أيث-ݣلاطيا 6:1 - ثريفيث 2020

¹ آي أَيثْمَا، مڒَا ثُوْفِيم شَان يِجّن زَّايْوم ثْسحْصر-يث ڒْمُعْصِيّث، لَابُد مڒَا ثْجهْذم كنِّيو س أَرُّوْح يقدّْسن اَثِيذ تَارّم غَار وبْرِيذ س يِجّن ن وُوْڒ يسبَّارن. أُو حْضَا يخف نّش ؤُڒَا ذ شك بَاش وَار ثتْوَاغَرِّيذ شَا.

أيث-ݣلاطيا 6:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:29

اَرْبُوْث خَاوم ثْزَايْڒُوْت ينُو، ڒمْذث زَّايِي ڒَاحقَّاش نش ذ اَصبَّار، وَار ذَايِي بُو تَّكبُّر. ڒخْدّنِّي اَذ تَافم أَرَّاحث إِ يِيخف نْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:69

بُطْرُس يقِّيم غَار بَرَّا ذِي ڒمْرَاح. ثْقَارّب غَارس يجّن ن ثْخدَّانْت ثنَّا-ٱس: "ؤُڒَا ذ شك ثدْجِيذ اَك عِيْسَى زِي لْجَلِيل."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:75

ذِنِّي يفكَّر-د بُطْرُس اَوَاڒ نِّي ن عِيْسَى وَامِي ذَاس ينَّا: قْبڒ مَا ٱذ يدّن ويَازِيض اَتَاف اَذَايِي ثنْكَرذ ثْڒَاثَا ن ثْوَاڒَاثِين. ئِفّغ غَار بَارَّا يرُو يمطَّاون ذ يمدْجَاحن اَطَّاس.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:13

رُوْحم رْزُوْم خ ڒْمَعْنَا ن لْأَيَا إِي يقَّارن: خْسغ اَذ تْرحْمم يوْذَان، وَار خْسغ بُو اَذ تْغَرْصم إِ ڒبْهَايم." ينَّا-ٱسن: "وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان، ؤُسِيغ-د اَذ ڒَاغِيغ إِ يِنِّي يعْصَّان!"

أيث-روما 14:1

فَا ونِّي ؤُمِي يضْعف لإِيمَان نّس قبْڒم-ث جَارَاوم بْڒَا مَا اَكِذس ثْمنْغم خ لْأَفْكَار نّس.

أيث-روما 15:1

فَا نشِّين إِݣ يجهْذن يتْخصَّا-يَانغ أَ نَارْبُو ضُّعف ن يِنِّي وَار يجْهِيذن شَا، مَاشِي أَ نݣّ مِين ذَانغ يتعْجِيبن إِ يِيخف نّغ أُو صَافِي.

أيث-روما 8:6

أَقَا يِنِّي يخدّْمن س ڒْخَاضَر نْسن ذِي ثْمسْڒَايِين ن طَّبِيعَا ثَعفَّانْت نْسن اَتَاف اَذ مّْثن. وَلَكِن يِنِّي يخدّْمن س ڒْخَاضَر نْسن ذِي ثْمسْڒَايِين ن اَرُّوْح اَتَاف اَذ دَّرن، أَغَارْسن يِيڒِي ڒهْنَا.

1 أيث-كورينث 10:12

س مَانَايَا ونِّي ؤُمِي يتْغِيڒ-اَس قَا يبدّ وَار يوطِّي شَا، ئِتْخصَّا-يَاس اَذ د يَارّ ڒْبَاڒ نّس.

1 أيث-كورينث 14:37

مڒَا يجّن يحسّب يخف نّس نِيشَان ذ نَّبِي نِغ ذ يجّن ن بْنَاذم رُوْحِيَا اَتَاف أُو لَابُد اَذ يقْبڒ مِين ذَاوم د تَارِيغ ذِي ثبْرَات-أَ نتَّاث ذ ڒُوْصِيّث ن سِيذِيثْنغ.

1 أيث-كورينث 2:15

أَمَّا بْنَاذم ونِّي غَار يدْجَا اَرُّوْح ن أَربِّـي. ئِتْميَّاز مَارَّا ثِمسْڒَايِين، نتَّا وَار ذَايس يتْمِيِّيز حَدّ.

1 أيث-كورينث 3:1

آي اَيثْمَا، نش تُوْغَا وَار زمَّرغ شَا اَكِذْوم سِّيوْڒغ اَم يِوْذَان يتݣّن اَرَّاي إِ اَرُّوْح ن أَربِّـي. لَّا، سِّيوْڒغ اَكِذْوم اَم يِوْذَان إِݣ يتݣّن اَرَّاي إِ نّفْس نْسن، أَم يسيْمَان وَاهَا إِي د يخڒْقن ذِي لْمَسِيح.

1 أيث-كورينث 4:21

مَامش ثْرزُّوْم اَذ د اَسغ؟ مَا س وعْمُوْذ مَا س ڒمْحِبّث اَك يِجّن ن وُوْڒ يصبَّرن؟

1 أيث-كورينث 7:5

ئِتْخصَّا وَار ثْقطّْعم شَا خ وَايَاوْيَا إِلَّا مڒَا ثْتَافْقم اَك وَايَاوْيَا يجّن ن لْمُدَّا وَاهَا حمَا اَذ تُوْشم ڒْوقْث نِّي إِ ثْࢲَادْجِيث نْوم. منْبَعْد اَذ تْمُوْنم حمَا وَار كنِّيو يتْغَارِّي شَا شِّيطَان ڒَاحقَّاش اَتَاف وَار ثْزمَّرم شَا اَذ تْحكْمم مْلِيح خ شّهْوث نْوم.

22 أيث-كورينث 10:1

فَا نش ذ بُوْلُس، س يِيخف ينُو تْطَالَابغ-كنِّيو س تَّوَاضُع ذ لْحَنَانَا ن لْمَسِيح. وَاه، ثقَّارم نش زَعْمَا ترْجِيجِيغ خْمِي تِيڒِيغ اَكِذْوم، خْمِي تْغَابغ خَاوم تْقسِيحغ.

22 أيث-كورينث 2:7

ڒخُّو اَذَاس ثْسمْحم عَاوْنم-ث بَاش وَار يغرّق شَا س وخيّق اَطَّاس.

22 أيث-كورينث 2:8

س مَانَايَا تتَّارغ زَّايْوم اَذَاس ثسْبيّْنم عَاوذ ڒمْحِبّث نْوم.

أيث-ݣلاطيا 5:23

ذ تَّوَاضُع ذ بْنَاذم يحكّْمن خ شّهْوث نّس. وَار ثدْجِي بُو شَان ن شَّرِيعَا إِݣ يسْبدَّان ثِمسْڒَايِين-أَ.

أيث-ݣلاطيا 6:18

آي أَيثْمَا، أَذ يِيڒِي اَك اَرُّوْح نْوم اَرْضَا ن سِيذِيثْنغ عِيْسَى لْمَسِيح. آمِين.

1 أيث-سلونيك 4:1

فَا آي أَيثْمَا عْلَاحْسَاب ثِمسْڒَايِين نّغْنِي، كنِّيو قَا ثْقبْڒم زَّايْنغ مَامش إِي غَا ثْعِيشم بَاش اَخَاوم يَارْضَا أَربِّـي؛ أَمنِّي عَاوذ إِي تْعِيشم. ڒخُّو ذِي عِيْسَى لْمَسِيح نتْحشَّام-يكنِّيو نتْوصَّا-كنِّيو بَاش اَذ تݣّم عَاذ كْتَار.

2 أيث-سلونيك 3:15

وَلَكِن وَار ث تْوَاڒَام شَا اَم ڒَعْذُو نْوم؛ لَّا، نْهَام-ث اَم يِجّن زݣ وُوْمَاثْوم.

2 تيموتاوس 2:25

أَذ يصحَّاح س يِجّن ن وُوْڒ يصبَّارن إِ يِنِّي إِي ذَاس يتْعَارَّاضن؛ حمَا مڒَا يخس أَربِّـي اَثن يجّ اَذ تُوْبن اَذ سّْنن لْحَقِيقَا.

يعيبرانيين 12:13

سݣّْذث يبْرِيذن نْوم نِيشَان بَاش يضَارن نْوم يزحَّافن وَار تْغِيمِين شَا ذ ينعْذَام اَذ ݣنْفَان.

يعيبرانيين 13:3

خمّْمث ذݣ يمحْبَاس اَمشْنَاو كنِّيو إِي كِذْسن ثتْوَاحبّْسم ذ يِنِّي إِي خف تْبُوْصَارن اَمشْنَاو كنِّيو ثتْوَاعدَّابم.

ثبرات غار يعقوب 3:13

مَا ٱكِذْوم ونِّي إِي ذِي ثدْجَا ڒفْهَامث ذ ثُوْسْنَا؟ ئِتْخصَّا-يَاس اَذ د يسْمظْهَار مَانَايَا س مَامّش يتْعِيش س لْمَعْقُوْل ذ لْحَسَانَاث نّس إِݣ يتݣّ اَك يِجّن ن تَّوَاضُع إِي د يتَاسن س ڒفْهَامث.

ثبرات غار يعقوب 3:2

مَارَّا إِذْنغ نْتݣّ اَطَّاس ن لْغَالَط. مڒَا شَان يِجّن وَار يخطِّي شَا ذݣ وَاوَاڒ نّس قَاع، أَتَاف وَانِيتَا ذ يجّن ن بْنَاذم نِيشَان يكْمَاڒ. ئِزمَّر اَذ يحْكم خ دَّات نّس مَارَّا.

1 بطرس 3:15

لَّا، سمْغَارث لْمَسِيح ذݣ وُوْڒَاون نْوم اَرّم-ث ذ سِيذِيثْوم. إِڒِيث ڒبْدَا ثْوجْذم بَاش اَذ تْدَافْعم خ يِيخف نْوم اَذ تْجَاوْبم ونِّي يرزُّوْن خ سَّبَاب ن لْأَمَال إِي ذَايْوم. وَلَكِن جَاوْبم-ث س يِجّن ن تَّوَاضُع ذ لْإِحْتِرَام

1 يوحنا 5:16

ونِّي غَا يتْوَاڒَان يجّن ن وُوْمَاس يعْصَا يجّن ڒْمُعْصِيّث إِي وَار يتِيوِين شَا غَار ڒْموْث، نتَّا يتْخصَّا-يَاس اَخَاس يࢲَّادْج غَار أَربِّـي اَتَاف اَذَاس يُوْش ثُوْذَارْث إِ وُوْمَاس نِّي. نِّيغ-اَوم-د مَانَايَا عْلَاحْسَاب يِنِّي ڒْمُعْصِيّث نْسن وَار ثن تِيوِي شَا غَار ڒْموْث. ذِنِّي يجّن ن ڒْمُعْصِيّث إِݣ يتَاوِين غَار ڒْموْث، ثنِّي وَار ذَاوم ت قَّارغ شَا اَخَاس ثࢲَّادْجم.