أيث-ݣلاطيا 1:13 - ثريفيث 2020

¹³ أَقَا ثسْڒِيم خَافِي مَامّش تُوْغَا تْعِيشغ زِي قْبڒ وَامِي تُوْغَا تْبَاعغ دِّين ن أَيث-إِسْرَائِيل، يعْنِي مَامّش تُوْغَا تْعدَّابغ جْمَاعث ن ڒْمُوْمِنِين ن أَربِّـي س ومنْغِي، رزُّوْغ اَخَاسن قْضِيغ.

أيث-ݣلاطيا 1:13 ပူးပေါင်းရင်းမြစ်များ

ڒخذايم 8:1

وَامِي نْغِين سْتِيفَان، ئِجّن قَّارن-اَس شَاوُل اَقَاث ذِنِّي يحْضَار يتَافق اَكِذْسن. نْهَار نِّي بْذَان تْعدَّابن جْمَاعث ن ڒْمُوْمِنِين ذِي ثنْدِينْت ن لْقُدْس. مسْفْرَاقن مَارَّا ڒْمُوْمِنِين رُوْحن غَار جْوَايه ن يَهُوْذِيَا ذ سَامَرْيَا كُڒ يجّن مَانِي يرُوْح، وَار يقِّيم حَدّ ذِي لْقُدْس إِلَّا اَرُّسُل.

ڒخذايم 8:3

شَاوُل نتَّا يرزُّو اَذ يقْضَا خ جْمَاعث ن ڒْمُوْمِنِين، يتَاذف زِي ثدَّارث غَار ثدَّارْث يسُوْفُوْغ-د يرْيَازن ذ ثمْغَارِين يتݣّ-يثن ذِي ڒحْبس.

ڒخذايم 9:21

تْعجّْبن مَارَّا ينِّي يتسْڒَان قَّارن: مَا وَار يدْجي ذ وَانِيتَا يرْزُوْن اَذ يقْضَا خ يِنِّي يتْڒَاغَان خ يِيسم-أَ ن عِيْسَى ذِي لْقُدْس؟ مَا وَار يدْجِي غَارْسن إِي د يُوْسَا ذَانِيتَا بَاش اَثن يطّف اَثن يَاوِي غَار اَرُّوْيَاس ن ڒْفُقَهَا؟

ڒخذايم 9:26

وَامِي د يُوْوض شَاوُل غَار لْقُدْس يرزُّو اَذ يمُوْن اَك يمحْضَارن، وَلَكِن ݣّْوْذن زَّايس مَارَّا وَار ذَايس تِّيقن شَا نتَّا ذ اَمحْضَار ن صَّح.

1 أيث-كورينث 10:32

وَار غطّْڒث حَدّ وَاخَّا نِثْنِي ذ يسْرَائِيْلِيْين نِغ ذ ييُوْنَانِيْين نِغ ذ جْمَاعث ن ڒْمُوْمِنِين ن أَربِّـي.

1 أيث-كورينث 15:9

أَقَا نش ذ اَمزْيَان قَاع ذِي اَرُّسُل. وَار سْذِيهِيدْجغ شَا اَذَايِي ڒَاغَان اَرَّسُوْل ڒَاحقَّاش تُوْغَا نش تْعدَّابغ جْمَاعث ن ڒْمُوْمِنِين.

أيث-فيليـپـي 3:6

عْلَاحْسَاب زْعَامث ينُو نش تُوْغَا تْعدَّابغ جْمَاعث ن ڒْمُوْمِنِين ن لْمَسِيح. عْلَاحْسَاب لْقَوَانِين إِي يدْجَان ذِي شَّرِيعَا تُوْغَايِي س بْڒَا ڒْعِيب.

1 تيموتاوس 1:13

نش قْبڒ تُوْغَا قَّارغ اَوَاڒن وَار يحْڒِين خ أَربِّـي تْعدَّابغ ڒْمُوْمِنِين، نش ذ يجّن بْنَاذم يضدْجْمن. وَاخَّا تُوْغَا خذْمغ مَانَاينِّي يسظْهَار-اَيِي-د أَربِّـي اَرَّاحْمث نّس لِأَنَّا خذْمغ مَانَاينِّي س ڒقْفَاڒث ينُو بْڒَا مَا ٱذ سّْنغ مِين يدْجَان نِيشَان، ؤُڒ ينُو وَار ذَايس بُو لْإِيمَان.

1 تيموتاوس 1:14

أَرْضَا ن سِيذِيثْنغ ينْفيّض-د خَافِي س وَاطَّاس ذ وَاطَّاس، أَكِذس يجّن ن لْإِيمَان ذ يِجّن ن ڒمْحِبّث إِݣ يدْجَان ذِي عِيْسَى لْمَسِيح.