي كنِّيو يتخْسن اَخَاوم ثْحكّم شَّرِيعَا ن مُوْسَى. مَا وَار ثسِّينم مِين ذَايس ذِي شَّرِيعَا نِّي نِغ؟

أيث-ݣلاطيا 4:9

وَلَكِن ڒخُّو كنِّيو ثسّْنم أَربِّـي، يعْنِي نتَّا إِي كنِّيو يسّْنن. مَامّش تݣّم عَاوذ ثْذوَّاڒم غَار لْقَوَانِين يقْذِيمن نِّي يتضْعِيفن وَار يتجْهِيذن شَا؟ مَا ثخْسم اَغَارْسن ثْذوْڒم ذ يسمْغَان عَاوذ نِغ؟

1 تيموتاوس 4:8

مڒَا ثسْتْرِينَارذ يخف نّش س اَرِّيَاضَا، أَذ تَاوِيذ يجّن ن اَرْبَاح اَش ينفّع شْوَايْت. مڒَا ثسْتْرِينَارذ س لْإِيمَان، أَذ تَاوِيذ يجّن ن اَرْبَاح اَش ينفّع إِ ثْمسْڒَايِين مَارَّا. لْإِيمَان-أَ يوْعذ-يش عْلَاحْسَاب ثُوْذَارْث-أَ يدْجَان ڒخُّو ذ ثنِّي إِي د غَا يَاسن.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

يعيبرانيين 7:19

ئِفّغ-د يجّن لْأَمَال حْسن زِي ڒُوْصِيّث نِّي، زَّايس إِي غَا نْقَارّب غَار أَربِّـي ڒَاحقَّاش شَّرِيعَا ن مُوْسَى وَار د تَارِّي ؤُڒَا ذ يجّن ڒْحَاجث وَار ذَايس بُو ڒْعِيب.