أيث-ݣلاطيا 4:5 - ثريفيث 2020

⁵ مَايمِّي؟ حمَا اَذ يقدّم لْفِدْيَا خ يِنِّي خف ثْحكّم شَّرِيعَا ن مُوْسَى بَاش اَذَانغ يتْبنَّا أَربِّـي أَ نِيڒِي ذ ثَارْوَا نّس.

أيث-ݣلاطيا 4:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

لوقا 1:68

"لْحَمْدُ لِلَّه إِ سِيذِي أَربِّـي ن أَيث-إِسْرَائِيل، ڒَاحقَّاش يفْقذ شَّعْب نّس يفكّ-يث.

يوحنا 1:12

يِنِّي إِي ث يقبْڒن ؤُمْنن زَّايس زݣ يِيسم نّس، يُوْشَا-ٱسن نتَّا ثِزمَّار حمَا اَذ ذوْڒن ذ ثَارْوَا ن أَربِّـي.

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

أيث-روما 10:4

لِأَنَّا لْمَسِيح ذَايس ذِي نتَّا إِي ثْكمّڒ شَّرِيعَا حمَا مَارَّا وِي زَّايس غَا يَامْنن اَذ يمصْڒَاح اَك أَربِّـي.

أيث-روما 8:14

أُو يِنِّي يذفَّارن اَرُّوْح ن أَربِّـي، ذ يِنِّي إِي يدْجَان ذ ثَارْوَا ن أَربِّـي.

أيث-روما 8:15

لِأَنَّا اَرُّوْح إِي ذَاوم د يمُّوْشن وَار كنِّيو يتَارِّي شَا ذ يسمْغَان حمَا اَذ تْعِيشم عَاوذ ذِي ثِيݣّْوْذِي؛ لَّا، ئِمُّوْش-اَوم-د اَرُّوْح يقدّْسن حمَا اَذ تِيڒِيم ذ ثَارْوَا ن أَربِّـي. س اَرُّوْح نِّي إِي غَا نْڒَغَا: أَبَّا، يعْنِي، أَ بَابَا ينُو.

أيث-روما 8:19

أَقَا مَارَّا مِين د يتْوَاخڒْقن ذَايْسن مزْڒِي ذ اَمقّْرَان تْرَاجَان اَذ ࢲرن ثْسَعَّات نِّي إِي ذِي د غَا بَانن ثَارْوَا ن أَربِّـي.

أيث-روما 8:23

أُو مَاشِي نِثْنِي وَاهَا، ؤُڒَا ذ نشِّين ؤُمِي يمُّوْش اَرُّوْح يقدّْسن ذ اَمزْوَارُو نْنهّك ذݣ يِيخف نّغ. ذَايْنغ مزْڒِي، نشِّين نتْرَاجَا زِي أَربِّـي اَذ د يسْبيّن بلِّي نشِّين ذ ثَارْوَا نّس، يعْنِي اَذ يفكّ دَّات نّغ.

أيث-روما 9:4

نِثْنِي ذ أَيث-إِسْرَائِيل، يتْبنَّا-ثن سِيذِي أَربِّـي. ئِسْمظْهَار-اَسن-د لْعَظَمَا نّس، ئِعَاهذ-يثن، يُوْشَا-اَسن شَّرِيعَا ن مُوْسَى ذ لْعِبَادَا، يوْعذ-يثن.

أيث-ݣلاطيا 3:13

لْمَسِيح يفكّ-اَنغ زِي نَّعْڒث نِّي يدْجَان ذِي شَّرِيعَا وَامِي يَارَّا يخف نّس ذ يجّن نَّعْڒث عْلَاحْسَاب نشِّين. ڒَاحقَّاش لْكِتَاب يقَّار: <منْعُوْڒ كُڒ يجّن إِي ث غا سْݣَعّْذن خ ثحْنَاشْت.>

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ݣلاطيا 4:21

إِنِيم-اَيِي كنِّيو يتخْسن اَخَاوم ثْحكّم شَّرِيعَا ن مُوْسَى. مَا وَار ثسِّينم مِين ذَايس ذِي شَّرِيعَا نِّي نِغ؟

أيث-ݣلاطيا 4:7

خ مَانَايَا ڒخُّو شك مَاشِي ذ يسْمغ، شك ذ مِّيس. وَامِي شك ذ مِّيس، أَزَّايس ثْوَارْثذ زِي أَربِّـي.

أيث-ؤفسوس 1:5

س ڒمْحِبّث نّس يزمّم-اَنغ بَاش اَذَانغ يتْبنَّا اَم ثَارْوَا نّس س عِيْسَى لْمَسِيح عْلَاحْسَاب لْغَرَض ن ڒْخَاضَر نّس.

أيث-ؤفسوس 1:7

ئِفكّ-اَنغ-د سِيذِي أَربِّـي س لْفِدْيَا نِّي ن مِّيس يعْنِي س يذَامّن نّس بَاش اَذ تْوَاغْفَرنْت ڒْمُعْصِيَاث نّغ عْلَاحْسَاب اَݣْڒَا ن اَرْضَا نّس.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 9:12

يُوْذف يجّن ن ثْوَاڒَا أُو صَافِي غَار وخَّام اَمْقدّس اَطَّاس. نتَّا وَار يُوْذِيف شَا س يذَامّن ن يغَايْذن نِغ ذ ئِينْدُوْزن؛ لَّا، يُوْذف س يذَامّن نّس نِّيث يخدْجس خَانغ لْفِدْيَا بَاش أَ ننْجم إِ ڒبْدَا.

يعيبرانيين 9:15

فَلِيهَذَا نتَّا لْمَسِيح يتْشَفَاع جَارَانغ ذ أَربِّـي س يِجّن ن ڒْعَهذ ذ جْذِيذ بَاش يِنِّي ؤُمِي د يڒَاغَا أَربِّـي اَتَاف اَذ اَوِين لْوَارث إِي زِي ثن يوْعذ يتْدُوْمَان إِ ڒبْدَا. لِأَنَّا لْمَسِيح يمُّوْث ذ لْفِدْيَا حمَا اَذَاسن يضْڒق اَذ يڒِين حُرّ زِي ڒْمُعْصِيَاث إِي ݣِّين سْوَادَّاي إِ ڒْعَهذ نِّي اَمزْوَارُو.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

لواحي ن يوحنا 14:3

تْغنَّاجن يجّن ن يِزْڒِي ذ جْذِيذ زَّاث إِ لْعَرْش ذ اَرْبعَا نِّي ن لْمخْلُوْقَاث ذ يمْغَارن. وَار يزمَّر ؤُڒَا ذ يجّن اَذ يڒْمذ يزْڒِي نِّي إِلَّا ذ مِيَّا أُو اَرْبعَا أُو اَرْبعِين اَڒَاف نِّي إِي يتْوَاسْنجْمن زي دُّنشْت-أَ.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.