أيث-ݣلاطيا 6:9 - ثريفيث 2020

⁹ إِيوَا يتْخصَّا وَار نْتِيحڒ شَا ذِي ڒخْذَايم ن ڒْخِير. مَايمِّي؟ ڒَاحقَّاش اَڒ ڒْوقْث نِّي نِيشَان ن ومْجَار أَ نمْجَار يعْنِي مڒَا وَار نفْشِيڒ شَا.

أيث-ݣلاطيا 6:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:22

أَكنِّيو عِيفّن مَارَّا عْلَاحْسَاب يسم ينُو، وَلَكِن ونِّي غَا يصْبَارن غَار ونݣَّارُو اَتَاف اَذ ينْجم.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:13

وَلَكِن ونِّي غَا يصْبَرن غَار ونݣَّارُو اَتَاف اَذ ينْجم.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:17

أَمنِّي يݣَّا ؤُڒَا ذ ونِّي ؤُمِي يُوْشَا اَڒفَاين، يرْبح اَڒفَاين نّغْنِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:19

ئِكَّر عِيْسَى يذْفَار-يث نتَّا ذ يمحْضَارن نّس.

مرقس 3:3

ينَّا-ٱس عِيْسَى إِ ورْيَاز نِّي إِي غَار يدْجَا فُوْس يمُّوْث: "بدّ ذِي ڒْوسْط."

لوقا 18:1

ئِسِّيوڒ اَكِذْسن عِيْسَى س يِجّن ن ڒْمَعْنَا بَاش اَذ سّْنن بلِّي يتْخصَّا-يَاسن اَذ تْࢲَادْجن ڒبْدَا وَار تِيحْڒن شَا.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

1 أيث-كورينث 15:58

س مَانَايَا آي أَيثْمَا يمْعِيزّن ينُو، بدّث نِيشَان مَاشِي اَكنِّيو سنْهزّن. ݣّث لْمجْهُوْد نْوم ڒبْدَا ذِي ڒْخذْمث ن سِيذِيثْنغ، قَا ثسّْنم بلِّي ڒْخذْمث نْوم ذِي سِيذِيثْنغ مَاشِي ذ ڒْبَاطڒ.

22 أيث-كورينث 4:1

س مَانَايَا، وَار نْتفْشِيڒ شَا مِنْزِي غَارْنغ ڒْعَهذ-أَ وَانِيتَا س اَرَّحْمث ن أَربِّـي.

22 أيث-كورينث 4:16

خ مَانَايَا نشِّين وَار نْتفْشِيڒ شَا. وَاخَّا طَّبِيعَا ن دَّات نّغ غَار بَارَّا تْرَاح، طَّبِيعَا نّغ غَار ذَاخڒ تجْهِيذ نْهَار خ نْهَار.

22 أيث-كورينث 9:6

فكَّرث، ونِّي غَا يزرْعن ذْرُوْس اَذ يمْجَار ذْرُوْس. ونِّي غَا يزرْعن اَطَّاس اَذ يمْجَار اَطَّاس.

أيث-ؤفسوس 3:13

فَلِيهَذَا نِّيغ-اَوم وَار تفْشِيڒث شَا عْلَاحْسَاب اَعدّب ينُو خَاوم ڒَاحقَّاش مَانَايَا اَكنِّيو ينْفع.

2 أيث-سلونيك 3:13

أَمَّا كنِّيو آي أَيثْمَا، ݣّث ڒْخِير بْڒَا مَا ٱذ تَاحْڒم.

يعيبرانيين 12:3

فكَّرث مْلِيح ذِي عِيْسَى نتَّا مشْحَاڒ يصْبَر خ شّْمَايث إِي ذَاس يعَارّْضن بَاش كنِّيو وَار تِيحْڒم شَا وَار تفْشِيڒم شَا.

يعيبرانيين 12:5

كنِّيو ثتُّوْم اَوَاڒ نِّي زِي لْكِتَاب إِي كنِّيو غَا يشجّْعن، ئِسَّاوَاڒن اَكِذْوم اَم ثَارْوَا نّس ينَّا-ٱوم: <آ مِّي، وَار تْقهَّار شَا تَّرْبِـيَّا ن سِيذِي أَربِّـي، وَار تفْشِيڒ شَا مڒَا نتَّا ينهَّا-شك.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

ثبرات غار يعقوب 5:7

آي أَيثْمَا، صْبَارث اَڒ د غَا يَاس سِيذِيثْنغ. خْزَرث غَار وفدْجَاح مَامّش يتْرَاجَا ثَفدْجَاحْث ن ثْمُوْرْث نّس، ئِتْرَاجَا-ت س يِجّن ن صّْبَار اَڒ غَا يُوْوث ونْࢲَار اَمزْوَارُو ذ ونِّي اَنݣَّارُو.

1 بطرس 2:15

لِأَنَّا مَانَايَا ذ ڒْخَاضَر ن أَربِّـي يعْنِي مڒَا ثݣِّيم مِين يدْجَان ذ اَصبْحَان اَتَاف اَذ تقْضَام خ وَاوَاڒن يجَهْڒن ن يرْيَازن نِّي إِي ذِي ثدْجَا ثُوْبُّوْهْڒِيَا أُو صَافِي.

1 بطرس 3:17

شُوْف، مڒَا يخس أَربِّـي اَتَاف حْسن اَذ تْوَاعدَّابم عْلَاحْسَاب ڒْخِير إِي تݣّم مَاشِي عْلَاحْسَاب شَّرّْ.

1 بطرس 4:19

فَالِيهَذَا يِنِّي يتْوَاعدَّابن س اَرَّاي ن أَربِّـي، ئِتْخصَّا-يَاسن اَذ سلّْمن ڒَعْمَار نْسن ذݣ يفَاسّن ن لْخَالِق نْسن نتَّا إِي ذِي ثدْجَا تِّقث، أَذ قِّيمن تݣّن مِين يدْجَان ذ اَصبْحَان.

لواحي ن يوحنا 2:17

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، أَذَاس ؤُشغ اَذ يشّ اَغْرُوْم ن لْمَنَّا ونِّي يتْوَاسْنُوْفّرن. أَذَاس ؤُشغ اَزْرُو ذ اَشمْڒَاڒ يُوْرَا ذَايس يجّن ن يِيسم ذ جْذِيذ وَار ث يسِّين حَدّ إِلَّا ونِّي إِي ث غَا يقبْڒن.

لواحي ن يوحنا 2:3

ثصْبَرذ، ثيْسِيذ تَمَارَا عْلَاحْسَاب يسم ينُو بْڒَا مَا ٱذ تَاحْرذ.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.