يعيبرانيين 1:1 - ثريفيث 2020

¹ ذِي زْمَان يسَّاوَاڒ أَربِّـي اَك ڒجْذُوْذ نّغ س وقمُّوْم ن لْأَنْبِيَا س وَاطَّاس ن ثْوَاڒَاثِين س وَاطَّاس ن يبْرِيذن.

يعيبرانيين 1:1 ပူးပေါင်းရင်းမြစ်များ

لوقا 1:55

مَامْش يوْعذ ڒجْذُوْذ نّغ، بْرَاهِيم ذ دُّوْرِّيث نّس إِ ڒبْدَا."

لوقا 1:72

أَذ د يسْمظْهَار اَرَّحْمث نّس إِي زِي يوْعذ ڒجْذُوْذ نّغ، أَذ يعْقڒ خ ڒْعَهذ نّس يقدّْسن.

لوقا 24:27

ذِنِّي يبْذَا-يَاسن عِيْسَى زِي شَّرِيعَا ن مُوْسَى ذ لْكُتُب ن مَارَّا لْأَنْبِيَا يسفْهم-يثن مِين خَاس يُوْرِين ذِي مَارَّا لْكُتُب نِّي.

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

يوحنا 16:13

خْمِي د غَا يَاس أَرُّوْح ن لْحَقِيقَا، أَتَاف اَذَاوم د يسْبيّن لْحَقِيقَا ثكْمَاڒ. أَقَا نتَّا وَار يسِّيوِيڒ شَا زݣ يِيخف نّس، يسَّاوَاڒ إِلَّا زِي مِين ذَاس غَا يِينِي أَربِّـي. أَذَاوم يخبَّر ذِي ثْمسْڒَايِين إِي د غَا يَاسن.

يوحنا 7:22

شُوْف، يجَّا-ٱوم-د مُوْسَى طَّهَارث أُو طَّهَارث-أَ وَار ثدْجِي بُو زِي مُوْسَى لَّا، زِي سَّلَاف صَّالِحِين. خ مَانَايَا كنِّيو وَاخَّا ذِي نْهَار ن سّبْث ن لعِبَادَا تْطهَّارم إِ يحَرْمُوْشن.

يوحنا 9:29

نشِّين نسّن بلِّي أَربِّـي يسِّيوڒ اَك مُوْسَى، وَلَكِن ونِّي وَار نسِّين شَا مَانِيس إِي د يُوْسَا."

ڒخذايم 13:32

فَا نشِّين نتْبشَّار-يكنِّيو س مَانَايَا. يعْنِي أَربِّـي وَامِي د يسكَّر عِيْسَى زِي ڒْموْث صَافِي يكمّڒ مِين زِي تُوْغَا يوْعذ ڒجْذُوْذ نّغ، ئِكمّڒ-يث اَكِذْنغ نشِّين يدْجَان ذ ثَارْوَا نْسن. أَقَا يُوْرَا ذِي لْكِتَاب ن زَّابُوْر ذݣ يِزْڒِي وِيس ثْنَاين: أَقَا شك ذ مِّي، نْهَارَا نش ذوْڒغ ذ بَابَاش.

ڒخذايم 2:30

أَزدْجِيذ دَاود تُوْغَا ذ نَّبي يعْنِي يسّن بلِّي يوْعذ-يث أَربِّـي ينَّا-ٱس اَقَا اَذ سْغِيمغ يجّن زِي دُّوْرِّيث نّش خ لْعَرْش نّش.

ڒخذايم 28:23

تَّافْقن اَذ مڒْقن يجّن ن نْهَار، تْمَارْنِين-د ينّغْنِي ؤُسِين-د غَارس اَطَّاس إِذْسن غَار ثدَّارْث مَانِي يقِّيم بُوْلُس. ئِبْذَا يتْحدَّاث-يثن زِي صْبَاح اَڒ وَامِي د يُوْوض وعشِّي نتَّا يشهّذ س ڒْمُلْك ن أَربِّـي، ئِخس اَثن يسقْنع س شَّرِيعَا ن مُوْسَى ذ لْكُتُب ن لْأَنْبِيَا خ عِيْسَى.

ڒخذايم 3:21

ئِتْخصَّا نتَّا اَذ يقّيم ذݣ وجنَّا اَڒ ڒْوقْث إِي ذِي غَا يتْوَاعْذڒ كُڒْشِي عْلَاحْسَاب اَوَاڒن ن لْأَنْبِيَا صَّالِحِين إِي ذَاسن ينَّا أَربِّـي ذݣ يِجّن ن زْمَان.

يعيبرانيين 11:18

تُوْغَا ينَّا-ٱس قَا س إِسْحَاق إِي زِي غَا تْوَاحسّب دُّوْرِّيث نّش.

يعيبرانيين 11:2

س لْإِيمَان-أَ إِي تْوَاشكَّرن يوْذَان ن زْمَان.

يعيبرانيين 12:25

أَرّم-د ڒْبَاڒ نْوم وَار تْجِيهِيڒم شَا اَوَاڒ ن ونِّي يسَّاوَاڒن، مَايمِّي؟ لِأَنَّا أَيث-إِسْرَائِيل وَار فڒْثن شَا وَامِي جهْڒن اَوَاڒ ن ونِّي تُوْغَا ثن يوصَّان ذِي ثْمُوْرْث. أُو نشِّين عَاذ كْتَار، مڒَا نُوْݣِي أَ نْطَاع إِ ونِّي ذَانغ يوصَّان زݣ وجنَّا اَتَاف عمَّارْص أَ نفْڒث.

يعيبرانيين 2:2

شُوْف، شَّرِيعَا نِّي ن مُوْسَى تُوْغَا ؤُوِينْت-تِيد لْمَلَائِكَاث، تْسيْطَر خَانغ تْعَاقَاب-اَنغ يعْنِي مڒَا نعْصَا نِغ مڒَا وَار نْطِيع شَا.

يعيبرانيين 2:3

ڒخُّو اَسنْجم نّغ يمْغَارن، مَامّش إِي غَا نݣّ أَ ننْجم زِي لْعِقَاب يعْنِي مڒَا نغْفڒ خ وسنْجم-أَ؟ أَوَاڒ ن وسنْجم-أَ يبْشَر-يث-يذ ذ اَمزْوَارُو سِيذِيثْنغ، ثُمَّا شهْذن خَاس يِنِّي إِي ذَاس يصنّْطن سِّيوْضن-ث-يذ إِ نشِّين.

يعيبرانيين 3:5

تُوْغَا نَّبِي مُوْسَى يخدّم نِيشَان ذ اَمْسخَّار، ئِتْعَاوَان اَيثْبَاب ن ثدَّارْث ثكْمَاڒ ن أَربِّـي، ئِشهّذ خ ثْمسْڒَايِين تُوْغَا عَاذ إِي غَا يتْوَابشَّرن ذِي لْمُسْتَقْبل.

يعيبرانيين 4:8

شُوْف، مَعْلِيك نَّبِي يَشُوْعَا تُوْغَا يسِّيوض ڒجْذُوْذ نّغ غَار يِجّن ن اَرَّاحث، أَتَاف أَربِّـي وَار يسِّيوڒ شَا خ يِجّن ن نْهَار نّغْنِي منْبَعْد إِ وَاطَّاس ن لْقُرُوْن.

يعيبرانيين 5:5

أَمُّو ؤُڒَا ذ عِيْسَى وَار يسمْغَار شَا يخف نّس اَذ يخْذم س لْعَظَمَا-يَا يعْنِي ذ ڒفْقِي اَمقّْرَان؛ لَّا، ينَّا-ٱس أَربِّـي: <أَقَا شك ذ مِّي، نْهَارَا نش ذوْڒغ ذ بَابَاش.>

يعيبرانيين 9:19

أَقَا نَّبِي مُوْسَى وَامِي يغْرَا كُڒ ڒُوْصِيّث إِ مَارَّا شَّعْب، ثُمَّا ييْسِي يذَامّن ن ئِينْدُوْزن ذ يغَايْذن يخلّط-يثن اَك وَامَان، ثُمَّا يرُوْشّ زَّايْسن لْكِتَاب س يِيخف نّس ذ مَارَّا شَّعْب س ثَاضُوْفْث ثَزݣّْوَاغْث ذ وزُوْي.