يعيبرانيين 5:2 - ثريفيث 2020

² ئِزمَّر نتَّا اَذ يحِيْنّ خ يِنِّي وَار يفهّْمن شَا ذ يِنِّي يفّْغن اَبْرِيذ مِينْزِي نتَّا س يِيخف نّس ذَايس ضُّوْعف.

يعيبرانيين 5:2 ပူးပေါင်းရင်းမြစ်များ

لوقا 22:32

تتَّارغ اَكِذش غَار سِيذِي أَربِّـي حمَا لإِيمَان نّش وَار ينقّص شَا. خْمِي غَارِي د غَا ثْذوْڒذ، شجّع اَيْثْمَاش."

22 أيث-كورينث 11:30

مڒَا نش أُو لَابُد اَذ فْتَخَرغ، أَذ فْتَخَرغ س مِين ذَايِي د يسْبيَّانن ضعْفغ.

22 أيث-كورينث 12:5

ئِجّن ن ورْيَاز اَم وَانِيتَا زمَّرغ نش اَزَّايس فْتَخَرغ. وَلَكِن وَار تفْتَخَرغ شَا زِي مِين ذَايِي د يُوْسِين، تفْتَخَرغ زِي ضُّوْعف ينُو أُو صَافِي.

أيث-ݣلاطيا 4:13

أَقَا ثسّْنم بلِّي نش تْبشَّارغ-كنِّيو س لْإِنْجِيل ذ اَمزْوَارُو عْلَاحْسَاب يجّن ن ڒهْڒَاش ذ لْمَرَض ذِي دَّات ينُو.

أيث-ؤفسوس 4:18

نِثْنِي ثْطمّص-يثن ڒفْهَامث زَعْمَا إِي ذَايْسن. نِثْنِي ݣّْوْجن زِي ثُوْذَارْث ن أَربِّـي عْلَاحْسَاب ڒقْفَاڒث نِّي إِي ذَايْسن س ثْغنَّانْت ن وُوْڒَاون نْسن.

1 تيموتاوس 1:13

نش قْبڒ تُوْغَا قَّارغ اَوَاڒن وَار يحْڒِين خ أَربِّـي تْعدَّابغ ڒْمُوْمِنِين، نش ذ يجّن بْنَاذم يضدْجْمن. وَاخَّا تُوْغَا خذْمغ مَانَاينِّي يسظْهَار-اَيِي-د أَربِّـي اَرَّاحْمث نّس لِأَنَّا خذْمغ مَانَاينِّي س ڒقْفَاڒث ينُو بْڒَا مَا ٱذ سّْنغ مِين يدْجَان نِيشَان، ؤُڒ ينُو وَار ذَايس بُو لْإِيمَان.

يعيبرانيين 12:13

سݣّْذث يبْرِيذن نْوم نِيشَان بَاش يضَارن نْوم يزحَّافن وَار تْغِيمِين شَا ذ ينعْذَام اَذ ݣنْفَان.

يعيبرانيين 2:17

خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.

يعيبرانيين 2:18

وَامِي نتَّا س يِيخف نّس يتْوَاعدّب ذِي ڒمْحَاين، ئِزمَّر اَذ يعَاون يِنِّي يدْجَان ذِي ڒمْحَاين.

يعيبرانيين 4:15

شُوْف، وَار غَارْنغ بُو يجّن ن ڒفْقِي اَمقّْرَان نتَّا وَار يزمَّر شَا اَذ يحسّ زِي ضُّوْعف نّغ. وَاه، غَارْنغ يجّن ڒفْقِي كِّينْت خَاس مَارَّا ڒمْحَاين؛ نتَّا اَم نشِّين وَلَكِن وَار يݣِّي بُو ڒْمُعْصِيّث.

يعيبرانيين 7:28

لِأَنَّا شَّرِيعَا ن مُوْسَى تَارَّا يرْيَازن س ضُّوْعف نْسن اَذ يڒِين ذ ڒْفُقَهَا يمقّْرَانن. وَلَكِن أَربِّـي س ثْجَادْجِيث نّس إِي د يُوْسِين منْبَعْد إِ شَّرِيعَا ن مُوْسَى يَارَّا مِّيس ذ ڒفْقِي اَمقّْرَان يذْوڒ نتَّا بْڒَا ڒْعِيب قَاع إِ ڒبْدَا.

يعيبرانيين 9:7

وَلَكِن اَخَّام نِّي وِيس ثْنَاين يتْرَاح ذِنِّي غِير ڒفْقِي اَمقّْرَان، ئِجّن ن ثْوَاڒَا ذِي لْعَام أُو صَافِي. وَا لَابُد اَكِذس يَاوِي شَا ن يذَامّن بَاش اَثن يقدّم خ يِيخف نّس أُو خ دّْنُوْب إِي ݣِّين شَّعْب بْڒَا مَا ثنْت سّْنن.

ثبرات غار يعقوب 5:19

آي أَيثْمَا، شَان يِجّن زَّايْوم يفّغ اَبْرِيذ ن لْحَقِيقَا. مڒَا يَارِّي-ث-يد شَان يِجّن نّغْنِي، ئِتْخصَّا-كنِّيو ٱذ تسّْنم بلِّي ونِّي إِي ثِيذ يَارِّين زݣ وبْرِيذ نّس ن ڒْبَاطڒ اَتَاف يسنْجم-يث زِي ڒفْنَا نّس اَتَاف اَذ تْوَاغْفَرنْت اَطَّاس ن ڒْمُعْصِيَاث.

1 بطرس 2:25

تُوْغَا كنِّيو اَم يحُوْڒِيْين يتْودَّرن، ڒخُّو ثْذوْڒم-د غَار ونِّي إِي كنِّيو يرَاسّن يتْكلَّافن زِي ڒَعْمَار نْوم.