يعيبرانيين 4:14 - ثريفيث 2020

¹⁴ إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

يعيبرانيين 4:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 4:3

ئِكَّر ونِّي يتْجَرَّابن يقَارّب-د غَار عِيْسَى ينَّا-ٱس: "مڒَا شك ذ مِّيس ن أَربِّـي، إِنِي-يَاسن إِ يزْرَا-يَا اَذ ذوْڒن ذ اَغْرُوْم."

مرقس 1:1

أَمزْوَارُو ن لْإِنْجِيل ن عِيْسَى لْمَسِيح مِّيس ن أَربِّـي.

مرقس 16:19

ئِسِّيوڒ اَكِذْسن سِيذِيثْنغ عِيْسَى سّنِّي يتْوَارْفع غَار وجنَّا يقِّيم خ وفُوْسِي ن أَربِّـي.

لوقا 24:51

وَامِي ثن يتْبَرَاك، ئِتْݣَعَّاذ خَاسن يتْوَارْفع غَار وجنَّا.

ڒخذايم 1:11

نَّان-اَسن: "آي يرْيَازن ن ثْمُوْرْث ن لْجَلِيل، مَايمِّي عَاذ ثْبدّم ذَانِيتَا تْخزَّرم ذݣ وجنَّا؟ قَا عِيْسَى-يَا وَانِيتَا إِي ذَاوم يتْوَارْفْعن غَار وجنَّا، مَامّش ث ثࢲْرِيم يݣَعّذ غَار وجنَّا اَمنِّي إِي د غَا يذْوڒ."

ڒخذايم 3:21

ئِتْخصَّا نتَّا اَذ يقّيم ذݣ وجنَّا اَڒ ڒْوقْث إِي ذِي غَا يتْوَاعْذڒ كُڒْشِي عْلَاحْسَاب اَوَاڒن ن لْأَنْبِيَا صَّالِحِين إِي ذَاسن ينَّا أَربِّـي ذݣ يِجّن ن زْمَان.

أيث-روما 8:34

وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ.

22 أيث-كورينث 12:2

ئِجّن ن ورْيَاز يدْجَان ذِي لْمَسِيح، أَقَا سّْنغ-ث ذ نش. أَرْبعْطَاش يسݣّْوُوْسَا زݣ وَامِي يتْوَاخْضف غَار وجنَّا وِيس ثْڒَاثَا. مَا يتْوَاخْضف س دَّات نِغ بْڒَا دَّات مَانَاينِّي وَار ث سِّينغ شَا نش، ئِسّن-يث إِلَّا أَربِّـي.

22 أيث-كورينث 9:13

صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.

أيث-ؤفسوس 4:10

وَاه، ونِّي إِي د يهْوَان ذ ونِّي س يِيخف نّس إِݣ يݣَعّْذن قَاع ذݣ وجنَّا ن يجنَّاثن بَاش اَذ يشَّار مَارَّا ثِمسْڒَايِين.)

يعيبرانيين 1:8

وَلَكِن خ مِّيس يقَّار ذِي لْكِتَاب: <آي أَربِّـي، ڒْعَرْش نّش اَذ يدُوْم إِ ڒبْدَا ن ڒبْدَاث، ڒْحَقّ اَذ يِيڒِي ذ ثَغْرِيث ن ڒحْكَام نّش.

يعيبرانيين 10:12

لْمَسِيح لَّا، نتَّا يقدّم يجّن ن دْبِيحث وَاحْذس خ ڒْمُعْصِيّث يجّن ن ثْوَاڒَا إِ ڒبْدَا، أُوْشَا يقِّيم نتَّا خ وفُوْسِي ن أَربِّـي.

يعيبرانيين 10:23

أَ نطّف بْڒَا مَا أَ نضْڒق ذِي لْأَمَال نِّي إِي خف نْشهّذ لِأَنَّا أَربِّـي إِي ذَانغ يوعْذن ذَايس تِّقث.

يعيبرانيين 10:29

ئِي كنِّيو، مِين تْفكَّرم؟ مشْحَاڒ إِي غَا يِيڒِي لْعِقَاب إِݣ يسْذَاهدْج ونِّي يسحْقَارن مِّيس ن أَربِّـي، ئِسخْنز يذَامّن ن ڒْعَهذ نِّي إِي زِي يتْوَاسِّيصْفَا، يزبّڒ أَرُّوْح ن اَرْضَا!

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 2:1

خ مَانَايَا لَابُد أَ د نَارّ ڒْبَاڒ نّغ إِ مِين نتْسْڒَا بَاش وَار نْتفّغ شَا اَبْرِيذ.

يعيبرانيين 2:17

خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 6:20

ذݣ ومْشَان نِّي يُوْذف عِيْسَى ذِنِّي ذ اَمزْوَارُو عْلَاحْسَاب نشِّين، ئِذْوڒ ذ ڒفْقِي اَمقّْرَان إِ ڒبْدَا اَمشْنَاو لْفِرْقَا نِّي ن ڒفْقِي ؤُمِي قَّارن مَلِكِيصَادِق.

يعيبرانيين 6:6

يِيْنَا مڒَا فّْغن اَبْرِيذ، وَار يدْجِي وِي ثن د غَا يَارّن غَار تُّوْبَا. مَايمِّي؟ لِأَنَّا يِيْنَا اَذ يڒِين اَم تْصلَّابن مِّيس ن أَربِّـي عَاوذ خ صَّلِيب تْعيَّابن-ث زَّاث إِ يِوْذَان.

يعيبرانيين 7:3

وَار غَارس نْتِيف لَّا بَابَاس لَّا يمَّاس لَّا ڒجْذُوْذ نّس. وَار غَارس نْتِيف اَمزْوَارُو ن ڒِيَّام نّس ؤُڒَا ذ اَنݣَّارُو ن ثُوْذَارْث نّس. نتَّا يتْشَابَّاه ذِي مِّيس ن أَربِّـي، ئِدَّر اَم ڒفْقِي اَمقّْرَان إِ ڒبْدَا.

يعيبرانيين 8:1

إِيوَا، مِين يدْجَان مُهِم ذِي مِين نقَّار؟ يعْنِي يجّن ن ڒفْقِي اَمقّْرَان اَم ونِّي إِي خف نسِّيوڒ اَقَاث غَارْنغ نشِّين. ئِقِّيم نتَّا خ وفُوْسِي ن لْعَرْش ن أَربِّـي سُبْحَانَا وَتَعَالَى ذݣ وجنَّا.

يعيبرانيين 9:12

يُوْذف يجّن ن ثْوَاڒَا أُو صَافِي غَار وخَّام اَمْقدّس اَطَّاس. نتَّا وَار يُوْذِيف شَا س يذَامّن ن يغَايْذن نِغ ذ ئِينْدُوْزن؛ لَّا، يُوْذف س يذَامّن نّس نِّيث يخدْجس خَانغ لْفِدْيَا بَاش أَ ننْجم إِ ڒبْدَا.

يعيبرانيين 9:24

شُوْف، لْمَسِيح وَار يُوْذِيف شَا اَخَّام نِّي اَمْقدّس اَطَّاس إِي يبْنَان س يفَاسّن ن بْنَاذم يتْشَابَّاهن وَاهَا ذݣ ونِّي ن صَّح؛ لَّا، نتَّا يُوْذف ذݣ وجنَّا نِّيث اَذ يحْضَار زَّاث إِ أَربِّـي عْلَاحْسَاب نشِّين.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.