يعيبرانيين 2:17 - ثريفيث 2020

¹⁷ خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.

يعيبرانيين 2:17 ပူးပေါင်းရင်းမြစ်များ

أيث-روما 15:17

فَلِهَذَا س عِيْسَى لْمَسِيح اَذ فْتَخَارغ س ڒْخذْمث ينُو إِ أَربِّـي.

أيث-روما 5:10

نشِّين نْمصْڒَاح اَك أَربِّـي س ڒْموْث ن مِّيس وَامِي تُوْغَانغ نشِّين عَاذ ذ ڒْعَذْيَان نّس. ڒخُّو وَامِي كِذس نْمصْڒَاح، أُو لَابُد زَّايس إِي غَا ننْجم س ثُوْذَارْث نّس!

أيث-ؤفسوس 2:16

أَمنِّي يسمْصْڒَاح ثْنَاين ن شُّعُوْب-أَ اَك أَربِّـي يَارِّي-ثن ذ يجّن ن شَّعْب س صَّلِيب، ئِنْغَا زَّايس لْعَدَاوَا جَارَاسن.

أيث-كولوس 1:21

كنِّيو تُوْغَا قْبڒ تِݣّْوْجم خ أَربِّـي تْمنْغَام اَكِذس س ڒَعْقُوْڒَاث نْوم تݣّم ثِمسْڒَايِين ذ ثِعفَّانِين.

يعيبرانيين 10:21

غَارْنغ يجّن ن ڒفْقِي اَمقّْرَان يمْغَار نتَّا يحكّم خ ثدَّارْث ن أَربِّـي. عْلَاحْسَاب ڒفْقِي-يَا إِي غَارْنغ، أَ نْقَارّبث غَار أَربِّـي س يِجّن ن وُوْڒ ذ اَشمْڒَاڒ ذ يِجّن ن تِّقث ثجْهذ. عَاوذ ؤُڒَاون نّغ اَذ يڒِين تْوَارُوْشّن بَاش ضَّمِير نّغ اَذ يتْوَاسِّيصْفَا وَار يتْعدِّيب شَا س ڒْمُعْصِيّث. أُو عَاوذ دَّات نّغ اَذ تِيڒِي تْوَاسِيڒذ س وَامَان يصْفَان.

يعيبرانيين 2:11

أَقَا ونِّي يسِّيصْفَان يوْذَان زِي ڒْمُعْصِيَاث نْسن أُو ذ يِوْذَان نِّي يتْوَاسِّيصْفَان، بَابَاثْسن ذ يجّن. خ مَانَايَا وَار خَاسن يتْعفَّر شَا اَذَاسن يِينِي آي أَيثْمَا.

يعيبرانيين 2:14

إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.

يعيبرانيين 2:16

شُوْف، نسّن بلِّي عِيْسَى وَار يتْعِيوِين شَا لْمَلَائِكَاث؛ لَّا، ئِتْعَاوَان ثَارْوَا ن بْرَاهِيم.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

يعيبرانيين 3:2

ئِخْذم عِيْسَى س لْإِذن ن ونِّي إِي ثِيد يعيّْنن مَامّش يݣَّا نَّبِي مُوْسَى ؤُڒَا ذ نتَّا يخْذم س لْإِذن ن أَربِّـي ذِي اَيثْبَاب ن ثدَّارْث ثكْمَاڒ ن أَربِّـي.

يعيبرانيين 3:5

تُوْغَا نَّبِي مُوْسَى يخدّم نِيشَان ذ اَمْسخَّار، ئِتْعَاوَان اَيثْبَاب ن ثدَّارْث ثكْمَاڒ ن أَربِّـي، ئِشهّذ خ ثْمسْڒَايِين تُوْغَا عَاذ إِي غَا يتْوَابشَّرن ذِي لْمُسْتَقْبل.

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

يعيبرانيين 4:15

شُوْف، وَار غَارْنغ بُو يجّن ن ڒفْقِي اَمقّْرَان نتَّا وَار يزمَّر شَا اَذ يحسّ زِي ضُّوْعف نّغ. وَاه، غَارْنغ يجّن ڒفْقِي كِّينْت خَاس مَارَّا ڒمْحَاين؛ نتَّا اَم نشِّين وَلَكِن وَار يݣِّي بُو ڒْمُعْصِيّث.

يعيبرانيين 5:1

شُوْف، كُڒ ڒفْقِي اَمقّْرَان تِيخْضَارن-ث-يد زݣ يرْيَازن، تِيشّن-اَس ڒْوقْث ن ڒْخذْمث نّس بَاش اَذ يخْذم زَّاث إِ أَربِّـي عْلَاحْسَاب يوْذَان اَذ يقدّم صّذْقث ذ دْبِيحَاث خ ڒْمُعْصِيَاث.

يعيبرانيين 5:10

سّنِّي يَارِّي-ث أَربِّـي ذ ڒفْقِي اَمقّْرَان اَمشْنَاو لْفِرْقَا نِّي ن ڒفْقِي مَلِكِيصَادِق.

يعيبرانيين 5:2

ئِزمَّر نتَّا اَذ يحِيْنّ خ يِنِّي وَار يفهّْمن شَا ذ يِنِّي يفّْغن اَبْرِيذ مِينْزِي نتَّا س يِيخف نّس ذَايس ضُّوْعف.

يعيبرانيين 5:5

أَمُّو ؤُڒَا ذ عِيْسَى وَار يسمْغَار شَا يخف نّس اَذ يخْذم س لْعَظَمَا-يَا يعْنِي ذ ڒفْقِي اَمقّْرَان؛ لَّا، ينَّا-ٱس أَربِّـي: <أَقَا شك ذ مِّي، نْهَارَا نش ذوْڒغ ذ بَابَاش.>

يعيبرانيين 6:20

ذݣ ومْشَان نِّي يُوْذف عِيْسَى ذِنِّي ذ اَمزْوَارُو عْلَاحْسَاب نشِّين، ئِذْوڒ ذ ڒفْقِي اَمقّْرَان إِ ڒبْدَا اَمشْنَاو لْفِرْقَا نِّي ن ڒفْقِي ؤُمِي قَّارن مَلِكِيصَادِق.

يعيبرانيين 7:26

شُوْف، ئِجّن ن ڒفْقِي اَمقّْرَان اَم وَانِيتَا ذ نتَّا إِي نحْذَاج. نتَّا عَظِيم، بْڒَا ڒْعِيب، ئِصْفَا، ئِنعْزڒ زݣ يِوْذَان إِي ݣِّين ڒْمُعْصِيّث، ئِتْوَاسمْغَار يُوْعْڒَا خ يجنَّاثن.

يعيبرانيين 7:28

لِأَنَّا شَّرِيعَا ن مُوْسَى تَارَّا يرْيَازن س ضُّوْعف نْسن اَذ يڒِين ذ ڒْفُقَهَا يمقّْرَانن. وَلَكِن أَربِّـي س ثْجَادْجِيث نّس إِي د يُوْسِين منْبَعْد إِ شَّرِيعَا ن مُوْسَى يَارَّا مِّيس ذ ڒفْقِي اَمقّْرَان يذْوڒ نتَّا بْڒَا ڒْعِيب قَاع إِ ڒبْدَا.

يعيبرانيين 8:1

إِيوَا، مِين يدْجَان مُهِم ذِي مِين نقَّار؟ يعْنِي يجّن ن ڒفْقِي اَمقّْرَان اَم ونِّي إِي خف نسِّيوڒ اَقَاث غَارْنغ نشِّين. ئِقِّيم نتَّا خ وفُوْسِي ن لْعَرْش ن أَربِّـي سُبْحَانَا وَتَعَالَى ذݣ وجنَّا.

يعيبرانيين 8:3

شُوْف، كُڒ ڒفْقِي اَمقّْرَان تِيخْضَارن-ث بَاش اَذ يقدّم صّذْقث ذ دْبِيحَاث. خ مَانَايَا وَا لَابُد ڒفْقِي وَانِيتَا يعْنِي ذ عِيْسَى اَذ يقدّم شَان ن ڒْحَاجث.

يعيبرانيين 9:11

فَا لْمَسِيح وَامِي د يحْضَار ذ ڒفْقِي اَمقّْرَان ن ثْمسْڒَايِين-أَ إِي د يُوْسِين، يعْنِي يُوْذف اَقِيضُوْن نِّي يدْجَان عَظِيم وَار ذَاس ينْقِيس وَالُو وَار ث بْنِين شَا يفَاسّن ن بْنَاذم، وَار يدْجِي شَا زِي مِين د يتْوَاخڒْقن ذِي دُّنشْت-أَ.