أيث-ݣلاطيا 3:1 - ثريفيث 2020

¹ آ أَيث-ݣَلَاطْيَا، مَا ثْبُوْهْڒِيّم نِغ؟ وِي ذَاوم يݣِّين سّْحُوْر؟ نْشرّح-اَوم مْلِيح زَّاث إِ ثِيطَّاوِين نْوم مَامّش يمُّوْث لْمَسِيح خ صَّلِيب.

أيث-ݣلاطيا 3:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:26

مَارَّا ونِّي يتْسْڒَان إِ وَاوَاڒ ينُو وَار زَّايس يخدّم شَا، نتَّا اَم يِجّن ن وفْغُوْڒ يبْنَا ثَدَّارْث نّس خ يِجْذِي.

لوقا 24:25

ينَّا-ٱسن عِيْسَى: "آ يِنِّي وَار يفْهِيمن شَا! آ يِنِّي وَار يتِيمْنن شَا ذغْيَا ذِي مَارَّا مِين نَّان لْأَنْبِيَا!

ڒخذايم 16:6

بُوْلُس ذ يمدُّوْكَاڒ نّس كِّين خ جْوَايه ن فْرِيْجْيَا ذ ݣَالَاطْيَا، وَار ثن يجِّي شَا أَرُّوْح يقدّْسن ٱذ بشَّرن س وَاوَاڒ ن أَربِّـي ذِي لْإِقْلِيم ن آسْيَا.

ڒخذايم 6:7

ئِنْتَاشَار وَاوَاڒ ن أَربِّـي، مَارْنِين-د اَطَّاس ن يمحْضَارن ذِي لْقُدْس، ؤُمْنن اَطَّاس ن ڒْفُقَهَا ن أَيث-إِسْرَائِيل زِي لْإِنْجِيل.

أيث-روما 10:16

لْإِنْجِيل وَلَكِن وَار ث قْبِيڒن شَا مَارَّا يوْذَان. أَقَا مِين يقَّار نَّبِي إِشَعْيَا زِي زْمَان: <آ سِيذِي أَربِّـي، وِي يُوْمْنن س مِينْزِي نتْبشَّار؟>

أيث-روما 2:8

وَلَكِن اَغَارْسن يِيڒِي لْحِسَاب ذ لْعِقَاب غَار يِنِّي يرزُّوْن إِ يِيخف نْسن وَاهَا ذ يِنِّي وَار يتْطِيعِين شَا إِ لْحَقِيقَا ذفَّارن مِين وَار يدْجِين شَا نِيشَان.

أيث-روما 6:17

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

1 أيث-كورينث 11:26

مِينْزِي مڒْمِي مَا ثشِّيم زݣ ؤُغْرُوْم-أَ ثسْوِيم زِي ڒْكَاس-أَ، أَقَا تْخبَّرم س ڒْموْث ن سِيذِيثْنغ اَڒ د غَا يَاس.

1 أيث-كورينث 2:2

وَامِي تُوْغَا دْجِيغ اَكِذْوم، ݣِّيغ اَذ سْشنْعغ غِير عِيْسَى لْمَسِيح أُو ذ نتَّا يتْوَاصلّْبن ذِي صَّلِيب.

22 أيث-كورينث 10:5

نتْرزَّا اَوَاڒن ذ كُڒ اَرَّاي إِي ذِي يدْجَا تَّكبُّر إِݣ يتْعَارَّاضن إِ مِين نسّن خ أَربِّـي. نْحبّس كُڒ لْفِكْرَا حمَا اَتَاف اَذ تْطَاع إِ لْمَسِيح.

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

أيث-ݣلاطيا 1:2

تَارِيغ ثَبْرَات-أَ نش ذ مَارَّا أَيثْمَا يدْجَان اَكِذِي غَار ثْجُوْمَاع ن ڒْمُوْمِنِين يدْجَان ذِي جْوَايه ن ݣَلَاطْيَا.

أيث-ݣلاطيا 1:6

نش ستْعجِّيبغ ذَايْوم، ذغْيَا ثْسمْحم ذِي أَربِّـي إِي ذَاوم د يڒَاغَان س اَرْضَا ن لْمَسِيح ثْذفَّارم شَان ن لإِنْجِيل نّغْنِي مْزُوَّار!

أيث-ݣلاطيا 2:14

وَامِي ثن ࢲْرِيغ وَار ݣُّوْرن شا نِيشَان عْلَاحْسَاب لْحَقِيقَا إِي يدْجَان ذِي لإِنْجِيل، نِّيغ-اَس إِ بُطْرُس زَّاثْسن مَارَّا: شك ذ اَئِسْرَائِيلِي وَلَكِن تْعِيشذ اَمشْنَاو ييُوْنَانِيْين، يعْنِي مَاشِي اَمشْنَاو اَئِسْرَائِلِي. مَامّش غَا ثݣّذ اَذ تْزيَّارذ خ ييُوْنَانِيْين بَاش اَذ عِيشن اَمشْنَاو يسْرَائِيلِيْين؟

أيث-ݣلاطيا 3:3

مَا ثْبُوْهْڒِيّم مْلِيح نِغ؟ كنِّيو ثبْذَام مْلِيح س ثْزمَّار ن أَرُّوْح يقدّْسن. مَا ثْرزُّوْم ڒخُّو اَذ تْكمّْڒم س ثْزمَّار نْوم ن بْنَاذم؟!

أيث-ݣلاطيا 4:9

وَلَكِن ڒخُّو كنِّيو ثسّْنم أَربِّـي، يعْنِي نتَّا إِي كنِّيو يسّْنن. مَامّش تݣّم عَاوذ ثْذوَّاڒم غَار لْقَوَانِين يقْذِيمن نِّي يتضْعِيفن وَار يتجْهِيذن شَا؟ مَا ثخْسم اَغَارْسن ثْذوْڒم ذ يسمْغَان عَاوذ نِغ؟

أيث-ݣلاطيا 5:11

آي أَيثْمَا، نش مَعْلِيك عَاذ سڒْمَاذغ طَّهَارث ن مُوْسَى زَعْمَا، إِيوَا مَايمِّي عَاذ ذَايِي تْعدَّابن نِثْنِي؟ مَعْلِيك لَابُد طَّهَارث-أَ، أَتَاف صَافِي وَار يتِيڒِي بُو وحݣَّار ن صَّلِيب.

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-ؤفسوس 5:15

إِذن فَا، رَجْعَاث يخف نْوم خْزَرث مَامّش إِي غَا ثْعِيشم. مَاشِي اَذ تْعِيشم اَم يِنِّي إِي ذِي ثدْجَا ڒقْفَاڒث؛ لَّا، عِيشم اَم يِنِّي إِي ذِي ثدْجَا ڒفْهَامث.

2 أيث-سلونيك 1:8

أَذ ينْتَاقم زݣ يِنِّي وَار يسِّينن شَا أَربِّـي ذ يِنِّي وَار يتْطِيعِين شَا إِ لْإِنْجِيل ن سِيذِيثْنغ عِيْسَى.

1 تيموتاوس 6:4

اَتَاف نتَّا يُوْفّ س تَّكبُّوْر وَار يفهّم وَالُو قَاع. ئِهْڒش يرزُّو غِير اَمْخَرْوَاض ذ ؤُمْنَقَار خ وَاوَاڒن إِي زِي د يتَاس ڒحْسذ ذ ؤُمنْغِي ذ ڒْبَاطڒ ذ لْأَفْكَار ذ ثِعفَّانِين.

يعيبرانيين 11:8

س لْإِيمَان يكَّر نَّبِي بْرَاهِيم يطَاع-اَس إِ أَربِّـي وَامِي ذَاس د يڒَاغَا اَذ يرَاح غَار يِجّن ن ومْشَان إِي غَا يقْبڒ ذ لْوَارث. ئِفّغ نتَّا تُوْغَا وَار يسِّين شَا مَانِي غَا يرَاح.

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

1 بطرس 4:17

أَقَا ثُوْوض-د ڒْوقْث بَاش اَذ يبْذَا لْحِسَاب جَار اَيثْبَاب ن ثدَّارْث ن أَربِّـي. مڒَا اَذ يبْذَا لْحِسَاب-أَ جَارَانغ مِين غَا يوقْعن إِ يِنِّي وَار يتْطِيعِين شَا إِ لْإِنْجِيل ن أَربِّـي؟

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

لواحي ن يوحنا 18:3

ڒَاحقَّاش مَارَّا ڒݣْنُوْس سْوِين زݣ وَامَان ن وضِيڒ ن لْفَسَاد نّس وَار يحْڒِي، فسْذن اَكِذس يزدْجِيذن ن ثْمُوْرْث. يسبَّابن ن ثْمُوْرْث ؤُوِين-د اَطَّاس ن وَاݣْڒَا زݣ وفلّس نّس اَمقّْرَان."

لواحي ن يوحنا 2:20

وَلَكِن عيّْبغ خَاش وَامِي ثجِّيذ إِزَابِيل ثَمْغَارْث تَارَّا يخف نّس ذ نَّبِـيَا. ثْخدّع لْعِبَاد ينُو، ثْسڒْمَاذ-يثن اَذ فسْذن، أَذ شّن زِي دْبِيحث يتْقدَّامن إِ لأَصْنَام.