يعيبرانيين 11:4 - ثريفيث 2020

⁴ س لْإِيمَان يكَّر نَّبِي هَابِيل يقدّم يجّن ن دْبِيحث إِي زِي خَاس يَارْضَا أَربِّـي حْسن زِي ثنِّي ن وُوْمَاس قَابِيل. عْلَاحْسَاب لْإِيمَان-أَ يتْشكَّر-يث أَربِّـي يقْبڒ-يث نتَّا نِيشَان وَامِي خَاس يسِّيوڒ أَربِّـي مْلِيح خ مِين يقدّم. أُو نَّبِي هَابِيل س لْإِيمَان نّس نتَّا عَاذ يسَّاوَاڒ وَاخَّا يمُّوْث.

يعيبرانيين 11:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:35

خ مَانَاينِّي اَذ تْوَاعَاقْبم خ مَارَّا يذَامّن إِي يُوْزّْڒن ن ڒْمُوْمِنِين ذِي دُّنشْت-أَ. زݣ يذَامّن ن هَابِيل ڒْمُوْمن أَڒ يذَامّن ن زَكَرِيَا مِّيس ن بَرْخِيَا إِي ثنْغِيم جَار ڒْمذْبَاح ذ ثمْزِيذَا ثَمقّْرَانْت.

لوقا 11:51

زݣ يذَامّن ن هَابِيل اَڒ يذَامّن ن زَكَرِيَا ونِّي ينْغِين جَار ڒْمذْبَح ذ ثمْزِيذَا ثَمقّْرَانْت. وَاه، أَذَاوم ينِيغ: مَارَّا لْعِقَاب خ مَانَاينِّي ذ يوْذَان ن ڒْوقْث-أَ إِي خَاس غَا يتْوَاحَاسْبن!

ثبرات غار تيتوس 1:16

قَّارن قَا نسّن أَربِّـي وَلَكِن نكَّرن-ث س ڒفْعَايڒ نْسن. نِثْنِي تْوَاعِيفّن، وَار تْطِيعِين شَا، وَار نفّْعن شَا ؤُڒَا ذݣ يِجّن ن ڒْخذْمث ذ ثَصبْحَانْت.

يعيبرانيين 11:2

س لْإِيمَان-أَ إِي تْوَاشكَّرن يوْذَان ن زْمَان.

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

يعيبرانيين 12:24

ثْقَارّْبم-د غَار عِيْسَى ونِّي يتْشَفَاعن ذَايْنغ س يِجّن ن ڒْعَهذ ذ جْذِيذ. ثْقَارّْبم-د كنِّيو غَار يذَامّن نّس يتْوَارُوْشّن إِي قَّارن يجّن ن وَاوَاڒ حْسن زݣ ونِّي ن نَّبِي هَابِيل.

يعيبرانيين 5:1

شُوْف، كُڒ ڒفْقِي اَمقّْرَان تِيخْضَارن-ث-يد زݣ يرْيَازن، تِيشّن-اَس ڒْوقْث ن ڒْخذْمث نّس بَاش اَذ يخْذم زَّاث إِ أَربِّـي عْلَاحْسَاب يوْذَان اَذ يقدّم صّذْقث ذ دْبِيحَاث خ ڒْمُعْصِيَاث.

يعيبرانيين 9:22

أُو ذ صَّح عْلَاحْسَاب شَّرِيعَا ن مُوْسَى عْڒَاين مَارَّا ثِمسْڒَايِين اَذ تْوَاسِّيصْفَانْت س يذَامّن. أُو بْڒَا مَا ٱذ اَزّْڒن يذَامّن اَتَاف ڒْمُعْصِيَاث وَار تْوَاغْفِيرنْت شَا.

2 بطرس 2:8

مِينْزِي اَرْيَاز-أَ يتْعِيش جَار لْمُفْسِدِين نِيْشَان، ئِتتّ-يث وُوْڒ نّس كُڒ نْهَار عْلَاحْسَاب ڒفْعَايڒ نْسن ثِعفَّانِين ذ مِين يتسْڒَا ذ مِين يتْوَاڒَا.

ثبرات زي يهوذا 1:11

يَا ڒفْضِيحث نْسن! تبْعن اَبْرِيذ نِّي ن قَبِيل. سمْحن ذݣ يِيخف نْسن ضمْعن ذِي تْمنْيَاث ݣُّوْرن ذِي لْغَالط ن بَلْعَام. فْنَان ذِي لْحِرَاك نِّي ن قُرَاح وَامِي يعَارّض إِ مُوْسَى.