يعيبرانيين 1:9 - ثريفيث 2020

⁹ تْحِبِّيذ مِين يصڒْحن، تْعِيفِّيذ شَّرّْ. س مَانَايَا أَربِّـي يعْنِي أَربِّـي نّش، ئِذْهن-اَش س زّشْت ن ڒفْرَاحث، ئِسِيڒِي-يِش ذݣ وجنَّا خ يمْعَشَارن نّش.>

يعيبرانيين 1:9 ပူးပေါင်းရင်းမြစ်များ

لوقا 4:18

<أَقَا أَرُّوْح ن سِيذِي أَربِّـي اَقَاث خَافِي، ئِخْضَر-اَيِي حمَا اَذ بشَّرغ ڒْمُسَاكِين. ئِسّكّ-اَيِي-د اَذ خْبَرغ لْحُرِّيَا إِ يمحْبَاس، يِنِّي يتْوَاضَرْغْڒن اَثن اَرّغ تْوَاڒَان، يِنِّي يتْوَاضڒْمن اَذَاسن د رْخُوْغ.

يوحنا 1:41

ڒخْدّنِّي يُوْفَا ؤُمَاس سِمْعَان ينَّا-ٱس نُوْفَا لْمَسِيَا. (أَوَاڒ-أَ لْمَسِيَا يخس اَذ يِينِي لْمَسِيح.)

يوحنا 10:17

س مَانَايَا بَابَا يتْحِبَّا-ٱيي مِينْزِي نش تْصدَّاقغ ثُوْذَارْث ينُو حمَا عَاوذ اَتِيد اَرّغ.

يوحنا 20:17

ينَّا-ٱس عِيْسَى: "وَار ذَايِي تطّف شَا، قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."

يوحنا 3:34

ونِّي إِي د يسّكّ أَربِّـي يسَّاوَاڒ س وَاوَاڒ ن أَربِّـي مِينْزِي يتِيشّ-اَس أَرُّوح نّس بْڒَا ڒقْيَاس.

ڒخذايم 4:26

سوْجَاذن يزدْجِيذن ن ثْمُوْرْث يخف نْسن، مُوْنن اَرُّوْيَاس اَك وَايَاوْيَا، بَاش اَذ عَارّْضن إِ سِيذِي أَربِّـي ذ لْمَسِيح نّس.

ڒخذايم 4:27

لِأَنَّ ذ صَّح اَزدْجِيذ هِيرُدُوْس ذ لْحَاكم بُنْطْيُوْس بِيلَاطُس مُوْنن اَك أَيث-إِسْرَائِيل ذ يِنِّي وَار يدْجِين شَا زِي أَيث-إِسْرَائِيل ذِي ثنْدِينْت-أَ. تَافْقن ضد إِ وخدَّام نّش يقدّْسن عِيْسَى إِي ثِيخْضَرذ.

أيث-روما 12:9

ڒمْحِبّث يتْخصَّا اَذ تِيڒِي بْڒَا نِّفَاق. عِيفّث مِين يدْجَان ذ شَّرّْ، طّْفث ذِي مِين يدْجَان ذ ڒْخِير.

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

1 أيث-كورينث 1:9

أَربِّـي ذَايس تِّقث، زَّايس إِي ذَانغ د يُوْسَا ؤُڒَاغِي أَ نْعَاشَر ممِّيس يعْنِي سِيذِيثْنغ عِيْسَى لْمسِيح.

22 أيث-كورينث 11:31

ونِّي يتْوَابَرْكن إِ ڒبْدَا يعْنِي أَربِّـي بَابَاس ن سِيذِيثْنغ عِيْسَى، ئِسّن إِلَّا نش قَّارغ لْحَقِيقَا.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ؤفسوس 1:3

أَذ يتْوَابَرَك أَربِّـي، بَابَاس ن سِيذِيثْنغ عِيْسَى لْمَسِيح. أُو ذِي لْمَسِيح يبَرك-اَنغ سِيذِي أَربِّـي زِي مْكُڒ لْبَرَكَا رُوْحِيَا إِݣ يدْجَان ذݣ يجنَّاثن.

أيث-فيليـپـي 2:9

خ مَانَاينِّي يسْݣَعّذ-يث أَربِّـي غَار وجنَّا قَاع، يݣَّا-ٱس يسم نِّي إِي يدْجَان ذݣ وجنَّا خ يِيسمَاون مَارَّا.

يعيبرانيين 2:11

أَقَا ونِّي يسِّيصْفَان يوْذَان زِي ڒْمُعْصِيَاث نْسن أُو ذ يِوْذَان نِّي يتْوَاسِّيصْفَان، بَابَاثْسن ذ يجّن. خ مَانَايَا وَار خَاسن يتْعفَّر شَا اَذَاسن يِينِي آي أَيثْمَا.

يعيبرانيين 2:9

وَلَكِن عِيْسَى وَاه، نتْوَاڒَا-ث ڒخُّو س تَّاج نّس ن ڒُوقَّار ذ وَاطَّاس ن شَّان. مَايمِّي؟ لِأَنَّا عِيْسَى ذݣ يِجّن ن ڒْوقْث تُوْغَا يسهْوَا-ث-يذ أَربِّـي شْوَايْت سْوَادَّاي إِ لْمَلَائِكَاث يعْنِي وَامِي يصْبَر إِ ڒَعْذَاب ن ڒْموْث. بَاش نتَّا س اَرْضَا ن أَربِّـي اَذ يقَّاس ڒْموْث، ڒْموْث نِّي اَذ تِيڒِي ن مَارَّا يوْذَان.

يعيبرانيين 7:26

شُوْف، ئِجّن ن ڒفْقِي اَمقّْرَان اَم وَانِيتَا ذ نتَّا إِي نحْذَاج. نتَّا عَظِيم، بْڒَا ڒْعِيب، ئِصْفَا، ئِنعْزڒ زݣ يِوْذَان إِي ݣِّين ڒْمُعْصِيّث، ئِتْوَاسمْغَار يُوْعْڒَا خ يجنَّاثن.

1 بطرس 1:3

أَذ يتْوَابَرك أَربِّـي، بَابَاس ن سِيذِيثْنغ عِيْسَى لْمَسِيح إِي ذَانغ يُوْشِين س اَرَّاحْمث نّس ثَمقّْرَانْت اَد نخْڒق ذ جْذِيذ غَار يِجّن ن لْأَمَال يدَّرن وَامِي د يسكَّر عِيْسَى لْمَسِيح زݣ يمتِّينن.

1 يوحنا 1:3

مِين نࢲْرَا ذ مِين نتْسْڒَا نتْبشَّار-يكنِّيو زَّايس حمَا ؤُڒَا ذ كنِّيو اَذ تمْعَاشَرم اَكِذْنغ. مَارَّا نشِّين ثَمْعَاشَرْث نّغ اَقَات اَك بَابَاثْنغ ذ مِّيس عِيْسَى لْمَسِيح.

لواحي ن يوحنا 2:15

عَاوذ اَكِذش شَان يِوْذَان إِي تْبَاعن تَّعْلِيم ن ينِيْكُوْلَاثن.