أيث-ݣلاطيا 5:13 - ثريفيث 2020

¹³ شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.

أيث-ݣلاطيا 5:13 ပူးပေါင်းရင်းမြစ်များ

لوقا 4:18

<أَقَا أَرُّوْح ن سِيذِي أَربِّـي اَقَاث خَافِي، ئِخْضَر-اَيِي حمَا اَذ بشَّرغ ڒْمُسَاكِين. ئِسّكّ-اَيِي-د اَذ خْبَرغ لْحُرِّيَا إِ يمحْبَاس، يِنِّي يتْوَاضَرْغْڒن اَثن اَرّغ تْوَاڒَان، يِنِّي يتْوَاضڒْمن اَذَاسن د رْخُوْغ.

ڒخذايم 20:35

س مَارَّا مَانَايَا سْمظْهَارغ-اَوم-د مَامّش يتْخصَّا-يَانغ أَ نخْذم مْلِيح بَاش أَ نْعَاون يِنِّي يحْذَاجن. أَ نْفكَّر ذݣ وَاوَاڒ ن سِيذِيثْنغ عِيْسَى إِي ينَّا: سَّعْذ ن ونِّي يتِيشّن كْتَار زݣ ونِّي يقبّْڒن."

1 أيث-كورينث 8:9

وَلَكِن حْضَام يخف نْوم ذِي لْحُرِّيَا-يَا نْوم ثَانِيتَا بَاش وَار ثْغطّْڒم شَا يِنِّي يضعْفن ذِي لْإِيمَان نْسن اَذ وْضَان.

1 أيث-كورينث 9:19

وَاخَّا نش وَار غَارِي بُو بَاب ينُو، وَلَكِن أَرِّيغ يخف ينُو ذ يسْمغ زَعْمَا إِ مَارَّا بَاش اَذ ربْحغ اَطَّاس ن زِّيَادَا ن يِوْذَان.

22 أيث-كورينث 12:15

نش س ڒفْرَاحث اَذ هْذِيغ يخف ينُو اَذ تْوَاهْذِيغ عْلَاحْسَاب ڒَعْمَار نْوم. مڒَا تخْسغ-كنِّيو اَطَّاس، مَا ثسْنقْصم ڒمْحِبّث نْوم خَافِي؟

22 أيث-كورينث 2:8

س مَانَايَا تتَّارغ زَّايْوم اَذَاس ثسْبيّْنم عَاوذ ڒمْحِبّث نْوم.

22 أيث-كورينث 3:17

شُوْف، سِيذِيثْنغ نتَّا ذ أَرُّوْح، مَانِي مَا يدْجَا أَرُّوْح ن سِيذِيثْنغ ذِنِّي لْحُرِّيَا رُوْحِيَا.

22 أيث-كورينث 4:5

وَار نتْبشِّير شَا س يِيخف نّغ، نتْبشَّار س عِيْسَى لْمَسِيح يعْنِي نتَّا ذ سِيذِيثْنغ. أُو نشِّين ذ يخدَّامن نْوم عْلَاحْسَاب عِيْسَى.

أيث-ݣلاطيا 2:4

رزُّوْن خَاس خ مَانَاينِّي شَان ن وَاوْمَاثن زَعْمَا تْبُوْصَارن وَاهَا، ؤُذْفن-د جَارَانغ س ثْنُوْفْرَا حمَا اَذ جسّْسن خ لْحُرِّيَا إِي غَارْنغ ذِي لْمَسِيح بَاش اَذَانغ اَرّن اَم يسمْغَان إِ شَّرِيعَا نْسن.

أيث-ݣلاطيا 4:22

وَاه، لْكِتَاب يقَّار بلِّي بْرَاهِيم غَارس ثْنَاين ن ثَارْوَا نّس، يجّن زِي ثِيسْمغْث يجّن زِي ثنِّي إِي يدْجَان حُرّ.

أيث-ݣلاطيا 5:1

غَار لْحُرِّيَا يضْڒق-اَنغ-د لْمَسِيح بَاش أَ نِيڒِي حُرّ ذ صَّح. بدّث نِيشَان بَعْدَا، وَار تجَّاث شَا اَخَاوم يبسّڒ عَاوذ يجّن ن دْقڒ ن ثْزَايْڒُوْت ن يسمْغَان.

أيث-ݣلاطيا 5:14

أَقَا مَارَّا ڒُوْصِيَاث ن شَّرِيعَا ن مُوْسَى مُوْننْت-يد ذَانِيتَا: <أَذ تخْسذ اَجَّار نّش اَمشْنَاو يخف نّش.>

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ݣلاطيا 6:2

أَرْبُوْث دْقڒ اَݣ وَايَاوْيَا، س مَانَايَا اَذ تݣّم ڒُوْصِيّث نِّي ن لْمَسِيح.

أيث-ؤفسوس 5:21

طَاعم إِ وَايَاوْيَا عْلَاحْسَاب ڒُوقَّر نْوم إِ لْمَسِيح.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

1 بطرس 2:16

عِيْشث اَم يِوْذَان إِي غَار ثدْجَا لْحُرِّيَا وَلَكِن وَار سْتعْمَالث شَا لْحُرِّيَا-يَا نْوم بَاش اَذ تسْنُوْفَّرم شَّرّْ نْوم؛ لَّا، ئِتْخصَّا اَذ تْعِيْشم اَم يخدَّامن ن أَربِّـي.

2 بطرس 2:19

ضمْنن-اَسن يثَرَّاسن-أَ لْحُرِّيَا إِ يِوْذَان وَلَكِن يِـيْنَا بَاب نْسن نتَّا ذ ڒفْنَا. ڒَاحقَّاش مِين يتحْكَامن خ بْنَاذم نتَّا ذ بَاب نّس.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.