أيث-ݣلاطيا 2:9 - ثريفيث 2020

⁹ يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.

أيث-ݣلاطيا 2:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:18

نش عَاوذ اَقَا قَّارغ-اَش: شك ذ بُطْرُس، يعْنِي ذ <اَزْرُو.> خ وزْرُو-يَا اَذ بْنِيغ نش جْمَاعث ن ڒْمُوْمِنِين ينُو، ثِوُوْرَّا ن لْجَحِيم وَار زَّايس تِيوِينْت وَالُو!

لوقا 22:8

ئِرُوْح عِيْسَى يسّكّ بُطْرُس ذ يُوْحَنَّا ينَّا-ٱسن: "رُوْحم سْوجْذم-اَنغ اَمنْسِي ن ڒْعِيذ اَمقّْرَان حمَا اَث نشّ."

يوحنا 1:42

ئِسِّيوض-يث-يذ غَار عِيْسَى. وَامِي ث يࢲْرَا عِيْسَى ينَّا-ٱس: "شك ذ سِمْعَان مِّيس ن يُوْحَنَّا، زِي سَّا اَڒ ثْسَاونْت اَذَاش تْڒَغَان صِفَاس." (أَوَاڒ-أَ صِفَاس يخس اَذ يِينِي بُطْرُس.)

ڒخذايم 12:17

ئِقَّار-اَسن س وفُوْس سْتُوْكَاث، سّنِّي يعَاوذ-اَسن مَامّش إِي ث يسُوْفغ سِيذِي أَربِّـي زِي ڒحْبس. ينَّا-ٱسن: "خبَّرم يَعْقُوْب ذ اَيثْمَاثْنغ س مِين يوقْعن." ئِفّغ يرُوْح غَار يِجّن ن ومْشَان نّغْنِي.

ڒخذايم 15:13

وَامِي كمّْڒن اَوَاڒ نْسن، ئِنْدق-د يَعْقُوْب ينَّا-ٱسن: "آي اَيثْمَا، صنّْطم غَارِي مْلِيح!

ڒخذايم 15:7

وَامِي مْنَاقَاشن اَطَّاس، ئِكَّر بُطْرُس يبدّ ينَّا-ٱسن: "آي اَيثْمَا، أَقَا كنِّيو ثسّْنم مشْحَاڒ زݣ وَامِي إِي ذَايِي يخْضَر أَربِّـي زَّايْوم بَاش يِنِّي وَار يدْجِين شَا زِي أَيث-إِسْرَائِيل اَذ سْڒن زݣ وقمُّوْم ينُو اَوَاڒ ن لْإِنْجِيل اَذ اَمْنن.

ڒخذايم 4:36

ذِنِّي يجّن قَّارن-اَس يُوْسف، عَاوذ سمَّان-ث اَرُّسُل س بَرْنَابَا يعْنِي <ونِّي يتْشجَّاعن.> نتَّا زِي شُّرْفَا ن اَيث-لَاوِي ذ مِّيس ن ثنْدِينْت ن قُبْرُص.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 12:3

فَا س لْبَرَكَا إِي ذَايِي يُوْشَا أَربِّـي قَّارغ إِ مْكُڒ يجّن زَّايْوم: وَار حسّب شَا يخف نّش كْتَار زِي مِين ثعْنِيذ. شك فكَّر س ڒَعْقڒ نّش عْلَاحْسَاب مشْحَاڒ ن لإِيمَان إِي ذَاش يُوْشَا أَربِّـي.

أيث-روما 15:15

وَلَكِن زعْمغ ؤُرِيغ ثَبْرَات-أَ غَارْوم خ ڒبْعَاض ن ثْمسْڒَايِين حمَا وَار ثنْت تتُّوْم شَا. لِأَنَّا نش تݣّغ ڒْخذْمث ن ڒفْقِي تْبشَّارغ س وَاوَاڒ ن أَربِّـي س لْبَرَاكَا نِّي إِي ذَايِي يوْشَا بَاش اَذ يڒِيغ ذ اَخدَّام ن عِيْسَى لْمَسِيح إِ كنِّيو وَار يدْجِين شَا زِي أَيث-إِسْرَائِيل. حمَا اَكنِّيو قدّْمغ اَم يِجّن ن صّذْقث ثصْفَا س اَرُّوْح يقدّْسن حمَا اَت يقْبڒ أَربِّـي.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

22 أيث-كورينث 11:5

شُوْف، وَار حسّْبغ شَا يخف ينُو ذ اَنقْصِي زِي اَرُّسُل يمزْوُوْرَا. لَّا وَالُو.

22 أيث-كورينث 12:11

عَاذ سَّاوَاڒغ س ثُوْبُّوْهْڒِيَا-يَا زَعْمَا، ذ كنِّيو إِي خَافِي يبزّن اَمُّو. شُوْف، تُوْغَا يتْخصَّا-كنِّيو اَذَايِي ثْشكَرم، مَايمِّي؟ لِأَنَّا نش وَاخَّا ذ وَالُو إِي دْجِيغ، وَار دْجِيغ بُو ذ اَنقْصِي زِي اَرُّسُل نِّي يمزْوُوْرَا.

22 أيث-كورينث 8:4

تَّارن زَّايْنغ س وُوْڒ نْسن اَذ عَاوْنن س ڒْخِير-أَ ڒْمُوْمِنِين صَّالِحِين إِي يدْجَان ذِي ثنْدِينْت ن لْقُدْس.

أيث-ݣلاطيا 1:18

ثعْذُو يجّن ثڒْت سْنِين ݣَعّْذغ غَار ثنْدِينْت ن لْقُدْس حمَا اَذ ࢲرغ اَرَّسُوْل بُطْرُس، قِّيمغ اَكِذس يجّن خمّسطَاشَر يوْم.

أيث-ݣلاطيا 2:1

وَامِي ثعْذُو يجّن اَرْبعْطَاشَر سْنَا، ݣَعّْذغ عَاوذ غَار ثنْدِينْت ن لْقُدْس اَك بَرْنَابَا، ؤُوِيغ اَكِذِي ؤُڒَا ذ ؤُمَاثْنغ تِيتُوْس.

أيث-ݣلاطيا 2:2

عْلَاحْسَاب مِين زِي ذَايِي يوصَّا أَربِّـي ذݣ يِجّن ن لْوَاحِي إِي ݣَعّْذغ ذِنِّي سخْبَارغ-ثن خ لْإِنْجِيل إِي زِي تْبشَّارغ جَار ڒݣْنُوْس. وَلَكِن ݣِّيغ مَانَاينِّي غِير إِ يِنِّي يدْجَان ذ يمقّْرَانن ن جْمَاعث حمَا اَذ سّْنغ مِين خذْمغ ذ مِين تُوْغَا خدّْمغ وَار يدْجِي شَا ذ ڒْبَاطڒ.

أيث-ݣلاطيا 6:3

شُوْف، مڒَا شَان ن بْنَاذم يتْفكَّار اَذ يفْتَخَر س يِيخف نّس وَلَكِن نتَّا وَار ذَايس وَالُو، أَتَاف يخدّع يخف نّس.

أيث-ؤفسوس 2:20

ثَدَّارْث-أَ نتَّاث ثبْنَا خ دْسَاس ن يِيزْرَا يدْجَان ذ اَرُّسُل ذ لْأَنْبِيَا. أُو لْمَسِيح س يِيخف نّس اَقَاث ذ اَزْرُو نِّي يدْجَان ذݣ ومْشَان اَصبْحَان ذِي ثْغمَّارْث ن دْسَاس نّس.

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

أيث-كولوس 1:29

خ مَانَايَا نش خدّْمغ، تَاحْڒغ ذِي ڒْخذْمث-أَ س مَارَّا جّْهذ نِّي ن لْمَسِيح نتَّا يسْخدَّام-اَيِي س ثْزمَّار نّس.

1 تيموتاوس 3:15

مڒَا طوّْلغ اَطَّاس وَار ذِنِّي د ؤُسِيغ شَا، أَتَاف اَذ تسّْنذ شك مَامش إِي غَا سُوْݣُوْرن يِوْذَان يخف نْسن ذِي ثدَّارْث ن أَربِّـي يعْنِي جْمَاعث ن ڒْمُوْمِنِين ن أَربِّـي يدَّرن ذ نتَّاث إِي يدْجَان ذ اَپِـيلَار ذ دْسَاس ن لْحَقِيقَا.

1 يوحنا 1:3

مِين نࢲْرَا ذ مِين نتْسْڒَا نتْبشَّار-يكنِّيو زَّايس حمَا ؤُڒَا ذ كنِّيو اَذ تمْعَاشَرم اَكِذْنغ. مَارَّا نشِّين ثَمْعَاشَرْث نّغ اَقَات اَك بَابَاثْنغ ذ مِّيس عِيْسَى لْمَسِيح.

لواحي ن يوحنا 3:12

قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.