يعيبرانيين 11:16 - ثريفيث 2020

¹⁶ وَلَكِن لَّا، رزُّوْن خ يِجّن ن ثْمُوْرْث حْسن زِي ثنِّي، يعْنِي يشْتن ذݣ وجنَّا. خ مَانَاينِّي أَربِّـي وَار يسذْحِي شَا اَذَاس ينِين قَا شك ذ أَربِّـي نّغ مِينْزِي نتَّا يسوْجذ-اَسن يجّن ن ثنْدِينْت.

يعيبرانيين 11:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

مرقس 12:26

وَلَكِن شُوْف، يِنِّي يمُّوْثن اَذ د كَّرن زِي ڒْموْث. مَا عمَّارْص وَار ثغْرِيم مِين يُوْرِين ذِي لْكِتَاب ن مُوْسَى؟ ذِي ڒْقِصَّا ن ؤُخْشَاب، وَامِي يسِّيوڒ أَربِّـي اَك مُوْسَى ينَّا-ٱس قَا نش ذ أَربِّـي ن بْرَاهِيم، ذ أَربِّـي ن إِسْحَاق، ذ أَربِّـي ن يَعْقُوْب."

مرقس 8:38

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.

لوقا 12:32

وَار تݣّْوْذم شَا آ ثْحِيمرْث ينُو ثَمزْيَانْت، يرْضَا بَابَاثْوم اَذَاوم يُوْش ڒْمُلْك نّس.

لوقا 20:37

وَلَكِن شُوْف، يِنِّي يمُّوْثن اَذ د كَّرن زِي ڒْموْث. ؤُڒَا ذ مُوْسَى يسْبيَّان-د مَانَايَا ذِي ڒْقِصَّا ن ؤُخْشَاب وَامِي ينَّا قَا سِيذِي أَربِّـي ذ أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يَعْقُوْب.

يوحنا 14:2

ثَدَّارْث ن بَابَا ذَايس اَطَّاس ن يخَّامن. مَعْلِيك وَار يدْجِي شَا اَمنِّي، إِڒِي نِّيغ-اَوم-ت. أَذ رَاحغ نش اَذَاوم سْوجْذغ اَمشَان.

ڒخذايم 7:32

نش ذ أَربِّـي ن ڒجْذُوْذ نّش، ذ أَربِّـي ن بْرَاهِيم ذ إسْحاق ذ يعْقُوْب. ئِبْذَا مُوْسَى يترْجِيجِي س ثِيݣّْوْذِي وَار يزْعِيم شَا اَذ يخْزَر.

أيث-فيليـپـي 3:20

نشِّين لَّا، لْجِنْسِيَا نّغ اَقَات ذݣ وجنَّا. سّنِّي إِي د غَا يَاس ونِّي إِي نتْرَاجَا إِي ذَانغ غَا يسْنجْمن يعْنِي سِيذِيثْنغ عِيْسَى لْمَسِيح.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

يعيبرانيين 10:34

لِأَنَّا يمحْبَاس قِّيمن ذَايْوم ذݣ وُوْڒ. عَاوذ ثصْبَارم س ڒفْرَاحث وَامِي ذَاوم كّْسِين اَݣْڒَا نْوم، تُوْغَا تسّْنم عَاذ اَغَارْوم يِيڒِي يجّن ن وَاݣْڒَا حْسن زݣ ونّغْنِي، يتْدُوْمَان.

يعيبرانيين 11:10

ڒَاحقَّاش بْرَاهِيم يتْرَاجَا ثَنْدِينْت نِّي غَار دْجَان دْسَاسَاث يتْدُوْمَان، ئِخَطّ-يت أَربِّـي يبْنَا-ت.

يعيبرانيين 11:14

ئِوْذَان إِي سَّاوَاڒن اَمُّو يتظْهَار-د بلِّي رزُّوْن خ يِجّن ن ثْمُوْرْث اَذ تِيڒِي ذ ثَمُوْرْث نْسن.

يعيبرانيين 11:40

تُوْغَا أَربِّـي يذبَّر-اَنغ-د إِ نشِّين زِي قْبڒ يجّن ن ڒْحَاجث حْسن بَاش نِثْنِي وَار تِيوِيضن شَا غَار ونݣَّارُو يعْنِي اَذ يڒِين كمْڒن بْڒَا نشِّين.

يعيبرانيين 12:22

وَلَكِن كنِّيو ثْقَارّْبم-د غَار وذْرَار ن صِيَان يعْنِي ثَنْدِينْت ن أَربِّـي يدَّرن ذ لْقُدْس ن وجنَّا، ذَايس اَڒَاف ن ؤُرُوْفَاث ن لْمَلَائِكَاث.

يعيبرانيين 13:14

مِينْزِي ذَانِيتَا وَار غَارْنغ بُو ثنْدِينْت يتْدُوْمَان؛ لَّا، نْرزُّو خ ثنْدِينْت نِّي إِي د غَا يَاسن.

يعيبرانيين 2:11

أَقَا ونِّي يسِّيصْفَان يوْذَان زِي ڒْمُعْصِيَاث نْسن أُو ذ يِوْذَان نِّي يتْوَاسِّيصْفَان، بَابَاثْسن ذ يجّن. خ مَانَايَا وَار خَاسن يتْعفَّر شَا اَذَاسن يِينِي آي أَيثْمَا.

لواحي ن يوحنا 21:2

ࢲْرِيغ ثَنْدِينْت يقدّْسن نتَّاث ذ لْقُدْس ذ جْذِيذ. ثهْوَا-د زݣ وجنَّا زِي أَربِّـي ثݣَّا اَم ثسْڒِيث ثعْذڒ يخف نّس بَاش اَذ تڒْقَا مُوْڒَاي.