أيث-ݣلاطيا 1:4 - ثريفيث 2020

⁴ لْمَسِيح يصدّق يخف نّس خ ڒْمُعْصِيّث نّغ س ڒْخَاضَر ن أَربِّـي بَابَاثْنغ حمَا اَذَانغ يسنْجم زِي زْمَان-أَ اَعفَّان إِي ذِي ندْجَا.

أيث-ݣلاطيا 1:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:22

زَّرِّيعث نِّي إِݣ يوْضَان جَار يسنَّانن نتَّاث اَم يِجّن ن بْنَاذم إِي يتْسْڒَان إِ وَاوَاڒ ن أَربِّـي ذَايس اَمْنُوْس ن دُّنشْت، يشمّث-يث طّْمَع ن وَاݣْڒَا، سّنِّي يتْوَاجيّف وَاوَاڒ ن أَربِّـي وَار ينفّع شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:28

ڒْكَاس-أَ ذَايس يذَامّن ن ڒْعَهذ، يعْنِي ذ يذَامّن ينُو إِي غَا يَازّْڒن عْلَاحْسَاب اَطَّاس ن يِوْذَان حمَا اَذَاسن يغْفَر أَربِّـي ڒْمُعْصِيَاث نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:42

ئِبعّذ خَاسن ثْوَاڒَا وِيس ثْنَاين، ئِتَّار إِ أَربِّـي ينَّا: "آ بَابَا، مڒَا ڒْكَاس-أَ ن ڒَعْذَاب وَار خَافِي ثسْبعّْذذ شَا سْوِيغ-ث، أَتَاف اَذ يِيڒِي مِين يخس ڒْخَاضَر نّش."

أَسڒْمذ ن سِيذِيثْنغ عِيْسَى لْكِتَاب ن مَتَّى 6:9

هَا مَامّش إِي غَا ثࢲَّادْجم: آ بَابَاثْنغ يدْجَان ذݣ وجنَّا، ذ اَمقّْرَان إِݣ يدْجَا يِسم نّش.

مرقس 10:45

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان؛ لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوذَارْث نّس حمَا اَذ يسنْجم اَطَّاس زَّايْسن."

لوقا 22:19

ئِيْسِي اَغْرُوْم يشكَّر أَربِّـي يرْزِي-ث يُوْشَا-ٱسن-ث ينَّا-ٱسن: "ذ وَا إِݣ يدْجَان ذ دَّات ينُو إِي غَا يمُّوْشن عْلَاحْسَاب كنِّيو. تݣّث مَانَايَا حمَا اَذَايِي ثْفكَّرم."

لوقا 22:42

ينَّا: "آ بَابَا، مڒَا ثخْسذ سْبعّذ-يث خَافِي ڒْكَاس-أَ ن ڒَعْذَاب. مَاشِي مَامْش خْسغ نش؛ لَّا، مَامْش يخس ڒْخَاضَر نّش شك."

يوحنا 10:11

نش إِݣ يَروّْسن ذ صَّح. ونِّي إِݣ يَروّْسن ذ صَّح يتْصدَّاق ثُوْذَارْث نّس خ يحُوْڒِيْين نّس.

يوحنا 12:31

ڒخُّو اَذ تْوَاعَاقب دُّنشْت-أَ. ڒخُّو لْمُفْسِيد نِّي اَمقّْرَان ن دُّنشْت-أَ اَخَاس اَزّْڒن.

يوحنا 5:30

نش وَار زمَّرغ اَذ ݣّغ وَالُو زݣ يِيخف ينُو. مَامّش تسْڒِيغ، أَمُّو تْحَاسَابغ. لْحِسَاب ينُو ن ڒْحَقّ مِينْزِي نش وَار رزُّوْغ شَا مِين خْسغ؛ لَّا، رزُّوْغ مِين يخس ونِّي إِي ذَايِي-د يسّكّن."

يوحنا 6:38

مِينْزِي نش هْوِيغ-د زݣ وجنَّا، وَار يدْجِي شَا اَذ ݣّغ مِين خْسغ؛ لَّا، هْوِيغ-د اَذ ݣّغ مِين يخس ونِّي إِي ذَايِي د يسّكّن.

أيث-روما 1:7

تَارِيغ إِ مَارَّا يمْعِيزّن ن أَربِّـي إِي يدْجَان ذِي ثنْدِينْت ن رُوْمَا يخْضَر-يكنِّيو اَذ تِيڒِيم ذ ڒْمُوْمِنِين صَّالِحِين. أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

أيث-روما 4:25

ئِتْوَاسلّم حمَا اَذ يمّث خ ڒْمُعْصِيَاث نّغ، ئِتْوَاسكَّر-د حمَا اَذَانغ يسمْصْڒَاح أَربِّـي اَكِذس.

أيث-روما 8:27

ثُمَّا أَربِّـي نتَّا يتْوَاڒَان مِين يدْجَان ذݣ وُوْڒَاون ن بْنَاذم، ئِسّن مِين يتخْس اَرُّوْح يقدّْسن. لِأَنَّا اَرُّوْح عْلَاحْسَاب ڒْخَاضَر ن أَربِّـي يتْطَلَاب خ ڒْمُوْمِنِين صَّالِحِين.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

أيث-روما 8:32

سِيذِي أَربِّـي وَار يسْعِيزّ شَا مِّيس خَانغ، ئِقدّم-يث إِ ڒْموْث خَانغ مَارَّا. مَا اَذ تقِّيم شَان ڒْحَاجث وَار ذَانغ-ت يتِيشّ شَا اَكِذس؟

1 أيث-كورينث 15:3

شُوْف، سِيْوْضغ-اَوم-د مَانَاينِّي يدْجَان مُهِم تُوْغَا قبْڒغ-ث نش س يِيخف ينُو، يعْنِي لْمَسِيح يمُّوْث عْلَاحْسَاب ڒْمُعْصِيَاث نّغ مَامّش يقَّار لْكِتَاب.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.

أيث-ؤفسوس 1:11

مَارَّا ثِمسْڒَايِين يتݣّ-يثنْت أَربِّـي عْلَاحْسَاب مِين يخطّط ذ مِين يخْضَر نتَّا. نشِّين ذِي عِيْسَى يَارَّا-ٱنغ أَربِّـي أَ نْوَارث عْلَاحْسَاب مِين يزمّم نتَّا س لْغَرَض نّس.

أيث-ؤفسوس 2:2

ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

أيث-ؤفسوس 5:16

سْتَغلَّام ڒْوقْث نْوم مْلِيح لِأَنَّا نْهُوْرَاث-أَ ذ يعفَّانن.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-ؤفسوس 6:12

لِأَنَّا نشِّين وَار نتْمنْغِي شَا ضد إِ يِوْذَان ن ويْسُوْم ذ يذَامّن. لَّا، نتْمنْغَا ضذ ن ثْزمَّار ن ثَادْجسْت-أَ ثَانِيتَا ن زْمَان-أَ ذ يِنِّي إِݣ يحكّْمن ذ يِنِّي إِݣ يجهْذن ذِي ثَادْجسْت-أَ. نشِّين نتْمنْغَا ضذ ن شَّيَاطِين يعفَّانن إِݣ يدْجَان ذݣ يمُوْشَان ن يجنَّاثن.

أيث-فيليـپـي 4:20

لْعَظَمَا إِ أَربِّـي بَابَاثْنغ إِ ڒبْدَا ن ڒبْدَاث. آمِين.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

1 أيث-سلونيك 3:11

أَذَانغ يرْزم أَربِّـي بَابَاثْنغ اَبْرِيذ غَارْوم نتَّا س يِيخف نّس اَك سِيذِيثْنغ عِيْسَى.

1 أيث-سلونيك 3:13

أَذَاوم يسجْهذ ؤُڒَاون نْوم بَاش اَذ تِيڒِيم بْڒَا ڒْعِيب اَذ تِيڒِيم مُقدّْسِين زَّاث إِ أَربِّـي بَابَاثْنغ خْمِي د غَا يَاس سِيذِيثْنغ عِيْسَى اَك مَارَّا صَّالِحِين نّس.

2 أيث-سلونيك 2:16

سِيذِيثْنغ عِيْسَى س يِيخف نّس أُو عَاوذ أَربِّـي بَابَاثْنغ ونِّي إِي ذَانغ يُوْشِين س اَرْضَا نّس يجّن ن وشجّع وَار يفنِّين شَا عمَّارْص ذ يجّن ن لْأَمَال يصْبَاح، أَتَاف اَكنِّيو يشجّع س وُوْڒَاون نْوم اَثن يسجْهذ عْلَاحْسَاب ذِي كُڒ ڒْخذْمث ذ كُڒ اَوَاڒ اَصبْحَان.

1 تيموتاوس 2:6

نتَّا يصدّق ثُوْذَارْث نّس ذ يجّن ن لْفِدْيَا بَاش اَزَّايس يسنْجم مَارَّا يوْذَان، مَانَايَا اَذ يتْوَاشْهذ ذِي ڒْوقْث نّس.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 2:5

ڒخُّو نشِّين نسَّاوَاڒ خ دُّنشْت-أَ إِي تُوْغَا نتْرَاجَا. شُوْف، أَربِّـي مَاشِي إِ لْمَلَائِكَاث ؤُمِي يُوْشَا ڒحْكَام خ دُّنشْت-أَ لَّا. أَقَا ذِنِّي يجّن ن ومْشَان ذِي لْكِتَاب مَانِي يشْهذ يجّن خ مَانَايَا يقَّار: <تْفكَّرذ شك ذݣ يرْيَازن، مَاشَا مِين سْوَان؟ مِّيس ن بْنَاذم، مَايمِّي إِي ذَايس غَا يتْهِلَّان؟

يعيبرانيين 6:5

ذُوْقن عَاوذ زِي لْبَرَكَا ن وَاوَاڒ ن أَربِّـي ذ لْقُدُوْرَاث ن زْمَان إِي د غَا يَاسن.

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

ثبرات غار يعقوب 4:4

آ يِنِّي يخدّْعن، كنِّيو مَا وَار ثسِّينم شَا بلِّي ونِّي يتخْسن دُّنشْت-أَ ذ ونِّي ذ ڒْعَذُو ن أَربِّـي؟ وَاه، ونِّي يخْضَرن دُّنشْت-أَ قَا نتَّا نِيشَان ذ ڒْعَذُو ن أَربِّـي.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 يوحنا 2:2

ذ نتَّا إِݣ يرُوْحن ذ لْفِدْيَا خ ڒْمُعْصِيَاث نّغ أُو مَاشِي غِير خ ڒْمُعْصِيَاث نّغ وَاهَا، حتَّا ؤُڒَا ذ ڒْمُعْصِيَاث ن دُّنشْت-أَ اَمن-ثكْمَاڒ.

1 يوحنا 3:16

س مِينْزِي إِي غَا نسّن ڒمْحِبّث؟ مِينْزِي سِيذِيثْنغ يصدّق خَانغ يخف نّس. أُو اَمُّو عَاوذ إِي غَا نِيڒِي نوْجذ أَ نْصدّق يخف نّغ خ أَيثْمَاثْنغ.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.

لواحي ن يوحنا 7:9

منْبَعْد إِ مَانَايَا خْزَرغ، تْوَاڒِيغ اَطَّاس ن ڒْغَاشِي مبْڒَا ڒحْسَاب زِي مْكُڒ ڒْݣنْس ذ ڒْقُوْم ذ شَّعْب ذ لُّغَا، بدّن زَّاث إِ لْعَرْش ذ زَّاث إِ يِزْمَار ݣِّين تْشَامِّير ذ اَشمْڒَاڒ، ذݣ يفَاسّن نْسن ثَسطَّا ن تْمَر.