يعيبرانيين 3:5 - ثريفيث 2020

⁵ تُوْغَا نَّبِي مُوْسَى يخدّم نِيشَان ذ اَمْسخَّار، ئِتْعَاوَان اَيثْبَاب ن ثدَّارْث ثكْمَاڒ ن أَربِّـي، ئِشهّذ خ ثْمسْڒَايِين تُوْغَا عَاذ إِي غَا يتْوَابشَّرن ذِي لْمُسْتَقْبل.

يعيبرانيين 3:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:45

مِين يعْنَا وخدَّام إِي يدْجَان ذ اَمِيغِيس، ذَايس ڒَامَان؟ نتَّا ذ ونِّي إِݣ يتْكلَّاف سِيذس اَذَاسن يُوْش مَشَّا إِ يخدَّامن نّس ذِي ڒْوقْث نِيشَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:21

ينَّا-ٱس سِيذس: ثݣِّيذ مْلِيح آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش.

لوقا 12:42

يَارَّا خَاس سِيذِيثْنغ ينَّا-ٱس: "إِيوَا مِين يعْنَا ؤُوقَّاف نِّي يدْجَان ذ اَمِيغِيس ذَايس ڒَامَان؟ نتَّا ذ ونِّي إِݣ يتْكلَّاف سِيذس اَذَاسن يُوْش لْمَكْلَا إِ يخدَّامن نّس ذِي ڒْوقْث نِيشَان.

لوقا 24:27

ذِنِّي يبْذَا-يَاسن عِيْسَى زِي شَّرِيعَا ن مُوْسَى ذ لْكُتُب ن مَارَّا لْأَنْبِيَا يسفْهم-يثن مِين خَاس يُوْرِين ذِي مَارَّا لْكُتُب نِّي.

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

يوحنا 5:39

ثْرزُّوم ذِي لْكُتُب كنِّيو تْغِير-اَوم ذَايْسن ثُوْذَارْث ن ڒبْدَا. إِيوَا ؤُڒَا ذ يِيْنَا شهّْذن خَافِي.

ڒخذايم 28:23

تَّافْقن اَذ مڒْقن يجّن ن نْهَار، تْمَارْنِين-د ينّغْنِي ؤُسِين-د غَارس اَطَّاس إِذْسن غَار ثدَّارْث مَانِي يقِّيم بُوْلُس. ئِبْذَا يتْحدَّاث-يثن زِي صْبَاح اَڒ وَامِي د يُوْوض وعشِّي نتَّا يشهّذ س ڒْمُلْك ن أَربِّـي، ئِخس اَثن يسقْنع س شَّرِيعَا ن مُوْسَى ذ لْكُتُب ن لْأَنْبِيَا خ عِيْسَى.

ڒخذايم 7:37

ذ مُوْسَى-يَا إِي ذَاسن ينَّان إِ أَيث-إِسرائيل: أَذَاوم د يُوْش أَربِّـي يجّن ن نَّبِي زݣ اَيثْمَاثْوم اَم نش.

أيث-روما 3:21

فَا ڒخُّو أَربِّـي يسْمظْهَار-اَنغ-د مَامّش غَا نݣّ أَ نْمصْڒَاح اَكِذس بْڒَا شَّرِيعَا. مَانَايَا صَحّن-ث لْكُتُوْب ن لأَنبِيَاء ذ شَّرِيعَا ن مُوْسَى نِثْنِي س يِيخف نْسن.

1 أيث-كورينث 4:2

أُو لَابُد يِنِّي يتْكلَّافن يتْخصَّا اَذَايْسن ثِيڒِي تِّيقث.

1 تيموتاوس 1:12

تْشكَّرغ سِيذِيثْنغ عِيْسَى لْمَسِيح ونِّي إِي ذَايِي يُوْشِين جّْهذ نّس يُوْفَا ذَايِي تِّقث يسِيذف-اَيِي غَار ڒْخذْمث نّس.

يعيبرانيين 1:1

ذِي زْمَان يسَّاوَاڒ أَربِّـي اَك ڒجْذُوْذ نّغ س وقمُّوْم ن لْأَنْبِيَا س وَاطَّاس ن ثْوَاڒَاثِين س وَاطَّاس ن يبْرِيذن.

يعيبرانيين 3:2

ئِخْذم عِيْسَى س لْإِذن ن ونِّي إِي ثِيد يعيّْنن مَامّش يݣَّا نَّبِي مُوْسَى ؤُڒَا ذ نتَّا يخْذم س لْإِذن ن أَربِّـي ذِي اَيثْبَاب ن ثدَّارْث ثكْمَاڒ ن أَربِّـي.

يعيبرانيين 3:4

لِأَنَّا كُڒ ثَدَّارْث غَارس ونِّي إِي ثن د يُوْرْون أُو مَارَّا يجِّي-ثن-د أَربِّـي.

يعيبرانيين 8:5

يِيْنَا خدّْمن شّْغڒ نْسن ذݣ يِجّن ن ثمْزِيذَا نتَّاث اَم يِجّن ن ثِيڒِي يتمْشَابَّاهن ذِي مِين يدْجَان ذݣ وجنَّا. خ مَانَاينِّي أَربِّـي يعْڒم إِ مُوْسَى وَامِي يبْذَا يسْبدَّا اَقِيْضُوْن نِّي اَمقّْرَان ينَّا-ٱس: <فكَّر بَاش اَذ تݣّذ مَارَّا مِين ذَاش خَطّغ ذِي لْخَرِيطَا نِّي ذݣ وذْرَار.>

يعيبرانيين 9:24

شُوْف، لْمَسِيح وَار يُوْذِيف شَا اَخَّام نِّي اَمْقدّس اَطَّاس إِي يبْنَان س يفَاسّن ن بْنَاذم يتْشَابَّاهن وَاهَا ذݣ ونِّي ن صَّح؛ لَّا، نتَّا يُوْذف ذݣ وجنَّا نِّيث اَذ يحْضَار زَّاث إِ أَربِّـي عْلَاحْسَاب نشِّين.

لواحي ن يوحنا 15:3

تْغنَّاجن س يِيْزْڒِي ن مُوْسَى ڒْعَبْذ ن أَربِّـي ذ يِزْڒِي ن يِزْمَار قَّارن: "ڒخْذَايم نّش ذ ثِمقّْرَانِين يسْذهَّاشن، آ سِيذِي أَربِّـي نّغ إِ كُڒْشِي إِي يزمَّرن. ئِبْرِيذن نّش ذ ڒْحَقّ ذ نِيشَان إِݣ يدْجَان، آي اَزدْجِيذ ن ڒݣْنُوْس ن يِوْذَان.