يعيبرانيين 13:3 - ثريفيث 2020

³ خمّْمث ذݣ يمحْبَاس اَمشْنَاو كنِّيو إِي كِذْسن ثتْوَاحبّْسم ذ يِنِّي إِي خف تْبُوْصَارن اَمشْنَاو كنِّيو ثتْوَاعدَّابم.

يعيبرانيين 13:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:36

ثُوْفِيم-اَيِي ذ اَعَرْيَان ثݣِّيم-اَيِي اَرُّوْض. ثُوْفِيم-اَيِي هڒْشغ ثْبدّم اَكِذِي. ثُوْفِيم-اَيِي تْوَاحبّْسغ ثݣِّيم-د غَارِي زِّيَارَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:43

ثُوْفِيم-اَيِي ذ اَغْرِيب، وَار ذَايِي ثْسزْذْغم شَا. ثُوْفِيم-اَيِي ذ اَعَرْيَان، وَار ذَايِي ثݣِّيم بُو وَارُّوْض. ثُوْفِيم-اَيِي هڒْشغ تْوَاحبّْسغ، وَار غَارِي د ثݣِّيم بُو زِّيَارَا!

ڒخذايم 24:23

يُوْمَر يجّن ن ومقّْرَان ن ڒْعَسْكَار ينَّا-ٱس: "عسّ خ بُوْلُس ذِي ڒحْبس." ينَّا-ٱس: "وَلَكِن ؤُش-اَس شْوَايْت ن لْحُرِّيَا، اجّ يمدُّوْكَاڒ نّس اَغَارس د اَسن بَاش اَذَايس تْهِيلَّان."

ڒخذايم 27:3

ثِيوشَّا نّس، وَامِي نُوْوض غَار ثنْدِينْت ن صَيْدَا يݣَّا ڒْخِير يُوْلْيُوْس ذِي بُوْلُس يجّ-يث اَذ يرَاح غَار يمدُّوْكَاڒ نّس بَاش اَذَايس تهِيلَّان.

أيث-روما 12:15

فَرْحث اَك يِنِّي يفَرّْحن، تْرُوْث اَك يِنِّي يتْرُوْن.

1 أيث-كورينث 12:26

مڒَا شَان يِجّن يتْوَاعْدَّاب، أَذ تْوَاعدَّابن كُڒْشِي. مڒَا شَان يِجّن ثمُّوْش-اَس لْقِيمَا، أَكِذس فَرْحن مَارَّا.

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-كولوس 4:18

قَا نش ذ بُوْلُس س ثِيرَا ن وفُوْس ينُو إِي زِي ذَاوم د سَاوَّاضغ سْڒَام ڒخُّو. فقْذم-اَيِي-د س سْنَاسڒ ينُو ن ڒحْبس-أَ. أَكِذْوم يِيڒِي اَرْضَا.

يعيبرانيين 10:34

لِأَنَّا يمحْبَاس قِّيمن ذَايْوم ذݣ وُوْڒ. عَاوذ ثصْبَارم س ڒفْرَاحث وَامِي ذَاوم كّْسِين اَݣْڒَا نْوم، تُوْغَا تسّْنم عَاذ اَغَارْوم يِيڒِي يجّن ن وَاݣْڒَا حْسن زݣ ونّغْنِي، يتْدُوْمَان.

يعيبرانيين 11:37

رجْمن-ثن س وزْرُو، قسّن-ثن خ ثْنَاين س ڒْمنْشَار، نْغِين-ثن س سِّيف. ݣُّوْرن س يِڒمَاون ن يحُوْڒِيْين ذ يغَايْذن. نِثْنِي ذ يمسْعَان، تْوَاعدَّابن، تنْعدَّان خَاسن.

1 بطرس 3:8

لْمُهِيم، ئِتْخصَّا-كنِّيو مَارَّا إِذْوم ڒَعْقُوْڒَاث نْوم اَذ يڒِين ذ يجّن، أَذ تسْحِيسّم اَك وَايَاوْيَا، أَغَارْوم ثِيڒِي يِجّن ن ڒمْحِبّث ن وَاوْمَاثن، أَذ تْحِينّم ذݣ وَايَاوْيَا، وَار ذَايْوم يتِيڒِي بُو تَّكبُّر.