أيث-ݣلاطيا 6:8 - ثريفيث 2020

⁸ ونِّي إِي غَا يزرْعن مِين ثخْس طَّبِيعَا ثَعفَّانْت نّس اَزَّايس يمْجَار مِين يفنَّان. ونِّي إِي غَا يزرْعن مِين يخس أَرُّوْح يقدّْسن اَزَّايس يمْجَار ثُوْذَارْث ن ڒبْدَا.

أيث-ݣلاطيا 6:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:29

أُو مَارَّا يِنِّي يسمّْحن ذِي ثُوْذْرِين نْسن نِغ ذِي أَيثْمَاس نِغ ذِي سُوْيْثْمَاس نِغ ذِي بَابَاس ذ يمَّاس نِغ ذِي ثَارْوَا نْسن نِغ ذݣ يمَرْجعِيون نْسن خ سَّبَاب ينُو نش، أَتَاف اَغَارْسن ثِيڒِي مِيَّا ن ثْسقَّار كْتَار، أَذ وَرْثن ثُوْذَارْث ن ڒبْدَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

لوقا 18:30

أَتَاف اَغَارس ثِيڒِي ذِي دُّنشْت-أَ كْتَار س وَاطَّاس. أُو ذِي زْمَان إِي د غَا يَاسن اَتَاف اَغَارس ثِيڒِي ثُوْذَارْث ن ڒبْدَا."

يوحنا 4:14

وَلَكِن ونِّي غَا يسْون اَمَان إِي ذَاس غَا ؤُشغ نش اَتَاف وَار يتْفِيذِي شَا عمَّارْص. أَمَان إِي ذَاس غَا ؤُشغ نش اَذ ذوْڒن ذَايس اَمشْنَاو يجّن ن ڒْعُنْصَر اَزَّايس ثسْفِي ثُوْذَارْث ن ڒبْدَا."

يوحنا 4:36

ونِّي يمجَّارن اَذ ييْسِي تخْڒِيسث نّس يجمّع ثَفدْجَاحْث إِ ثُوذَارْث ن ڒبْدَا، حمَا اَذ مُوْنن ذِي ڒفْرَاحث نْسن يِنِّي يزَرّْعن ذ يِنِّي يمجَّارن.

يوحنا 6:27

وَار خدّْمث شَا إِ ڒْمَكْلَا يخسَّرن، خذْمث إِ ڒْمَكْلَا يتْغِيمَان إِ ثُوْذَارْث ن ڒبْدَا. ذ ثَا ذ ڒْمَكْلَا ذَاوم غَا يُوْش مِّيس ن بْنَاذم مِينْزِي وَانِيتَا يضْبع-يث أَربِّـي بَابَاس س طَّابَع نّس."

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-روما 6:13

وَار تْقدَّامث ؤُڒَا ذ يجّن ن طَّارْف زِي دَّات نْوم إِ ڒْمُعْصِيّث اَذ تݣّ شَّرّْ س دَّات نْوم. قدّْمث يخف نْوم إِ أَربِّـي اَم يِوْذَان زَعْمَا إِي د يكَّرن زݣ يمتِّينن غَار ثُوْذَارْث. قدّْمث كُڒ طَّارْف زِي دَّات نْوم حمَا ٱزَّايس يتْوَاݣّ مِين يدْجَان نِيشَان.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

أيث-روما 8:13

لِأَنَّا كنِّيو مڒَا تݣّم اَرَّاي إِ طَّبِيعَا ثَعفَّانْت نْوم، أَذ تمّْثم. مڒَا ثْنقّم ڒفْعَاير ن دَّات نْوم س اَرُّوْح ن أَربِّـي، أَذ تدَّرم.

أيث-روما 8:6

أَقَا يِنِّي يخدّْمن س ڒْخَاضَر نْسن ذِي ثْمسْڒَايِين ن طَّبِيعَا ثَعفَّانْت نْسن اَتَاف اَذ مّْثن. وَلَكِن يِنِّي يخدّْمن س ڒْخَاضَر نْسن ذِي ثْمسْڒَايِين ن اَرُّوْح اَتَاف اَذ دَّرن، أَغَارْسن يِيڒِي ڒهْنَا.

1 أيث-كورينث 15:42

أَمُّو إِي تِيڒِي لْقِيَامَا ن يمتِّينن، مِين يتْوَازرّْعن اَذ يفْنَا. مِين د يتْوَاسْنكَّرن اَذ يذُوْم.

أيث-ݣلاطيا 6:7

وَار خدّْعث شَا يخف نْوم، أَربِّـي وَار ث يشمّث ؤُڒَا ذ يجّن. يعْنِي مِين مَا يزْرع بْنَاذم، ذ مَانَاينِّي إِي غَا يمْجَار.

1 تيموتاوس 1:16

وَامِي نش ذ لْعَاصِي ذ اَمقّْرَان خَاسن مَارَّا يسظْهَار-اَيِي-د أَربِّـي اَرَّحْمث نّس بَاش عِيْسَى لْمَسِيح اَزَّايِي د يسْمظْهَار مَارَّا صْبَار نّس اَذ يِيڒِي مَانَايَا ذ يجّن ن لْمِثَال إِ يِنِّي إِي زَّايس غَا يَامْنن اَغَارْسن ثِيڒِي ثُوْذَارْث ن ڒبْدَا.

ثبرات غار تيتوس 3:7

حمَا أَ نْوَارث زَّايس، أَغَارْنغ يِيڒِي يجّن ن لْأَمَال ن ثُوْذَارْث ثنِّي وَار يفنِّين شَا لِأَنَّا نْمصْڒَاح اَك أَربِّـي س اَرْضَا نّس.

ثبرات غار يعقوب 3:18

يِنِّي يسمْصْڒَاحن يوْذَان زرّْعن مَانَاينِّي، أَتَاف اَذ مْجَرن يجّن ن ثْفدْجَاحْث ن ڒْحَقّ.

2 بطرس 2:12

ئِثَرَّاسن-أَ نِثْنِي قَّارن اَوَاڒن وَار يحْڒِين خ ثْمسْڒَايِين وَار فهّْمن شَا. نِثْنِي ݣِّين اَم ڒُوْحُوْش يقفْڒن اَم لْحَيَوَانَاث يدْجَان س طَّبِيعَا نْسن يوْعَارن. خڒْقن-د يثَرَّاسن-أَ بَاش اَذ تْوَاطّْفن اَذ تْوَانْغن مَامّش تْوَانقّن ڒُوْحُوْش.

2 بطرس 2:19

ضمْنن-اَسن يثَرَّاسن-أَ لْحُرِّيَا إِ يِوْذَان وَلَكِن يِـيْنَا بَاب نْسن نتَّا ذ ڒفْنَا. ڒَاحقَّاش مِين يتحْكَامن خ بْنَاذم نتَّا ذ بَاب نّس.

ثبرات زي يهوذا 1:21

ئِتْخصَّا اَذ تقِّيمم ذِي ڒمْحِبّث ن أَربِّـي اَذ تْرَاجَام اَرَّاحْمث نِّي ن سِيذِيثْنغ عِيْسَى لْمَسِيح ثنِّي إِي كنِّيو يتَاوِين غَار ثُوْذَارْث نِّي وَار يفنِّين شَا عمَّارْص.

لواحي ن يوحنا 22:11

ونِّي يتݣّن شَّرّْ اَذ يقِّيم يتݣّ شَّرّْ. ونِّي يخنْزن اَذ يقِّيم يتخْنِيز. ونِّي يدْجَان نِيشَان اَذ يقِّيم نِيشَان. ونِّي يدْجَان ذ اَمْقدّس اَذ يقِّيم ذ اَمْقدّس."