14 س عِيْسَى لْمَسِيح ثهْوَا-د لْبَرَكَا نِّي إِي زِي تُوْغَا ث يوْعذ أَربِّـي إِ بْرَاهِيم ثُوْوض غَار ڒݣْنُوْس، حمَا س لْإِيمَان اَذَانغ يمُّوْش أَرُّوْح يقدّْسن إِي زِي ذَانغ يوْعذ.
مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار، يعْنِي يتِيشّ أَرُّوْح يقدّْسن إِ يِنِّي ذَاس ث يتتَّارن."
أَتَاف مِينْذِي كنِّيو يوْعذ بَابَا اَذَاوم ثِيذ سّكّغ نش. قِّيمم ذِي ثنْدِينْت-أَ اَڒ خَاوم د غَا يهْوَا جّْهذ زݣ وجنَّا."
مَانَايَا ينَّا-ث خ أَرُّوْح يقدّْسن إِي غَا يقبْڒن يِنِّي زَّايس يُوْمْنن. أَرُّوْح يقدّْسن عَاذ وَار ثِيذ يُوْشِي شَا مِينْزِي عِيْسَى عَاذ وَار يتْوَارْفع شَا.
وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.
وَار يزمَّر حَدّ اَذ ينْجم بْڒَا زَّايس نتَّا. لِأَنَّا وَار ذِنِّي ؤُڒَا ذ يجّن ن يِيسم نّغْنِي جَار إِ يرْيَازن ذِي دُّنشْت-أَ اَزَّايس نتْوَاسنْجم إِلَّا نتَّا."
خ ثْمسْڒَايِين-أَ نْشهّذ خَاسنْت نشِّين ذ أَرُّوْح يقدّْسن، أَرُّوْح-أَ يُوْشِي-ث أَربِّـي إِ يِنِّي ذَاس يتْطَاعَان."
لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.
أَمنِّي عَاوذ ڒْعَهذ نِّي يعْنِي لْوُعُوْد إِي ذَاس يُوْشَا أَربِّـي إِ بْرَاهِيم ذ وَايَّاو نّس. لْكِتَاب وَار يقَّار شَا <أَيَّاون نّس>، يعْنِي اَطَّاس إِذْسن. لَّا، يقَّار <أَيَّاو نّس>، يعْنِي يجّن ن بْنَاذم أُو نتَّا ذ لْمَسِيح.
أَكنِّيو سّقْسِيغ خ يِجّن ن ثْمسْڒَايْث وَاهَا. مَا يهْوَا-د خَاوم أَرُّوْح يقدّْسن وَامِي ثْطَاعم إِ شَّرِيعَا ن مُوْسَى؟ لَّا، ئِهْوَا-د وَامِي ثسْڒِيم إِ لإِنْجِيل ثُوْمْنم زَّايس.
وَامِي ثْذوْڒم كنِّيو ذ ثَارْوَا ن أَربِّـي، ئِسّكّ-د أَرُّوْح ن مِّيس يُوْذف ذݣ وُوْڒَاون نّغ غَار ذَاخڒ يتْڒَاغَا يقَّار، آ بَابَا آ بَابَا ينُو!
لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.
ذَايس عَاوذ ذِي لْمَسِيح يبنَّا-كنِّيو يجّن اَك ونّغْنِي بَاش اَذ تِيڒِيم ذ يجّن ن ثْزدِّيغْث ذَايس إِي غَا يزْذغ أَربِّـي س أَرُّوْح نّس.
تتَّارغ إِ أَربِّـي زݣ وَاݣْڒَا نّس اَعْظِيم اَكنِّيو يسجْهذ ذِي نّفْس نْوم س وفُوْس ن أَرُّوْح نّس
وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.
ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.
وَار تَارَّاث شَا شَّرّْ س شَّرّْ نّغْنِي نِغ ڒْعِيب س ڒْعِيب نّغْنِي. لَّا، بَرْكث ينّغْنِي، مَايمِّي؟ مِينْزِي يڒَاغَا-د خَاوم إِ مَانَايَا بَاش اَذ تْخَاڒْسم س يِجّن ن لْبَرَكَا.