يعيبرانيين 6:1 - ثريفيث 2020

¹ خ مَانَايَا وَار نتْغِيمِيث شَا ذِي تَّعْلِيم-أَ اَمزْوَارُو خ لْمَسِيح، أَ نُوْيُوْرث غَار زَّاث بَاش أَ نمْغَر. وَار نْتَاعْقِيب شَا غَار دْسَاس. يعْنِي وَار نسَّاوَاڒ شَا عَاذ خ تُّوْبَا نِّي ن سَّايِأَث، نِغ خ مَامّش غَا نݣّ أَ نَامن زِي أَربِّـي،

يعيبرانيين 6:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:29

ئِنْدق-د مِّيس ينَّا-ٱس: لَّا، وَار تْرَاحغ شَا. وَلَكِن منْبَعْد شْوَايْت ينْدم، ئِرُوْح غَار ومَرْجع.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:32

ڒَاحقَّاش يُوْسَا-د غَارْوم يَحْيَى يسظْهَار-اَوم-د اَبْرِيذ ن ڒْحَقّ، وَار زَّايس ثُوْمِينم شَا. وَلَكِن يعشَّارن ذ ثمْغَارِين يفّْغن اَبْرِيذ ؤُمْنن زَّايس. كنِّيو ثࢲْرِيم مَانَاينِّي، وَلَكِن وَار تُوْبم شَا حمَا اَزَّايس ثَامْنم."

أَسڒْمذ ن سِيذِيثْنغ عِيْسَى لْكِتَاب ن مَتَّى 3:2

ئِقَّار-اَسن: "تُوْبم، أَقَا يُوْذس-د ڒْمُلْك ن وجنَّا."

أَسڒْمذ ن سِيذِيثْنغ عِيْسَى لْكِتَاب ن مَتَّى 4:17

زِي سّنِّي يبْذَا عِيْسَى يتْبشَّر يقَّار-اَسن: "تُوْبث، أَقَا يُوْذس-د ڒْمُلْك ن وجنَّا."

أَسڒْمذ ن سِيذِيثْنغ عِيْسَى لْكِتَاب ن مَتَّى 5:48

إِڒِيث نِيشَان قَاع، أَمشْنَاو مَامش يدْجَا بَابَاثْوم ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:25

يُوْوْثَا ونْࢲَار، حمْڒن-د يغْزْرَان، ئِصُوْض-د اَرِّيح يجْهذ يعْذُو خ ثدَّارْث نِّي. وَاخَّا اَمنِّي وَار ثوْضِي شَا ڒَاحقَّاش ثبْنَا خ دْسَاس ن وزْرُو.

مرقس 1:1

أَمزْوَارُو ن لْإِنْجِيل ن عِيْسَى لْمَسِيح مِّيس ن أَربِّـي.

مرقس 6:12

كَّرن نِثْنِي رُوْحن تْحدَّاثن إِ يِوْذَان حمَا اَذ تُوْبن.

لوقا 6:48

ئِتْشَابَّاه ذݣ يِجّن ن ورْيَاز إِݣ يبنَّان ثَدَّارْث نّس، ئِغْزَا اَطَّاس يݣَّا دْسَاس خ وزْرُو. وَامِي د يحْمڒ يغْزَار يعْذُو خ ثدَّارْث نِّي، وَار يزمَّر اَت يسنْهزّ مِينْزِي ثبْنَا مْلِيح.

يوحنا 12:44

عِيْسَى يتْخَاطَاب س جّْهذ ينَّا: "ونِّي يتَامْنن زَّايي، مَاشِي يتَامن زَّايِي يتَامن زِي ونِّي إِي ذَايِي د يسّكّن.

يوحنا 14:1

"ئِتْخصَّا كنِّيو وَار تْخيِّيقن شَا وُوْڒَاون نْوم. أَمْنث زِي أَربِّـي، أَمْنث عَاوذ زَّايي.

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

ڒخذايم 11:18

يِنِّي يحْضَارن وَامِي سْڒِين إِ وَاوَاڒ-أَ، سْقَارن حمْذن أَربِّـي نَّان: "خْيَار، ؤُڒَا ذ يِنِّي وَار يدْجِين شَا زِي أَيث-إِسْرَائِيل يُوْشَا-ٱسن أَربِّـي تُّوْبَا اَغَارْسن ثِيڒِي ثُوْذَارْث!"

ڒخذايم 17:30

مَانَايَا أَربِّـي وَار ت يُوْوِي شَا ذِي زْمَان ن ڒقْفَاڒث، وَلَكِن ڒخُّو يُوْمَر مَارَّا يوْذَان ذِي مْكُڒ اَمْشَان بَاش اَذ تُوْبن.

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒخذايم 20:21

عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى.

ڒخذايم 26:20

لَّا، تْبشَّارغ ذ اَمزْوَارُو يمزْذَاغ ن ثنْدِينْت ن دِمَشق، عَاذ ذ يمزْذَاغ ن ثتْدِينْت ن لْقُدْس ذ مَارَّا جْوَايه ن ثْمُوْرْث ن يَهُوْذِيَا، ذ اَنݣَّارُو مَارَّا يِنِّي وَار يدْجِين شَا زِي أَيث-إِسْرَائِيل. تْبشَّارغ-ثن اَذ تُوْبن اَذ ذوْڒن غَار أَربِّـي، أَذ خذْمن ڒخْذَايم ن تُّوْبَا يدْجَان ن صَّح.

ڒخذايم 3:19

س مَانَايَا تُوْبث، ذوْڒث غَار أَربِّـي حمَا اَذ تْوَاكّْسنْت ڒْمُعْصِيَاث نْوم. حمَا اَذ د تَاس ثْسَعَّات ن لْفَرَج زِي سِيذِي أَربِّـي، أَذ د يسّكّ لْمَسِيح إِي تُوْغَا ذَاوم يتْوَاخْضَرن زِي قْبڒ يعْنِي عِيْسَى.

1 أيث-كورينث 13:10

مِين يدْجَان قَاع يكْمَاڒ اَذ د يبَان ذَانِيتَا، سّنِّي مِين يدْجَان ذ اَنقْصِي اَذ يودَّر نتَّا.

1 أيث-كورينث 2:6

إِنَّمَا، نشِّين نسَّاوَاض يجّن ن وَاوَاڒ ن ڒفْهَامث غَار يِنِّي وَار يقِّيمن شَا ذ يمزْيَانن ذِي لْإِيمَان نْسن. وَلَكِن ڒفْهَامث-أَ وَار د تِيس شَا زِي ڒْوقْث-أَ نِغ زِي لْحُكَّام ن ڒْوقْث-أَ إِݣ يݣُّوْرن اَذ فْنَان.

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

22 أيث-كورينث 7:10

شُوْف، أَخِيّق زِي أَربِّـي يتَارو-د تُّوْبَا، تُّوْبَا-يَا ثْندّه-يكنِّيو اَذ تْنجْمم وَار تجِّي بُو نْدَامث. أَخِيّق زِي دُّنشْت-أَ لَّا، يتَارو-د ڒْموْث.

أيث-ؤفسوس 2:1

فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ دّْنُوْب نْوم.

أيث-ؤفسوس 2:5

ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم.

أيث-ؤفسوس 4:12

نِثْنِي اَذ سْوجْذن إِ صَّالِحِين اَذ خذْمن شّْغڒ ن أَربِّـي بَاش جْمَاعث ن لْمَسِيح اَذ تجْهذ.

أيث-كولوس 1:28

لْمَسِيح-أَ نتْبشَّار زَّايس إِ يِوْذَان، نْنهَّا-ثن مَارَّا إِذْسن، نْسڒْمَاذ-يثن س مَارَّا ڒفْهَامث بَاش أَ نْقدّم يوْذَان مَارَّا ذِي لْمَسِيح بْڒَا شَا ن ڒْعِيب إِ أَربِّـي.

أيث-كولوس 3:14

كْتَار مَارَّا زِي ثْمسْڒَايِين-أَ ثِيْنَا يتْخصَّا اَذ تسْخذْمم ڒمْحِبّث جَارَاوم مِينْزِي ڒمْحِبّث-أَ تَاس-د اَم يِجّن ن وسْغُوْن إِݣ يسْمُوْنن مَارَّا ثِمسْڒَايِين-أَ ذݣ يِشْتن.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

1 تيموتاوس 6:19

أَمنِّي إِي غَا خمْڒن اَݣْڒَا إِ يِيخف نْسن اَم يِجّن ن دْسَاس يجهْذن إِ ثُوْذَارْث إِي د غَا يَاسن بَاش اَذ طّْفن مْلِيح ذِي ثُوْذَارْث نِّي إِي يدْجَان ذ ثُوْذَارْث ن صَّح.

2 تيموتاوس 2:19

وَلَكِن دْسَاس يجهْذن ن أَربِّـي وَار يتنْهزِّي شَا، خَاس إِي نقْشنْت ثِيْرَا-يَا قَّارنْت قَا سِيذِي أَربِّـي قَا يسّن يوْذَان يدْجَان نّس. قَّارنْت عَاوذ قَا مَارَّا يِنِّي يشهّْذن س يِيسم ن سِيذِيثْنغ يتْخصَّا أُو لَابُد اَذ بعّْذن خ شَّرّْ.

يعيبرانيين 11:6

إِيوَا ؤُڒَا ذ يجّن وَار يزمَّر اَخَاس يَارطَّا أَربِّـي بْڒَا لْإِيمَان. مِينْزِي ونِّي إِي غَا يقَارّْبن غَار أَربِّـي لَابُد اَذ يَامن بلِّي نتَّا يدْجَا أُو ذ نتَّا إِݣ يتْجَزَان يِنِّي خَاس يرزُّوْن س وُوْڒَاون نْسن.

يعيبرانيين 12:13

سݣّْذث يبْرِيذن نْوم نِيشَان بَاش يضَارن نْوم يزحَّافن وَار تْغِيمِين شَا ذ ينعْذَام اَذ ݣنْفَان.

يعيبرانيين 7:11

إِذن، مَعْلِيك شّْغڒ نِّي إِي خدّْمن ڒْفُقَهَا ن أَيث-لَاوِي وَار ذَاس ينْقِيس وَالُو، مَايمِّي عَاذ تُوْغَا غَا نحْذَاج اَذ د يَاس يجّن ن ڒفْقِي نّغْنِي اَمشْنَاو لْفِرْقَا ن مَلِكِيصَادِق، مَاشِي زِي لْفِرْقَا نِّي عَادِي ن هَارُوْن ن أَيث-لَاوِي؟

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

ثبرات غار يعقوب 1:4

أُو لَابُد صّْبَار-أَ اَذَايْوم يكمّڒ شّْغڒ نّس حمَا ٱذ تمْغَارم اَذ تْعمَّرم س لْإِيمَان وَار ذَاوم ثْنقِّيص ؤُڒَا ذ يجّن ن ڒْحَاجث.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

1 يوحنا 4:12

وَار ذِنِّي حَدّ عمَّارْص يࢲْرَا أَربِّـي. وَلَكِن نشِّين مڒَا نتْخس اَيَاوْيَا اَتَاف أَربِّـي يزدّغ ذَايْنغ، ڒمْحِبّث نّس ثجِّيون زَّايْنغ.