يعيبرانيين 13:12 - ثريفيث 2020

¹² أَمُّو عَاوذ عِيْسَى، ثكَّا خَاس تَمَارَا نِّي غَار ڒݣّْوَاج ن ثوَّارْث ن ثنْدِينْت بَاش اَذ يسِّيصْفَا شَّعْب س يذَامّن نّس.

يعيبرانيين 13:12 ပူးပေါင်းရင်းမြစ်များ

لوقا 4:29

كَّرن سُوْفْغن-ث غَار بَارَّا ن ثنْدِينْت. ؤُوِين-ث غَار جَّرْف ن وذْرَار مَانِي ثبْنَا ثنْدِينْت نْسن بَاش اَث سيّْبن خ جَّرْف نِّي.

يوحنا 17:19

نش صفِّيغ يخف ينُو خ سَّبَاب نْسن حمَا اَذ تْوَاصفَّان ؤُڒَا ذ نِثْنِي عَاوذ س لْحَقِيقَا.

يوحنا 19:34

وَلَكِن يجّن زِي ڒْعَسْكَار نِّي يشُوْكّ-يث غَار وغزْذِيس نّس س يِجّن ن وكشُّوْض ذَايس ثِيشّط ن وُوْزّڒ، ؤُزّْڒن-د زَّايس ذغْيَا يذَامّن ذ وَامَان اَطَّاس.

ڒخذايم 7:58

سُوْفْغن-ث بَارَّا إِ ثنْدِينْت بْذَان رجّْمن-ث س وزْرُو. سرْسن يزدْجُوْبَا نْسن غَار يضَارن ن يِجّن ن شَّاب قَّارن-اَس شَاوُل.

1 أيث-كورينث 6:11

أَمُّو إِي تُوْغَا تݣّن ڒبْعَاض زَّايْوم، وَلَكِن ڒخُّو تْوَاسِيرْذم، تْوَاسِّيصْفَام، تْوَاسمْصْڒَاحم اَك أَربِّـي س يِيسم ن سِيذِيثْنغ عِيْسَى لْمَسِيح أُو س اَرُّوْح ن أَربِّـي نّغ.

يعيبرانيين 10:10

أُو س ڒْخَاضَر نِّي نشِّين نتْوَاسِّيصْفَا س دْبِيحث ن دَّات ن عِيْسَى لْمَسِيح، ئِجّن ن ثْوَاڒَا إِ ڒبْدَا.

يعيبرانيين 10:29

ئِي كنِّيو، مِين تْفكَّرم؟ مشْحَاڒ إِي غَا يِيڒِي لْعِقَاب إِݣ يسْذَاهدْج ونِّي يسحْقَارن مِّيس ن أَربِّـي، ئِسخْنز يذَامّن ن ڒْعَهذ نِّي إِي زِي يتْوَاسِّيصْفَا، يزبّڒ أَرُّوْح ن اَرْضَا!

يعيبرانيين 2:11

أَقَا ونِّي يسِّيصْفَان يوْذَان زِي ڒْمُعْصِيَاث نْسن أُو ذ يِوْذَان نِّي يتْوَاسِّيصْفَان، بَابَاثْسن ذ يجّن. خ مَانَايَا وَار خَاسن يتْعفَّر شَا اَذَاسن يِينِي آي أَيثْمَا.

لواحي ن يوحنا 14:20

عفّْسنْت ذِي ثْسِيرْث ن ؤُضِيڒ بَارَّا إِ ثنْدِينْت. حمْڒن-د زَّايس يذَامّن اَڒ وَامِي د يُوْوْضن غَار سْڒِيمث ن ؤُيِيس، ؤُيُوْرن يذَامّن نِّي شَان ثڒْتمِيَّات كِيلُوْمِت.