يعيبرانيين 12:2 - ثريفيث 2020

² أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 12:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:21

سّنِّي يبْذَا عِيْسَى يسْفهَّام إِ يمحْضَارن نّس بلِّي لَابُد اَذ يرَاح نتَّا غَار ثنْدِينْت ن لْقُدْس اَذ يتْوَاعدّب خ وَاطَّاس ن ثْمسْڒَايِين خ وفُوْس ن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْمُوْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

مرقس 14:36

ينَّا: "آ بَابَا، شك كُڒْشِي ثْزمَّرذ-اَس، سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامّش يخس ڒْخَاضَر نّش شك."

مرقس 15:28

{س مَانَاينِّي يكمّڒ مِين يُوْرِين ذِي لْكِتَاب قَا حسْبن-ث زِي لْمُجْرِمِين.}

مرقس 16:19

ئِسِّيوڒ اَكِذْسن سِيذِيثْنغ عِيْسَى سّنِّي يتْوَارْفع غَار وجنَّا يقِّيم خ وفُوْسِي ن أَربِّـي.

مرقس 9:12

ينَّا-ٱسن عِيْسَى: "ذ صَّح يتْخصَّا اَذ د يَاس إِلْيَاس ذ اَمزْوَارُو اَذ يعْذڒ كُڒْشِي. وَلَكِن مَايمِّي يقَّار لْكِتَاب بلِّي يتْخصَّا-يَاس إِ مِّيس ن بْنَاذم اَذ يتْوَاعدّب، أَث عِيفّن؟

مرقس 9:24

ڒخْدّنِّي يسِّيوڒ س جّْهذ بَابَاس ن وحنْجِير نِّي ينَّا-ٱس: "نش ؤُمْنغ! عَاون لْإِيمَان ينُو ذ وقْلِيل."

لوقا 17:5

نَّان-اَس اَرُّسُل إِ سِيذِيثْنغ: "اَرْنِي ذَايْنغ لإِيمَان."

لوقا 23:11

ئِحݣَّار-يث هِيرُوْدُس ذ ڒْعَسْكَار نّس ضحّْشن خَاس. يݣَّا خَاس اَسڒْهَام ذ اَصبْحَان، يَارِّي-ث غَار بِيلَاطُوْس.

لوقا 24:26

تُوْغَا يتْخصَّا إِ لْمَسِيح اَذ يعدّب، سّنِّي اَذ يَاذف غَار لْعَظَمَا نّس."

يوحنا 1:29

ثِيوشَّا نّس يَحْيَى يتْوَاڒَا عِيْسَى يݣُّوْر-د غَارس، ينَّا: "خْزَرث، ذ وِين ذ يزْمَار ن أَربِّـي إي غَا يكّْسن ڒْمُعْصِيّث خ يِوْذَان مَارَّا.

يوحنا 12:24

أَقَا تسْڒَام ڒْحَقّ: ثَحبُّوْشْت ن يِرْذَان مڒَا وَار تْوَاࢲُّو شَا ذِي ثْمُوْرْث يعْنِي مڒَا وَار تْوَانْضڒ شَا، اَتَاف اَذ ثقِّيم ذ ثَحبُّوْشْت وَاهَا. مڒَا تْوَانْضڒ اَذ تُوْش اَطَّاس ن ڒْحَبّ.

يوحنا 12:32

خْمِي غَا تْوَاسْبدّغ ذݣ وجنَّا إِ ثْمُوْرْث، أَذ سذْفَارغ غَارِي مَارَّا يوْذَان."

يوحنا 13:3

تُوْغَا عِيْسَى يسّن قَا بَابَاس يݣَّا-ٱس كُڒْشِي ذݣ يفَاسّن نّس، يُوْسَا-د زِي أَربِّـي اَذ يذْوڒ غَار أَربِّـي.

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

يوحنا 8:56

جدِّيثْوم بْرَاهِيم يفَرح اَطَّاس عْلَاحْسَاب خْمِي غَا يࢲر نْهَار ينُو، وَامِي ث يࢲْرَا يفَرح."

ڒخذايم 2:36

إِيوَا كنِّيو يتْخصَّا اَذ تسّْنم مَارَّا أَيث-إِسْرَائِيل مبْڒَا شّكّ، قَا عِيْسَى-يَا وَانِيتَا إِي ثْصلّْبم يݣِّي-ث أَربِّـي ذ سِيذِيثْنغ ذ لْمَسِيح."

ڒخذايم 3:15

ثنْغِيم ونِّي يدْجَان ذ لْأَصل ن ثُوْذَارْث، وَلَكِن أَربِّـي يسكَّر-يث-يذ زِي ڒْموْث، نشِّين نشْهذ خَاس.

ڒخذايم 5:31

يرْفع-يث أَربِّـي اَغَارس يݣِّي-ث خ وفُوْسِي نّس بَاش اَذ يحْكم اَذ يسنْجم، أَذ يُوْش تُوْبَا إِ أَيث-إِسْرَائِيل اَذ يغْفَر ڒْمُعْصِيَاث نْسن.

ڒخذايم 5:41

فَرْحن اَرُّسُل وَامِي فّْغن زِي جْمَاعث نِّي ن لْحُكَّام ن أَيث-إِسْرَائِيل، حسّْبن بلِّي غَارْسن لْهِمَّا خ لْإِهَانَا نِّي إِي ذَاسن يوقْعن خ يِيسم ن عِيْسَى.

1 أيث-كورينث 1:18

شُوْف، أَوَاڒ ن صَّلِيب نتَّا ذ ثُوْبُّوْهْڒِيَا وَاهَا غَار يِنِّي وَار ينجّْمن شَا، وَلَكِن غَار نشِّين ينجّْمن اَوَاڒ-أَ نتَّا ذ جّْهذ ن أَربِّـي.

1 أيث-كورينث 1:23

وَلَكِن نشِّين نتْبشَّار س لْمَسِيح يتْوَاصلّْبن. ئِسْرَائِيلِيْين تْنقْڒَاضن ذِي مَانَايَا، ذ يِنِّي وَار يدْجِين شَا زِي أَيث-إِسْرَائِيل قَّارن قَا مَانَايَا ذ ثُوْبُّوْهْڒِيَا وَاهَا.

أيث-ؤفسوس 2:16

أَمنِّي يسمْصْڒَاح ثْنَاين ن شُّعُوْب-أَ اَك أَربِّـي يَارِّي-ثن ذ يجّن ن شَّعْب س صَّلِيب، ئِنْغَا زَّايس لْعَدَاوَا جَارَاسن.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-فيليـپـي 1:6

نش اَقَايِي مْتيّْقن ذِي ثْمسْڒَايْث-أَ: ونِّي إِݣ يبْذَان ذَايْوم شَا ن شّْغڒ ذ اَصبْحَان اَخَاس يتْسِيغِي اَخَاس يتْكمَّاڒ حتَّا ٱڒ نْهَار نِّي ن عِيْسَى لْمَسِيح.

أيث-فيليـپـي 3:20

نشِّين لَّا، لْجِنْسِيَا نّغ اَقَات ذݣ وجنَّا. سّنِّي إِي د غَا يَاس ونِّي إِي نتْرَاجَا إِي ذَانغ غَا يسْنجْمن يعْنِي سِيذِيثْنغ عِيْسَى لْمَسِيح.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

يعيبرانيين 1:13

إِيوَا عمَّارْص أَربِّـي وَار ينِّي إِ شَان ن لْمَلَاك زِي لْمَلَائِكَاث: <قِّيم-د خ وفُوْسِي ينُو اَڒ د غَا ݣَّغ ڒْعَذْيَان نّش سْوَادَّاي يضَارن نّش.>

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 10:14

لِأَنَّا يِنِّي يتْذوَّاڒن ذ صَّالِحِين يسِّيصْفَا-ثن ذݣ يِجّن ن ثْوَاڒَا إِ ڒبْدَا س يِجّن ن دْبِيحث أُو صَافِي بَاش اَذ يڒِين بْڒَا ڒْعِيب.

يعيبرانيين 10:33

ڒبْعَاض ن ثْوَاڒَاثِين تْزبَّاڒن-كنِّيو تْعدَّابن-كنِّيو، ئِوْذَان تْفُوْرُّوْجن خَاوم. ڒبْعَاض ن ثْوَاڒَاثِين تْعَاوَانم يِنِّي يتْوَاعدَّابن تْبدَّام اَكِذْسن.

يعيبرانيين 11:36

ڒبْعَاض ن يِوْذَان حݣَّرن-ثن، ؤُوْثِين-ثن س وسْغُوْن، شَرْفن-ثن س سْنَاسڒ، حبّْسن-ثن.

يعيبرانيين 12:3

فكَّرث مْلِيح ذِي عِيْسَى نتَّا مشْحَاڒ يصْبَر خ شّْمَايث إِي ذَاس يعَارّْضن بَاش كنِّيو وَار تِيحْڒم شَا وَار تفْشِيڒم شَا.

يعيبرانيين 13:13

خ مَانَايَا أَ نْرَاح غَار عِيْسَى غَار ڒݣّْوَاج ن يقِيضَان أَ نَارْبُو اَحݣَّار نِّي إِي خف يصْبَر نتَّا.

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.

يعيبرانيين 7:19

ئِفّغ-د يجّن لْأَمَال حْسن زِي ڒُوْصِيّث نِّي، زَّايس إِي غَا نْقَارّب غَار أَربِّـي ڒَاحقَّاش شَّرِيعَا ن مُوْسَى وَار د تَارِّي ؤُڒَا ذ يجّن ڒْحَاجث وَار ذَايس بُو ڒْعِيب.

يعيبرانيين 8:1

إِيوَا، مِين يدْجَان مُهِم ذِي مِين نقَّار؟ يعْنِي يجّن ن ڒفْقِي اَمقّْرَان اَم ونِّي إِي خف نسِّيوڒ اَقَاث غَارْنغ نشِّين. ئِقِّيم نتَّا خ وفُوْسِي ن لْعَرْش ن أَربِّـي سُبْحَانَا وَتَعَالَى ذݣ وجنَّا.

يعيبرانيين 9:28

أَمُّو لْمَسِيح، يتْوَاقدّم ذ دْبِيحث يجّن ن ثْوَاڒَا بَاش اَذ يَارْبُو ڒْمُعْصِيَاث ن وَاطَّاس ن يِوْذَان. ثُمَّا اَذ د يهْوَا وِيس مَرّْثَاين. مَايمِّي؟ مَاشِي عْلَاحْسَاب ڒْمُعْصِيّث ن يِوْذَان عَاوذ؛ لَّا، أَذ د يهْوَا بَاش اَذ يسنْجم يِنِّي إِي ث يتْرَاجَان.

ثبرات غار يعقوب 2:1

آي أَيثْمَا، كنِّيو ثُوْمْنم زِي سِيذِيثْنغ عِيْسَى لْمَسِيح إِي غَار ثدْجَا لْعَظَمَا، وَار تݣّث شَا س وُوْذْمَاون جَار يوْذَان.

1 بطرس 1:11

تُوْغَا رزُّوْن خَاس بَاش اَذ سّْنن مڒْمِي د غَا يمظْهَار وسنْجم-أَ ذ ظُّرُوْف نّس. رزُّوْن اَذ سّْنن مِينْخف يسَّاوَاڒ أَرُّوْح ن لْمَسِيح إِي يدْجَان ذَايْسن وَامِي أَرُّوْح-أَ يعْڒم-اَسن زِي قْبڒ مشْحَاڒ إِي غَا يتْوَاعدّب لْمَسِيح، سّنِّي مشْحَاڒ إِي غَا يتْوَاسمْغَار منْبَعْد.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.

ثبرات زي يهوذا 1:21

ئِتْخصَّا اَذ تقِّيمم ذِي ڒمْحِبّث ن أَربِّـي اَذ تْرَاجَام اَرَّاحْمث نِّي ن سِيذِيثْنغ عِيْسَى لْمَسِيح ثنِّي إِي كنِّيو يتَاوِين غَار ثُوْذَارْث نِّي وَار يفنِّين شَا عمَّارْص.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 1:17

وَامِي ث ࢲْرِيغ ؤُضِيغ-اَس غَار يضَارن نّس اَخْمِي مُّوْثغ. ئِسرْس-د خَافِي فُوْس نّس اَفُوْسِي ينَّا-ٱيِي: "وَار تݣّْوذ شَا!" ينَّا-ٱيِي: "قَا نش ذ اَمزْوَارُو ذ اَنكَّارُو.

لواحي ن يوحنا 1:8

ئِقَّار سِيذِي أَربِّـي: "نش ذ لْأَلِف نش ذ لْيَاء. نش ذ ونِّي إِݣ يدْجَان، تُوْغَا دْجِيغ، عَاذ اَذ د اَسغ، زمَّرغ إِ كُڒْشِي."

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش: