أيث-ݣلاطيا 1:10 - ثريفيث 2020

¹⁰ شُوْف، نش مَا رزُّوْغ ڒخُّو اَخَافِي اَرْضَان يِوْذَان؟ لَّا، رزُّوْغ اَخَافِي يَارْضَا أَربِّـي! مَا نش رزُّوْغ اَذَاسن عجْبغ إِ يِوْذَان؟ لَّا، مَعْلِيك عَاذ رزُّوْغ اَذَاسن عجْبغ إِ يِوْذَان، أَتَاف نش وَار دْجِيغ شَا ذ اَخدَّام ن لْمَسِيح.

أيث-ݣلاطيا 1:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:16

سّكّن غَارس شَان يمحْضَارن نْسن اَك شَان يِوْذَان زِي ڒْحِزب ن وزدْجِيذ هِيرُوْدُس اَذَاس ينِين: "آ لْمُعَلِّم قَا نسّن بلِّي شك نِيشَان إِي ثدْجِيذ. وَار تݣّْوْذذ شَا زݣ يِوْذَان ڒَاحقَّاش وَار تݣّذ بُو س وُوْذمَاون. ثْسڒْمَاذذ س ڒْحَقّ مَامّش يخس أَربِّـي أَ نْعِيش.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:14

أُو مڒَا يَارَّا-د لْحَاكم ڒخْبَار، أَ نمْسفْهَام اَكِذس اَكنِّيو نسْبعّذ خ لْمُشْكِلَا-يَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 6:24

وَار يزمَّر شَان يِجّن اَذ يِيڒِي ذ اَخدَّام غَار ثْنَاين ن سِيَاذِيس. مَايمِّي؟ إِمَا يجّن اَث يعِيفّ، ئِجّن اَث يخس. نِغ يجّن اَذَايس يطّف، ئِجّن اَث يحݣَّر. أَذ تْخذْمم إِ أَربِّـي نِغ اَذ تْخذْمم إِ ڒوْسخ ن دُّنشْت-أَ، وَار يدْجِي بُو س ثْنَاين.

ڒخذايم 12:20

تُوْغَا يغْضب خ يمزْذَاغ ن ثنْدِينْت ن صُوْرْ ذ ثنْدِينْت ن صَيْدَا. كَّرن يمزْذَاغ نِّي رزُّوْن اَذ مصْڒَاحن اَك وزدْجِيذ هِيرُدُوْس لِأَنَّا لْمَكْلَا نْسن تكّ-د زِي ثْمُوْرْث ن وزدْجِيذ. تَّارن-اَس مَانَايَا وَامِي رُوْحن مسْفهَامن اَك بْلَاسْتُوْس يدْجَان نتَّا ذ نَائِب ن هِيرُدُوْس.

ڒخذايم 5:29

ئِنْدق-د اَرَّسُوْل بُطْرُس ذ اَرُّسُل نّغْنِي نَّان-اَسن: "ئِتْخصَّا-يَانغ أَ نْطَاع إِ أَربِّـي مَاشِي إِ يِوْذَان!

أيث-روما 1:1

نش ذ بُوْلُس اَخدَّام ن عِيْسَى لْمَسِيح، يݣَّا-ٱيِي-د أَربِّـي اَذ يڒِيغ ذ اَرَّسُوْل. تْوَاخْضَرغ حمَا ٱذ خْبَرغ س لْإِنْجِيل ن أَربِّـي،

أيث-روما 2:29

وَلَكِن اَئِسْرَائِيلِي يدْجَان ذ صَّح يتِيڒِي غَارس مَانَايَا غَار ذَاخڒ. أُو ذ طَّهَارث ن صَّح تِيڒِي ذݣ وُوْڒ س أَرُّوح ن أَربِّـي، وَار يدْجِي بُو س شَّرِيعَا. بْنَاذم-أَ وَار ث تْشكَّرن شَا يِوْذَان، ئِتْشكَّر-يث أَربِّـي.

أيث-روما 2:8

وَلَكِن اَغَارْسن يِيڒِي لْحِسَاب ذ لْعِقَاب غَار يِنِّي يرزُّوْن إِ يِيخف نْسن وَاهَا ذ يِنِّي وَار يتْطِيعِين شَا إِ لْحَقِيقَا ذفَّارن مِين وَار يدْجِين شَا نِيشَان.

1 أيث-كورينث 10:33

نش رزُّوْغ اَذ سَارْضِيغ مَارَّا يوْذَان ذِي مَارَّا مِين تݣّغ. وَار رزُّوْغ شَا ڒْخِير إِ يِيخف ينُو، رزُّوْغ-ث إِ مَارَّا يوْذَان بَاش اَذ نجْمن.

22 أيث-كورينث 12:19

مشْحَاڒ زݣ وَامِي ثْنوَّام زَعْمَا نْدَافع خ يِيخف نّغ زَّاثْوم وَاهَا؟ لَّا آي يمْعِيزّن ينُو، نسَّاوَاڒ مَارَّا مَانَايَا ذِي لْمَسِيح زَّاث إِ أَربِّـي بَاش اَكنِّيو نْسجْهذ.

أيث-ؤفسوس 6:6

طَاعم-اَسن مَاشِي غِير خْمِي ذَاوم تْبدَّان غَار وزدْجِيف وَاهَا اَذَاسن ثْعجْبم؛ لَّا، أَذ تِيڒِيم اَم يسمْغَان ن لْمَسِيح اَذ تݣّم س ڒْخَاضَر نْوم مِين يخس أَربِّـي.

أيث-فيليـپـي 1:1

نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

أيث-كولوس 3:22

آي يسمْغَان، طَاعث إِ أَيثْبَاب نْوم ن دُّنشْت-أَ ذِي مَارَّا ثِمسْڒَايِين. طَاعم-اَسن مَاشِي غِير خْمِي ذَاوم تْبدَّان غَار وزدْجِيف وَاهَا حمَا اَذَاسن تْعجْبم؛ لَّا، طَاعم-اَسن س ڒْخَاضَر نْوم اَكِذْوم ثِيڒِي يجّن ن ثِيݣّْوْذِي ذِي سِيذِيثْنغ.

1 أيث-سلونيك 2:4

لَّا، ئِضْبع-اَنغ أَربِّـي يكلّف-اَنغ خ وَاوَاڒن-أَ يدْجَان ذِي لْإِنْجِيل. زِي مَانَايَا نسَّاوَاڒ بَاش اَخَانغ يَارْضَا أَربِّـي مَاشِي اَخَانغ اَرْضَان يِوْذَان مِينْزِي ذ نتَّا إِݣ يدْجَان ذ ونِّي يتْميَّازن مِين غَارْنغ ذݣ وُوْڒَاون نّغ.

ثبرات غار يعقوب 4:4

آ يِنِّي يخدّْعن، كنِّيو مَا وَار ثسِّينم شَا بلِّي ونِّي يتخْسن دُّنشْت-أَ ذ ونِّي ذ ڒْعَذُو ن أَربِّـي؟ وَاه، ونِّي يخْضَرن دُّنشْت-أَ قَا نتَّا نِيشَان ذ ڒْعَذُو ن أَربِّـي.

1 يوحنا 3:9

ونِّي د يخڒْقن زِي أَربِّـي وَار يقِّيم شَا يسْخدَّام ڒْمُعْصِيَاث ڒَاحقَّاش ثَقُّوْشْت ن أَربِّـي ثْزدّغ ذَايس. وَار يزمَّر شَا اَذ يقِّيم ذِي ڒْمُعْصِيَاث ڒَاحقَّاش يخْڒق-د زِي أَربِّـي.