يعيبرانيين 4:16 - ثريفيث 2020

¹⁶ فَلِهَذَا أَ نْقَارّب س زْعَامث غَار ڒْعَرْش ن أَربِّـي ذَايس اَرْضَا بَاش أَ نَاف ذِنِّي اَرَّاحْمث ذ يجّن ن اَرْضَا إِي ذَانغ غَا يعَاوْنن ذِي ڒْوقْث ن ؤُحْذَاجِي نّغ.

يعيبرانيين 4:16 ပူးပေါင်းရင်းမြစ်များ

أيث-ؤفسوس 2:18

لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.

أيث-ؤفسوس 3:12

زَّايس نتَّا أَ نْقَارّب غَار أَربِّـي س زْعَامث ذ تِّقث بْڒَا مَا أَ نݣّْوذ خْمِي زَّايس نْتَامن.

يعيبرانيين 13:6

س مَانَاينِّي نقَّار س زْعَامث قَا نش سِيذِي أَربِّـي يتْعَاوَان-اَيِي مَاشِي اَذ ݣّْوْذغ. مِين ذَايِي غَا يݣّ بْنَاذم؟

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

يعيبرانيين 7:19

ئِفّغ-د يجّن لْأَمَال حْسن زِي ڒُوْصِيّث نِّي، زَّايس إِي غَا نْقَارّب غَار أَربِّـي ڒَاحقَّاش شَّرِيعَا ن مُوْسَى وَار د تَارِّي ؤُڒَا ذ يجّن ڒْحَاجث وَار ذَايس بُو ڒْعِيب.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

يعيبرانيين 9:5

ثَقبَّارْث ن تَابُوْت-أَ خَاس ثْنَاين ن لْمخْلُوْقَاث ن لْعَظَمَا ݣِّين اَم مُوْنِيكُوْث غَارْسن اَفْرِيون. ثِيڒِي ن وَافْرِيون نْسن ثْغطَّا ثَقبَّارْث-أَ ثَانِيتَا ن اَرَّاحْمث. وَلَكِن نشِّين ذِي ڒْوقْث-أَ وَار نْزمَّر أَ نْوصّف ثِمسْڒَايِين-أَ ثَا س ثَا.

1 بطرس 2:10

تُوْغَا كنِّيو ذݣ يِجّن ن ڒْوقْث مَاشِي ذ ڒْݣنْس، ڒخُّو كنِّيو ثْذوْڒم ذ شَّعْب ن أَربِّـي. تُوْغَا ذݣ يِجّن ن ڒْوقْث وَار ثسِّينم شَا اَرَّاحْمث ن أَربِّـي، ڒخُّو ثسّْنم اَرَّاحْمث نّس.