يعيبرانيين 1:6 - ثريفيث 2020

⁶ أُو عَاوذ أَربِّـي وَامِي د يتَاوِي مِّيس اَمنْزُو غَار دُّنشْت-أَ يقَّار: أَذَاس سجّْذنْت مَارَّا لْمَلَائِكَاث.

يعيبرانيين 1:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:14

لْإِنْجِيل ن ڒْمُلْك ن أَربِّـي اَخَاس حدّْثن يِوْذَان ذِي مَارَّا ثِمُوْرَا ن دُّنشْت حمَا اَغَارْسن ثِيڒِي شْهَاذث خَافِي. ڒخْدّنِّي إِي د غَا يَاس ڒفْنَا.

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 3:16

وَامِي يحِبّ أَربِّـي دُّنشْت-أَ، ئِهْذَا-يَاس مِّيس أَوحْذَانِي حمَا ونِّي زَّايس غَا يَامْنن وَار يفنِّي شَا اَغَارس ثِيڒِي ثُوْذَارْث ن ڒبْدَا.

أيث-روما 8:29

لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس.

أيث-كولوس 1:15

مِّيس نتَّا ذ صِّفث ن أَربِّـي ونِّي وَار نْزمَّر شَا نشِّين اَث نْࢲر. نتَّا ذ اَمنْزُو يحكّم خ قَاع مِين د يتْوَاخڒْقن.

أيث-كولوس 1:18

ذ نتَّا إِي يدْجَان ذ اَزدْجِيف ن دَّات يعْنِي ن جْمَاعث ن ڒْمُوْمِنِين. ذ نتَّا إِݣ يدْجَان ذ اَمزْوَارُو، ذ نتَّا إِݣ يدْجَان ذ اَمنْزُو زݣ يمتِّينن بَاش ذ نتَّا إِي غَا يِيڒِين ذ اَمزْوَارُو ذِي ثِمسْڒَايِين قَاع.

يعيبرانيين 1:5

أَربِّـي عَمَّارْص وَار ذَاس ينِّي إِ شَان ن لْمَلَاك زِي لْمَلَائِكَاث اَقَا شك ذ مِّي، نْهَارَا نش ذوْڒغ ذ بَابَاش. عمَّارْص وَار ينِّي خ شَان ن لْمَلَاك قَا نش اَذ يڒِيغ ذ بَابَاس، نتَّا اَذ يِيڒِي ذ مِّي.

يعيبرانيين 10:5

خ مَانَايَا، وَامِي د يُوْسَا لْمَسِيح غَار دُّنشْت-أَ ينَّا-ٱس إِ أَربِّـي: <ثسْوجْذذ-اَيِي يجّن ن دَّات، وَار ثرْزُوْذ شَا دْبِيحَاث ذ صّذْقث لَّا.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.

1 يوحنا 4:9

أَمُّو إِي د ثْمظْهَار ڒمْحِبّث ن أَربِّـي جَارَانغ وَامِي د يسّكّ مِّيس اَوحْذَانِي غَار دُّنشْت-أَ حمَا اَزَّايس ندَّر.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.