يعيبرانيين 6:2 - ثريفيث 2020

² نِغ خ يبْرِيذن بَاش اَذ تْوَاطهَّارن يِوْذَان س وَامَان، نِغ خ مَامّش غَا نݣّ أَ نْسرْس يفَاسّن نّغ خ يِوْذَان، نِغ خ لْقِيَامَا ن يمتِّينن، نِغ خ لْحِسَاب نِّي وَار يفنِّين شَا.

يعيبرانيين 6:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:14

وَلَكِن يَحْيَى يُوْݣِي ينَّا-ٱس: "نش يتْخصَّا شك إِي ذَايِي غَا يطهَّارن، أُو شك ثُوْسِيذ-د غَارِي؟"

مرقس 16:16

ونِّي يُوْمْنن اَذ يتْوَاطهَّار س وَامَان اَتَاف اَذ ينْجم. ونِّي وَار يُوْمِيْنن شَا اَتَاف اَذ يتْوَاحْكم.

مرقس 7:4

مڒْمِي مَا د ذوّْرن زِي سُّوق، مڒَا وَار سِيرْذن شَا اَتَاف وَار تتّن شَا. أَطّاس ن ڒحْوَايج نّغْنِي إِي ذْفَّارن، ڒمْذن-ثن تطّْفن-ثن أُو صَافِي، أَمشْنَاو اَسِيرذ ن ڒْكِيسَان ذ يغَرَّافن ذ ڒقْشُوْع ن نّحَّاس ذ ثَاسُّوْث.

مرقس 7:8

كنِّيو ثجِّيم ڒُوْصِيّث ن أَربِّـي، ثطّْفم ذِي لْعَادَاث ن يِوْذَان أُو صَافِي."

لوقا 11:38

أَفَرِّيسِي نِّي يتْعجّب وَامِي يُوْفَا عِيْسَى وَار يسِيرذ شَا يفَاسّن نّس قْبڒ مَا ٱذ يشّ.

لوقا 12:50

ئِتْخصَّا-ٱيِي اَذ تْوَاعَدّْبغ، خيّْقغ اَطَّاس حتَّا اَڒ غَا عْذُوْغ مَانَاينِّي.

لوقا 14:14

سَّعْذ نّش عْلَاحقَّاش وَار غَارْسن مِينْزِي ش غَا خدْجْسن. أَتَاف اَذَاش يتْوَاخْڒف ذِي نْهَار نِّي خْمِي د غَا كَّرن زِي ڒْموْث يِنِّي يدْجَان نِيشَان."

لوقا 3:16

ئِجَاوب-يثن يَحْيَى مَارَّا ينَّا-ٱسن: "قَا نش طهَّارغ-كنِّيو س وَامَان، وَلَكِن اَذ د يَاس يجّن يجْهذ خَافِي، وَار سْذِيهِيدْجغ شَا اَذَاس فسْيغ ؤُڒَا ذ يفِيڒَان ن ثْسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

يوحنا 1:33

تُوْغَا نش وَار ث سِّينغ شَا مِين يعْنَا، وَلَكِن ذ أَربِّـي إِي ذَايي د يسّكّن اَذ طهَّارغ إِ يِوْذَان س وَامَان، نتَّا ينَّا-ٱيِي: ونِّي غَا ثࢲرذ يهْوَا-د خَاس أَرُّوْح يمَارْس خَاس، ذ نتَّا إِي غَا يطهَّارن إِ يِوْذَان س أَرُّوْح يقدّْسن.

ڒخذايم 10:47

"مَا ذِنِّي شَان بْنَاذم إِي غَا يسْبدّن يوْذَان-أَ بَاش وَار تتْوَاطهِّيرن شَا س وَامَان؟ يِيْنَا يمُّوْش-اَسن أَرُّوْح يقدّْسن اَم نشِّين اَم نِثْنِي!"

ڒخذايم 13:3

وَامِي ࢲُوْمّن ࢲُّوْدْجن، ڒخْدّنِّي سرْسن خَاسن يفَاسّن نْسن سّكّن-ثن.

ڒخذايم 16:15

وَامِي ثتْوَاطهَّار س وَامَان نتَّاث ذ ڒحْبَاب نّس، ثتَّار زَّايْنغ ثنَّا-ٱنغ: "أَرَاحم-د غَار ثدَّارْث ينُو قِّيمم اَكِذِي يعْنِي مڒَا ثْتيّْقم بلِّي نش ؤُمْنغ زِي سِيذِي أَربِّـي." ثْحشّم-اَنغ نتَّاث اَڒ وَامِي نقْبڒ.

ڒخذايم 16:33

ذِي ثْسَعَّات نِّي س دْجِيڒث، يُوْوِي-ثن لْحَارِس ن ڒحْبس يمْسح-اَسن يجَارِّيحن. ڒخْدّنِّي يتْوَاطهَّار س وَامَان نتَّا ذ مَارَّا ڒحْبَاب نّس.

ڒخذايم 17:18

شَان لْفَلَسِفَا ؤُمِي قَّارن يبِيكُوْرِيْين ذ شَان لْفَلَسِفَا نّغْنِي ؤُمِي قَّارن يرِيوَاقِيْين بْذَان تمْنَاقَاشن اَك بُوْلُس نَّان ڒبْعَاض زَّايْسن، مِين يخس اَذ يِينِي وَانِيتَا يتْـپـڒْپِـيڒن وَاهَا؟ نَّان يِوْذَان نّغْنِي يمْكن يتْبشَّار س أَربِّـيثن ن دُّوَل. نَّان مَانَايَا مِينْزِي بُوْلُس يتْبشَّار س عِيْسَى ذ لْقِيَامَا.

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒخذايم 2:41

سّنِّي يِنِّي يقبْڒن اَوَاڒ نّس رُوْحن تْوَاطهَّارن س وَامَان. نْهَار نِّي مَارْنِين شَان ثڒْتْاَڒَاف إِذْسن غَار ڒْمُوْمِنِين.

ڒخذايم 23:6

وَامِي يسّن بُوْلُس قَا شَا زَّايْسن زِي ڒْحِزْب ن يصَدُّوْقِيْين شَا نّغْنِي زِي ڒْحِزب ن يفَرِّسِيْين، ئِكَّر يڒَاغَا-د س جّْهذ ذِي جْمَاعث نِّي ن لْحُكَّام جَارَاسن ينَّا-ٱسن: "آي اَيثْمَا، قَا نش ذ اَفَرِّيسِي مِّيس ن يفَرِّيسِيْين! أَقَا تْحَاكَامم خَافِي وَامِي نش غَارِي لْأَمَال اَذ د كَّرن يِوْذَان زِي ڒْموْث ذِي لْقِيَامَا."

ڒخذايم 24:15

غَارِي لْأَمَال زِي أَربِّـي مَامش غَارْسن يدْجَا غَار يرْيَازن-أَ، يعْنِي اَذ د كَّرن زِي ڒْموْث صَّالِحِين ذ ضَّالِمِين.

ڒخذايم 24:21

وَاش يمْكن خ وَاوَاڒ نِّي إِي نِّيغ س وڒَاغِي جَارَاسن وَامِي بدّغ ذِنِّي؟ نِّيغ-اَسن اَقَا كنِّيو تْحَاكَامم خَافِي نْهَارَا مِينْزِي تَامْنغ بلِّي يوْذَان اَذ د كَّرن زِي ڒْموْث ذِي لْقِيَامَا."

ڒخذايم 24:25

وَامِي يسِّيوڒ بُوْلُس خ مِين يدْجَان نِيشَان، ذ مَامّش غَا يحْكم بْنَاذم خ يِيْخف نّس، ذ يُوْم لْحِسَاب ذ لْعِقَاب إِي د غَا يَاسن أُوْشَا ئِنخْڒع فِيلِيكْس ينَّا-ٱس: "صَافِي ڒخُّو، عْقب. خْمِي غَارِي غَا ثِيڒِي لْفُرْصَا اَخَاك د ڒَاغِيغ."

ڒخذايم 26:8

مَايمِّي ثنْوِيم قَا أَربِّـي وَار يتمْكِين شَا اَذ د يسْنكَّر يِنِّي يمُّوْثن زِي ڒْموْث؟

ڒخذايم 4:2

وَار ذَاسن يعْجِيب بُو ڒْحَاڒ قَاع وَامِي ؤُفِين بُطْرُس ذ يُوْحَنَّا سڒْمَاذن تْحدَّاثن إِ يِوْذَان خ عِيْسَى قَّارن بلِّي يوْذَان اَذ د كَّرن زِي ڒْموْث.

ڒخذايم 6:6

سبْعَا-يَا ن صَّحَابَا قدّْمن-ثن غَار اَرُّسُل، ࢲُّوْدْجن خَاسن سرْسن خَاسن يفَاسّن نْسن بَرَكن-ثن.

أيث-روما 2:16

ئِقَّار لْإِنْجِيل إِي زِي تْحدَّاثغ: مَانَايَا اَذ يِيڒِي ذِي نْهَار نِّي خْمِي غَا يحَاسب أَربِّـي خ وفُوْس ن عِيْسَى لْمَسِيح مَارَّا مِين ينُوْفَّرن ذݣ وُوْڒَاون ن يِوذَان.

1 أيث-كورينث 10:2

مَارَّا نِثْنِي تْوَاطهَّارن س وَامَان عْلَاحْسَاب مُوْسَى وَامِي عْذُوْن ذݣ وسيْنُو نِّي ذ ڒبْحَر نِّي.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.

22 أيث-كورينث 5:10

لِأَنَّا لَابُد أَ نْبدّ مَارَّا إِذْنغ زَّاث إِ لْعَرْش ن لْمَسِيح مَانِي إِي غَا نتْوَاحْكم. كُڒ يجّن اَث يجَازَا خ مِين يسْذَاهدْج عْلَاحْسَاب ثِمسْڒَايِين نِّي إِݣ يݣَّا وَامِي يزْذغ ذِي دَّات، ذ ثِصبْحَانِين نِغ ذ ثِعفَّانِين.

أيث-فيليـپـي 3:21

دَّات نّغ ن دُّنشْت-أَ اَت يسْبدّڒ لْمَسِيح بَاش اَذ تِذْوڒ اَم دَّات نّس لْعَظِيم. ئِتݣّ مَانَايَا س جّْهذ نِّي إِي زِي يزمَّر اَذ يَارّ قَاع ثِمسْڒَايِين سْوَادَّاي إِ لْحُكم نّس.

أيث-كولوس 2:12

يعْنِي ثنْضْڒم اَكِذس س طَّهَارث نْوم ذݣ وَامَان، أُو عَاوذ س طَّهَارث نْوم ذݣ وَامَان ثكَّارم-د اَكِذس زِي ڒْموْث س لْإِيمَان نْوم ذِي ثْزمَّار ن أَربِّـي ونِّي د يسكَّرن عِيْسَى زِي ڒْموْث.

2 تيموتاوس 2:18

نِثْنِي فّْغن اَبْرِيذ ن لْحَقِيقَا قَّارن قَا صَافِي يُوْم لْقِيَامَا يوْقع، تْضيَّاعن لْإِيمَان ن ڒبْعَاض ن يِوْذَان.

يعيبرانيين 11:35

ڒبْعَاض ن ثمْغَارِين يْسِينْت-يد يمتِّينن نْسنْت إِي د كَّرن زِي ڒْموْث. ڒبْعَاض ن يِوْذَان مَارّْثن-ثن، وَلَكِن نِثْنِي ؤُݣِين اَذ تْوَاضڒْقن بَاش اَذ ربْحن يجّن ن لْقِيَامَا حْسن.

يعيبرانيين 9:10

مَانَايَا غِير ذَايس شَان ن لْقَوَانِين ن شَّرِيعَا خ لْمَكْلَا ذ ثْسسِّي ذ ڒُوْضُو. لْقَوَانِين-أَ وَار دْجِين شَا خ وُوْڒَاون ن بْنَاذم، خدّْمن حتَّا ڒْوقْث ن ڒْعَهذ ذ جْذِيذ أُو صَافِي.

2 بطرس 3:7

ڒخُّو عَاوذ س ڒُوْصِيّث نّس تْوَاخمّْڒن يجنَّاثن ذ ثْمُوْرْث ذِي ڒْوقْث-أَ إِ ثْمسِّي، أَقَا تْوَاسّوْجَاذن إِ يُوْم لْحِسَاب ذ لْعِقَاب اَذ سفْنَان يِنِّي وَار يتْطِيعِين شَا إِ أَربِّـي.