أيث-ݣلاطيا 1:12 - ثريفيث 2020

¹² وَار ذَايِي د يُوْسِي زِي حَدّ، وَار ذَايِي ث سْڒمْذن شَا يِوْذَان؛ لَّا، نتَّا يهْوَا-د خَافِي ذ لْوَاحِي زِي عِيْسَى لْمَسِيح.

أيث-ݣلاطيا 1:12 ပူးပေါင်းရင်းမြစ်များ

1 أيث-كورينث 11:23

شُوْف، نش اَقَا مِين ذَايِي يُوْشَا سِيذِيثْنغ أُو ذ مَانَايَا إِي ذَاوم د سِّيوْضغ يعْنِي ذِي دْجِيڒْث نِّي إِي ذِي يمّنْز سِيذِيثْنغ عِيْسَى ييْسِي-د نتَّا اَغْرُوْم،

1 أيث-كورينث 2:10

ثِمسْڒَايِين نِّي يسْمظْهَار-اَنغ-ثنْت-يد أَربِّـي س اَرُّوْح نّس. لِأَنَّا اَرُّوْح ن أَربِّـي يخزَّر ذِي ثْمسْڒَايِين مَارَّا، وَاخَّا ذ مِين يُوْدْجْغن ن أَربِّـي.

22 أيث-كورينث 10:7

كنِّيو ثْخزَّرم غَار مِين د يتْبَانن خ وُوْذم وَاهَا. مڒَا شَان يِجّن متْأَكّد نتَّا زِي لْمَسِيح أُو لَابُد اَذ يفكَّر ؤُڒَا ذ نشِّين زِي لْمَسِيح أَم نتَّا.

22 أيث-كورينث 12:1

أُو لَابُد اَذ فْتَخَرغ عَاذ، وَاخَّا وَار ذَايس بُو نّْفَع. أَذ سِّيوْڒغ ڒخُّو خ ثْمسْڒَايِين إِي د يهْوَان ذِي لْوَاحِي ذ ثْمسْڒَايِين ينُّوْفَرن إِي د يسْبيّن سِيذِيثْنغ.

أيث-ݣلاطيا 1:1

نش ذ بُوْلُس، نش ذ يجّن ن اَرَّسُوْل ماشي س يِوْذَان نِغ س ڒْخَاضَر ن بْنَاذم؛ لَّا، نش ذ اَرَّسُوْل س عِيْسَى لْمَسِيح أُو عَاوذ س أَربِّـي بَابَاثْنغ إِي د يسكَّرن عِيْسَى زِي ڒْموْث.

أيث-ݣلاطيا 2:2

عْلَاحْسَاب مِين زِي ذَايِي يوصَّا أَربِّـي ذݣ يِجّن ن لْوَاحِي إِي ݣَعّْذغ ذِنِّي سخْبَارغ-ثن خ لْإِنْجِيل إِي زِي تْبشَّارغ جَار ڒݣْنُوْس. وَلَكِن ݣِّيغ مَانَاينِّي غِير إِ يِنِّي يدْجَان ذ يمقّْرَانن ن جْمَاعث حمَا اَذ سّْنغ مِين خذْمغ ذ مِين تُوْغَا خدّْمغ وَار يدْجِي شَا ذ ڒْبَاطڒ.

أيث-ؤفسوس 3:3

يعْنِي ڒْمَعْنَا ينُوْفَّرن خ لْإِنْجِيل يسْمظْهَار-اَيِي-يث-يذ يسهْوَا-ث-يذ خَافِي س لْوَاحِي مَامش ذَاوم ت ؤُرِيغ شْوَايْت زِي قْبڒ.

1 أيث-سلونيك 4:15

عْلَاحْسَاب اَوَاڒ ن سِيذِيثْنغ نقَّار-اَوم قَا نشِّين يعْنِي يِنِّي عَاذ يدَّرن يعْنِي يِنِّي عَاذ يقِّيمن ذِي دُّنشْت-أَ خْمِي د غَا يَاس سِيذِيثْنغ قَا نشِّين وَار نتْݣَعِّيذ شَا ذ يمزْوُوْرَا خ يِنِّي يطّْصن ذݣ يمضْڒَان.