أيث-ݣلاطيا 2:19 - ثريفيث 2020

¹⁹ عْلَاحْسَاب شَّرِيعَا ن مُوْسَى نتَّاث س يِيخف نّس، نش مُّوْثغ زَعْمَا إِ ڒحْكَام ن شَّرِيعَا-يَا خَافِي بَاش اَذ دَّرغ إِ أَربِّـي وَاهَا.

أيث-ݣلاطيا 2:19 ပူးပေါင်းရင်းမြစ်များ

أيث-روما 7:4

آي اَيْثْمَا، أَمنِّي إِي ثدْجَام ؤُڒَا ذ كنِّيو. يعْنِي تْوَافكّم زِي شَّرِيعَا ن مُوْسَى وَامِي ثمُّوْث دَّات ن لْمَسِيح، أَقَاوم خ يِيرِي ن يِجّن نّغْنِي نتَّا ذ يِيرِي ن لْمَسِيح إِي د يكَّرن زِي ڒْموْث، حمَا أَ نَارو ڒخْذَايم ثِصبْحَانِين إِ أَربِّـي.

أيث-روما 6:2

لَّا، عمَّارْص! نشِّين نمُّوْث-اَس إِ ڒْمُعْصِيّث، ئِخصَّا-يَانغ ڒخُّو وَار نتْسِيغِي شَا أَ نْعِيش ذَايس.

1 أيث-سلونيك 5:10

نتَّا يمُّوْث خَانغ بَاش أَ ندَّر اَكِذس وَاخَّا نشِّين نْفَاق نِغ نطّص ذݣ ونْضڒ.

22 أيث-كورينث 5:15

يمُّوْث نتَّا عْلَاحْسَاب مَارَّا يوْذَان بَاش يِنِّي يدَّرن وَار تدَّرن شَا إِ يِيخف نْسن وَاهَا، أَذ دَّرن إِ ونِّي خَاسن يمُّوْثن ثُمَّا يتْوَاسكَّر-د زِي ڒْموْث.

أيث-روما 6:11

أَمُّو لَابُد اَذ تْحسّْبم كنِّيو يخف نْوم ثمُّوْثم-اَس إِ ڒْمُعْصِيّث، ثدَّرم-اَس إِ أَربِّـي س عِيْسَى لْمَسِيح.

أيث-روما 8:2

لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

أيث-روما 6:14

أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.

1 بطرس 4:6

خ سَّبَاب-أَ تْوَابشَّرن س لْإِنْجِيل ؤُڒَا ذ يمتِّينن. مُّوْثن مَامّش تْمتَّان يِوْذَان مَارَّا، وَلَكِن نِثْنِي اَذ دَّرن س أَرُّوْح نْسن عْلَاحْسَاب لْغَرَض ن أَربِّـي.

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

أيث-كولوس 2:20

كنِّيو مڒَا ثمُّوْثم اَك لْمَسِيح إِ لْقَوَانِين نِّي يقْذِيمن ن دُّنشْت-أَ، مَايمِّي ذَاس تݣّم اَرَّاي إِ لْقَانُوْن نِّي اَخْمِي عَاذ تْعِيشم زَّايس ذِي دُّنشْت-أَ؟

أيث-ݣلاطيا 3:24

س مَانَاينِّي شَّرِيعَا ن مُوْسَى تُوْغَا تْربَّا-يَانغ حتَّا ٱڒ وَامِي د يُوْسَا لْمَسِيح أُو سّنِّي إِي غَا نْمصْڒَاح اَك أَربِّـي س لْإِيمَان.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-كولوس 3:3

مِينْزِي زَعْمَا كنِّيو ثمُّوْثم، ثُوْذَارْث نْوم اَقَا ثْنُوْفَّر اَك لْمَسِيح ذِي أَربِّـي.

أيث-ݣلاطيا 3:10

شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!>

1 أيث-كورينث 10:31

إِذن، مڒَا ثْسسّم نِغ تتّم نِغ مِين مَا تݣّم، ݣّث مَارَّا مَانَاينِّي بَاش اَذ يتْوَاسمْغَار أَربِّـي.

أيث-روما 7:14

فَا نشِّين نسّن شَّرِيعَا ن مُوْسَى زِي أَربِّـي، وَلَكِن نش ذ بْنَاذم تْوَامّنْزغ إِ ڒْمُعْصِيّث.

أيث-روما 5:20

أُو شَّرِيعَا نتَّاث ثُوْذف-د حمَا ٱذ كْثَارنْت ڒْمُعْصِيَاث. وَلَكِن شْحَاڒ مَا كْثَارنْت ڒْمُعْصِيَاث، أَرْضَا ن أَربِّـي يكْثَار كْتَار زَّايسنْت.

أيث-روما 4:15

أَقَا شَّرِيعَا ن مُوْسَى تَاوِي-د لْعِقَاب ن أَربِّـي. وَلَكِن مَانِي وَار تِيڒِي شَا شَّرِيعَا وَار تِيڒِي شَا ذِنِّي ڒْمُعْصِيّث.

1 أيث-كورينث 9:20

نش اَرِّيغ يخف ينُو اَم يِجّن ذ اَئِسْرَائِيلِي غَار أَيث-إِسْرَائِيل بَاش اَتَاف اَثن ربْحغ. أَرِّيغ يخف ينُو اَم يِجّن مِينْخف ثْحكّم شَّرِيعَا ن مُوْسَى غَار يِنِّي مِينْخف ثْحكّم شَّرِيعَا ن مُوْسَى بَاش اَتَاف اَثن ربْحغ (وَاخَّا نش وَار خَافِي ثْحكّم شَا شَّرِيعَا نِّي).

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.