يعيبرانيين 11:1 - ثريفيث 2020

¹ فَا لْإِيمَان نتَّا ذ يجّن ن تِّقث يجهْذن ذِي مِين نتْرَاجَا، نشِّين متْأَكدِّين ذِي ثْمسْڒَايِين وَاخَّا وَار ثنْت نتْوِيڒِي شَا.

يعيبرانيين 11:1 ပူးပေါင်းရင်းမြစ်များ

ڒخذايم 20:21

عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى.

1 أيث-كورينث 13:13

أَقَاثن ڒخُّو قِّيمن ثْڒَاثَا-يَا: لْإِيمَان ذ لْأَمَال ذ ڒمْحِبّث يِيْنَا. مَاشَا زِي يِيْنَا ڒمْحِبّث ثُوْعْڒَا.

22 أيث-كورينث 11:17

مَانَايَا إِي زِي تفْتَخَرغ قَّارغ-ث نش اَم يِجّن ن ثُوْبُّوْهْڒِيَا، وَار ث يقَّار شَا سِيذِيثْنغ.

22 أيث-كورينث 4:18

وَار نسْرُوْسِي شَا ثِيطَّاوِين نّغ ذِي مِن نتْوَاڒَا، نْسْرُوْسَا-ثنْت ذِي مِن وَار نتْوِيڒِي شَا. لِأَنَّا مِن نتْوَاڒَا ذغْيَا يتْرَاح، مِن وَار نتْوِيڒِي شَا ذ ونِّي إِݣ يتْدُوْمَان إِ ڒبْدَا.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

22 أيث-كورينث 5:7

أَقَا نتْعِيش س لْإِيمَان مَاشِي س مِين نتْوَاڒَا.

22 أيث-كورينث 9:4

منْبَعْد مڒَا ؤُسِين-د اَكِذِي ڒبْعَاض زِي أَيث-مَاسِدُوْنْيَا ؤُفِين-كنِّيو وَار ثسْوجْذم شَا اَتَاف نشِّين أَ نْسذْحَا خ تِّقث نّغ ذَايْوم (ؤُڒَا ذ كنِّيو اَذ تْسذْحَام).

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

يعيبرانيين 10:39

وَلَكِن نشِّين مَاشِي زݣ يِنِّي يتْعقَابن غَار ذفَّار بَاش أَ نفْنَا؛ لَّا، نشِّين زݣ يِنِّي يتَامْنن أَ نْسنْجم ڒَعْمَار نّغ.

يعيبرانيين 11:13

يِيْنَا مَارَّا مُّوْثن ذِي لْإِيمَان نِّي نْسن قْبڒ مَا ذَاسن د اَوْضنْت ثْمسْڒَايِين نِّي إِي زِي ثن يوْعذ. وَلَكِن ࢲْرِين-ثنْت رحّْبن زَّايْسنْت زِي ڒݣّْوَاج، عْتَرْفن بلِّي نِثْنِي ذ يبَرَّانِيْين ذ يعزَّابن ذِي ثْمُوْرْث-أَ.

يعيبرانيين 11:27

س لْإِيمَان يكَّر مُوْسَى يفّغ زِي مِصْرَا، وَار يݣّْوِيذ شَا زݣ وغْضَاب ن وزدْجِيذ نِّي. ئِطّف ذِي لْإِيمَان نّس اَم يِجّن يتْوَاڒَان أَربِّـي نتَّا وَار يزمَّر اَث يࢲر حَدّ.

يعيبرانيين 11:7

س لْإِيمَان نَّبِي نُوْح وَامِي ذَاس يعْڒم أَربِّـي خ ثْمسْڒَايِين نِّي وَار ثنْت ࢲْرِين يِوْذَان عمَّارْص، ئِكَّر نتَّا س يِجّن ن ثِيݣّْوْذِي ذ يِجّن ن ڒحْيَا يݣَّا اَغَرَّابُو بَاش اَذ يسنْجم أَيثْبَاب ن ثدَّارْث نّس. وَامِي يݣَّا مَانَاينِّي نتَّا يعيّب دُّنشْت، ئِوَارث صُّلْح نِّي إِي د يتَاسن س لْإِيمَان.

يعيبرانيين 2:3

ڒخُّو اَسنْجم نّغ يمْغَارن، مَامّش إِي غَا نݣّ أَ ننْجم زِي لْعِقَاب يعْنِي مڒَا نغْفڒ خ وسنْجم-أَ؟ أَوَاڒ ن وسنْجم-أَ يبْشَر-يث-يذ ذ اَمزْوَارُو سِيذِيثْنغ، ثُمَّا شهْذن خَاس يِنِّي إِي ذَاس يصنّْطن سِّيوْضن-ث-يذ إِ نشِّين.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

يعيبرانيين 6:12

وَار نخْس شَا اَذ تْعݣْزم. ئِتْخصَّا اَذ تِيڒِيم اَم يِنِّي يتْوَارَاثن س صّْبَر ذ لْإِيمَان نْسن خ ثْمسْڒَايِين نِّي إِي زِي ثن يوْعذ أَربِّـي.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.