يعيبرانيين 5:12 - ثريفيث 2020

¹² شُوْف، وَا لَابُد كنِّيو ڒخُّو اَذ تِيڒِيم ذ يمْسڒْمَاذن وَلَكِن عَاذ يتْخصَّا-يَاوم يجّن اَكنِّيو يسْغَر س ثْغُوْرِي نِّي ثَمزْوَارُوْت زݣ وَاوَاڒ ن أَربِّـي. كنِّيو تحْذَاجَام اَغِي وَاهَا، مَاشِي لْمَكْلَا ذ صَّح.

يعيبرانيين 5:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:17

ئِنْدق-د عِيْسَى ينَّا-ٱسن: "آ يوْذَان ن ڒْوقْث-أَ إِي ذِي وَار يدْجِي بُو لْإِيمَان، آ يِنِّي يفّْغن اَبْرِيذ! مشْحَاڒ إِي كِذْوم غَا قِّيمغ أُو مشْحَاڒ ذَاوم غَا صْبَرغ؟ أَوِيم-اَيِي-ث-يد ذَا."

مرقس 9:19

يَارَّا خَاسن عِيْسَى ينَّا-ٱسن: "آ يوْذَان ن ڒْوقْث-أَ إِي ذِي وَار يدْجِي بُو لْإِيمَان! مشْحَاڒ إِي كِذْوم غَا قِّيمغ أُو مشْحَاڒ ذَاوم غَا صْبَرغ؟ أَوِيم-اَيِي-ث-يد إِ نش."

ڒخذايم 7:38

ذ نتَّا مُوْسَى إِي يݣُّوْرن اَك جْمَاعث ن أَيث-إِسْرَائِيل إِݣ يمُوْنن ذِي صَّحْرَا. ذ نتَّا مِيكذ ثسِّيوڒ لْمَلَائِكَا خ وذْرَار ن سِينَا ذ ڒجْذُوْذ نّغ. ذ نتَّا إي خف د هْوَان وَاوَاڒن يدَّرن حمَا اَذَانغ ثن يُوْش.

أيث-روما 3:2

وَاه، اَطَّاس ن نّْفَع! ذ اَمزْوَارُو، يجَّا-ٱسن-د أَربِّـي اَوَاڒ نّس ذ لْأَمَانَا.

1 أيث-كورينث 14:19

إِنَّمَا، مڒَا سِّيوْڒغ اَك جْمَاعث ن ڒْمُوْمِنِين غِير س خمْسَا ن وَاوَاڒن اَتَاف اَذَايِي فهّْمن حْسن زِي مڒَا سِّيوْڒغ س عشْرَاڒَاف ن وَاوَاڒن س يِجّن ن لُّغَا رُوْحِيَا.

1 أيث-كورينث 14:20

لَّا آي اَيثْمَا، وَار تْفكَّرث شَا اَم يحنْجِيرن يمزْيَانن. إِڒِيث اَم يسيْمَان ذِي شَّرّْ؛ إِڒِيث اَم يمقّْرَانن عْلَاحْسَاب ڒَعْقڒ.

أيث-ݣلاطيا 4:3

أَمُّو ؤُڒَا ذ نشِّين. وَامِي ندْجَا عَاذ ذ يمزْيَانن، أَم يسمْغَان حكّْمن خَانغ لْقَوَانِين يقْذِيمن ن دُّنشْت-أَ.

أيث-فيليـپـي 3:1

ڒخُّو آي أَيثْمَا اَذ كمّْڒغ، فَرْحث س سِيذِيثْنغ! وَار غَارِي بُو لْمُشْكِل اَذَاوم عَوْذغ ثِمسْڒَايِين-أَ س ثِيرَا، كنِّيو عَاوذ اَزَّايْسنْت تْوَاحْضَام زِي لْخَطَر.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

يعيبرانيين 10:32

فَا عقْڒث خ وُوْسَّان نِّي يعْذُوْن وَامِي خَاوم د يشعْشع نُّوْر. ثصْبَارم خ يِجّن ن ؤُمنْغِي يقْسح، ثْوَاجْهَام اَعدّب.

يعيبرانيين 5:11

عَاذ نْزمَّر أَ نِينِي اَطَّاس خ ثْمسْڒَايِين-أَ وَلَكِن يقْسح اَكنِّيو نْسفْهم. مَايمِّي؟ لِأَنَّا كنِّيو ثْذقْڒم اَذ تْفهْمم.

يعيبرانيين 5:13

كُڒ يجّن عَاذ ذ اَسيْمِي يتْعِيش س ؤُغِي وَاهَا، يعْنِي وَار يفهّم شَا إِ ؤُسڒْمذ خ مِين يصڒْحن.

يعيبرانيين 6:1

خ مَانَايَا وَار نتْغِيمِيث شَا ذِي تَّعْلِيم-أَ اَمزْوَارُو خ لْمَسِيح، أَ نُوْيُوْرث غَار زَّاث بَاش أَ نمْغَر. وَار نْتَاعْقِيب شَا غَار دْسَاس. يعْنِي وَار نسَّاوَاڒ شَا عَاذ خ تُّوْبَا نِّي ن سَّايِأَث، نِغ خ مَامّش غَا نݣّ أَ نَامن زِي أَربِّـي،

1 بطرس 2:2

إِڒِيث اَم يحْضِيضن، سْغُوْيِوث خ ؤُغِي نِّي يصْفَان ن أَرُّوْح يقدّْسن بَاش اَزَّايس ثمْغَرم ذِي لْإِيمَان نْوم إِݣ يسنْجَامن.

1 بطرس 4:11

ونِّي ؤُمِي يمُّوْش اَذ يسِّيوڒ يتْخصَّا-يَاس اَذ يسِّيوڒ اَم ونِّي يسَّاوَاڒن اَوَاڒن ن أَربِّـي. ونِّي ؤُمِي يمُّوْش اَذ يخْذم يتْخصَّا-يَاس اَذ يخْذم اَم ونِّي يخدّْمن س جّْهذ إِݣ يتِيشّ أَربِّـي. حمَا س مَارَّا ثِمسْڒَايِين-أَ اَذ يتْوَاحْمذ أَربِّـي س وفُوْس ن عِيْسَى لْمَسِيح. أَغَارس ثِيڒِي لْعَظَمَا ذ ڒحْكَام إِ ڒبْدَا ن ڒبْدَاث. آمِين.