يعيبرانيين 3:14 - ثريفيث 2020

¹⁴ أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 3:14 ပူးပေါင်းရင်းမြစ်များ

أيث-روما 11:17

شُوْف، ڒبْعَاض ن ڒفْرُوْع يعْنِي ثِسضْوِين تْوَاقسّنْت زِي ثْزِيتُونْت، سّنِّي شك ثتْوَاڒقّْمذ ذݣ ومْشَان نْسنْت جَار ثِنِّي يقِّيمن وَاخَّا شك ذ اَزمُّوْر، ثْشَرّْشذ ذݣ يࢲوْرَان ن ثْزِيتُونْت ثدَّرذ زَّايْسن.

أيث-روما 11:22

إِذن خْزَر مشْحَاڒ يصْبح أَربِّـي مشْحَاڒ إِي يقْسح. ئِقْسح خ يِنِّي يوْضَان؛ ئِصْبح اَكِذش شك يعْنِي مڒَا ثقِّيمذ ذِي ڒْخِير نّس. مڒَا لَّا اَتَاف اَذ تْوَاقسّذ ؤُڒَا ذ شك.

1 أيث-كورينث 1:30

أُو نتَّا ذ سَّبَاب إِي زِي ثدْجَام كنِّيو ذِي عِيْسَى لْمَسِيح. ئِݣِّي-ث أَربِّـي نتَّا ذ ڒفْهَامث نّغ، يعْنِي نتَّا ذَايس صُّلْح نّغ ذ وصفِّي نّغ ذ وفكِّي نّغ.

1 أيث-كورينث 10:17

ذِنِّي يجّن ن ثْخبَّاسْت ن وغْرُوْم وَاحْذس، س سَّبَاب-أَ نشِّين ذ يجّن، وَاخَّا ذِنِّي اَطَّاس إِي إِذْنغ. مِينْزِي نشِّين مَارَّا إِذْنغ نْشَرّش ذݣ يِجّن ن ثْخبَّاسْت.

1 أيث-كورينث 9:23

نش تݣّغ مَارَّا مَانَايَا عْلَاحْسَاب لْإِنْجِيل حمَا اَذ شَرْشغ ذِي لْبَرَكَاث نّس.

أيث-ؤفسوس 3:6

ڒْمَعْنَا-يَا ينُوْفَّرن ثَانِيتَا، مِين ثعْنَا؟ أَقَا ؤُڒَا ذ يِنِّي وَار يدْجِين شَا زِي أَيث-إِسْرَائِيل اَذ وَرْثن زِي أَربِّـي اَك أَيث-إِسْرَائِيل س لْإِنْجِيل. نِثْنِي ذ يجّن ن جْمَاعث، مَارَّا اَذ شَرْشن ذِي مِين يوْعذ أَربِّـي ذِي لْمَسِيح.

1 تيموتاوس 6:2

ئِسمْغَان ؤُمِي غَار يدْجَا اَيثْبَاب نْسن ذ ڒْمُوْمِنِين وَا لَابُد اَذَاسن تْصنَّاطن إِ اَيثْبَاب نْسن مَاشِي اَذَاسن اَݣِين اَذَاسن ينِين لَّا قَا نشِّين ذ اَوْمَاثن. لَّا، أَذَاسن خذْمن كْتَار لِأَنَّا اَيثْبَاب نْسن ذ نِثْنِي إِي غَا يربْحن زِي ڒْخذْمث نِّي أُو نِثْنِي تَامْنن تْوَاعِيزّن. ثِمسْڒَايِين-أَ سڒْمَاذ-يثنْت شك، زيَّار خَاسنْت.

يعيبرانيين 11:1

فَا لْإِيمَان نتَّا ذ يجّن ن تِّقث يجهْذن ذِي مِين نتْرَاجَا، نشِّين متْأَكدِّين ذِي ثْمسْڒَايِين وَاخَّا وَار ثنْت نتْوِيڒِي شَا.

يعيبرانيين 12:10

شُوْف، لْوَالِدِين تْربَّان-اَنغ ذݣ يِجّن ن ڒْوقْث، تݣّن مَامّش ذَاسن يتْغِيڒ مْلِيح. وَلَكِن أَربِّـي يتْربَّا-يَانغ خ نّْفَع نّغ بَاش أَ نْشَرش ذِي طَّبِيعَا نّس يدْجَان عَظِيم.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

يعيبرانيين 6:11

نخْس اَذ تْحَوْڒم كنِّيو س وُوْڒ كُڒ يجّن اَم قْبڒ بَاش اَذ تِيڒِيم كنِّيو متْأَكدِّين ذِي لْأَمَال نْوم اَڒ ونݣَّارُو.

يعيبرانيين 6:4

أَمَّا يِنِّي مِيخف يشعْشع نُّوْر، قَّاسن لْهَادِيَا ن وجنَّا، شَرّْشن ذِي أَرُّوْح يقدّْسن،

1 بطرس 4:13

لَّا، ئِتخصَّا كنِّيو اَذ تْفَرْحم وَامِي ثْشَرّْشم ذݣ وعدّب ن لْمَسِيح بَاش اَذ تْفَرْحم عَاوذ اَطَّاس خْمِي د غَا ثْمظْهَار لْعَظَمَا نّس.

1 بطرس 5:1

فَا نش تْڒَاغِيغ-د خ يمقّْرَانن يدْجَان جَار ن ثْجُمَاع، نش إِي يدْجَان ذ يجّن ن ومقّْرَان اَم كنِّيو ذ يِجّن ن شَّاهذ خ مِين خف يتْوَاعدّب لْمَسِيح، نش ذ يِجّن عَاوذ إِي غَا يشَرْشن ذِي لْعَظَمَا إِي د غَا يمظْهَارن.

1 يوحنا 1:3

مِين نࢲْرَا ذ مِين نتْسْڒَا نتْبشَّار-يكنِّيو زَّايس حمَا ؤُڒَا ذ كنِّيو اَذ تمْعَاشَرم اَكِذْنغ. مَارَّا نشِّين ثَمْعَاشَرْث نّغ اَقَات اَك بَابَاثْنغ ذ مِّيس عِيْسَى لْمَسِيح.