أيث-ݣلاطيا 2:7 - ثريفيث 2020

⁷ وَلَكِن مِين ؤُفِين؟ ؤُفِين يكلّف-اَيِي أَربِّـي بَاش اَذ بشَّرغ إِ ييُوْنَانِيْين مَامّش يكلّف بُطْرُس بَاش اَذ يبشَّر إِ أَيث-إِسْرَائِيل.

أيث-ݣلاطيا 2:7 ပူးပေါင်းရင်းမြစ်များ

ڒخذايم 15:12

مَارَّا جْمَاعث نِّي ذِنِّي إِي قِّيمن وَار نِّين وَالُو، تسْڒَان إِ بَرْنَابَا ذ بُوْلُس سَّاوَاڒن خ لْمُعْجِيزَاث ذ لْبُرْهَانَاث يݣَّا أَربِّـي خ وفُوْس نْسن جَار يِنِّي وَار يدْجِين شَا زِي أَيث-إِسْرَائِيل.

ڒخذايم 18:6

وَامِي بْذَان تْعَارَّاضن-اَس تْبُوْصَارن خَاس، ئِمْسح اَرُّوْض نّس اَم يِجّن ن شْهَاذث خَاسن ينَّا-ٱسن: "ئِذَامّن نْوم خ يِيڒَاون نْوم، قَا نش تْبرِّيغ اَزدْجِيف ينُو زَّايْوم. سَّا ٱڒ ثْسَاونْت اَذ رَاحغ غَار يِنِّي وَار يدْجِين شَا زِي أَيث-إِسْرَائِيل."

ڒخذايم 28:28

إِيوَا يتْخصَّا اَذ تسّْنم ؤُڒَا ذ يِنِّي وَار يدْجِين شَا ذ يسْرَائِيلِيْين أَربِّـي اَثن يسنْجم، نِثْنِي اَذَاس سْڒن."

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 11:13

فَا نش قَّارغ-اَوم مَانَايَا إِ كنِّيو وَار يدْجِين شَا زِي أَيث-إِسْرَائِيل. نش ذ اَرَّسُوْل غَار يِنِّي وَار يدْجِين شَا زِي أَيث-إِسْرَائِيل، نش ڒْخذْمث ينُو حسّْبغ-ت غَارس يجّن ن شّان يمْغَر.

1 أيث-كورينث 9:17

مڒَا بشَّرغ س ڒْخَاضَر ينُو، أَتَاف اَذَايِي يجَازَا أَربِّـي. مڒَا وَار يدْجِي بُو س ڒْخَاضَر ينُو، يعْنِي اَتَاف تݣّغ يجّن ن لْمسْؤُلِيَا بزّز خَافِي وَاهَا.

أيث-ݣلاطيا 1:18

ثعْذُو يجّن ثڒْت سْنِين ݣَعّْذغ غَار ثنْدِينْت ن لْقُدْس حمَا اَذ ࢲرغ اَرَّسُوْل بُطْرُس، قِّيمغ اَكِذس يجّن خمّسطَاشَر يوْم.

أيث-ݣلاطيا 1:6

نش ستْعجِّيبغ ذَايْوم، ذغْيَا ثْسمْحم ذِي أَربِّـي إِي ذَاوم د يڒَاغَان س اَرْضَا ن لْمَسِيح ثْذفَّارم شَان ن لإِنْجِيل نّغْنِي مْزُوَّار!

أيث-ݣلاطيا 2:11

فَا وَامِي د يُوْسَا بُطْرُس غَار ثنْدِينْت ن وَانْطَاكْيَا وَاجْهغ-ث اَغمْبُوْب ذݣ وغمْبُوْب لِأَنَّا يݣَّا يجّن ن لْغَالط.

أيث-ݣلاطيا 2:14

وَامِي ثن ࢲْرِيغ وَار ݣُّوْرن شا نِيشَان عْلَاحْسَاب لْحَقِيقَا إِي يدْجَان ذِي لإِنْجِيل، نِّيغ-اَس إِ بُطْرُس زَّاثْسن مَارَّا: شك ذ اَئِسْرَائِيلِي وَلَكِن تْعِيشذ اَمشْنَاو ييُوْنَانِيْين، يعْنِي مَاشِي اَمشْنَاو اَئِسْرَائِلِي. مَامّش غَا ثݣّذ اَذ تْزيَّارذ خ ييُوْنَانِيْين بَاش اَذ عِيشن اَمشْنَاو يسْرَائِيلِيْين؟

أيث-ݣلاطيا 2:9

يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.

1 أيث-سلونيك 2:4

لَّا، ئِضْبع-اَنغ أَربِّـي يكلّف-اَنغ خ وَاوَاڒن-أَ يدْجَان ذِي لْإِنْجِيل. زِي مَانَايَا نسَّاوَاڒ بَاش اَخَانغ يَارْضَا أَربِّـي مَاشِي اَخَانغ اَرْضَان يِوْذَان مِينْزِي ذ نتَّا إِݣ يدْجَان ذ ونِّي يتْميَّازن مِين غَارْنغ ذݣ وُوْڒَاون نّغ.

1 تيموتاوس 1:11

تَّعْلِيم-أَ يدْجَان نِيشَان اَث نَاف ذِي لْإِنْجِيل ن أَربِّـي لْعَظِيم إِݣ يتْوَابَرْكن. لْإِنْجِيل-أَ يكلّف-اَيِي-د خَاس نش اَم يِجّن ن لْأَمَنَا.

1 تيموتاوس 2:7

خ مَانَاينِّي إِي تْوَاخْضَرغ نش بَاش اَذ حدّْثغ اَذ يڒِيغ ذ اَرَّسُوْل اَذ يڒِيغ ذ اَمْسڒْمَاذ عْلَاحْسَاب لْإِيمَان ذ ڒْحَقّ جَار يِنِّي وَار يدْجِين شَا زِّي أَيث-إِسْرَائِيل. قَّارغ لْمَعْقُوْل مَاشِي ذ يخَرِّيقن.

2 تيموتاوس 1:11

عْلَاحْسَاب لْإِنْجِيل-أَ تْوَاخْضَرغ نش اَذ بشَّرغ اَذ يڒِيغ ذ اَرَّسُوْل ذ يجّن ن ؤُمْسڒْمَاذ.

2 بطرس 3:15

حسْبم صّْبَر ن سِيذِيثْنغ نتَّا اَم يِجّن ن ڒْحَاجث إِي كنِّيو يسنْجَامن. ذ مَانَايَا إِي ذَاوم د يُوْرَا ؤُمَاثْنغ يعِيزّن بُوْلُس س ڒفْهَامث إِي ذَاس د يمُّوْشن.