أيث-ؤفسوس 6:13 - ثريفيث 2020

¹³ س مَانَايَا يْسِيث غَارْوم مَارَّا ڒسْنَاح ن أَربِّـي بَاش وَار تْركّْوِيڒم شَا ذِي نْهَار ن شَّرّْ. أُو مڒَا ثݣِّيم مَانَايَا مَارَّا، أَتَاف اَذ تْبدّم.

أيث-ؤفسوس 6:13 ပူးပေါင်းရင်းမြစ်များ

لوقا 21:36

حْضَاث، ࢲَادْجم ذِي مْكُڒ ڒْوقْث حمَا اَتَاف ثْزمَّرم اَذ تْنجْمم زِي مَارَّا مِين غَا يوقْعن اَذ تْبدّم زَّاث إِ مِّيس ن بْنَاذم."

لوقا 8:13

زَّرِّيعث نِّي إِݣ يوْضَان جَار يِزْرَا نتَّاث اَم يِوْذَان إِي تسْڒَان إِ وَاوَاڒ ن أَربِّـي، قبْڒن-ث س ڒفْرَاحث. وَامِي وَار ؤُوْثِين بُو يࢲوْرَان مْلِيح ذغْيَا تْنقْڒَاعن. تَامْنن زَّايس غِير ذݣ يِجّن ن ڒْوقْث وَاهَا، ذِي ڒْوقْث ن ڒمْحَاين ذغْيَا تفّْغن اَبْرِيذ.

أيث-روما 13:12

دْجِيڒث اَقَا ثعْذُو، نْهَار اَقَا يُوْوض-د. خ مَانَايَا لَابُد أَ نكّس ڒحْوَايج ن ثَادْجسْت، أَ نݣّ اَرُّوْض ن نُّور ن ڒحْذِيذ.

22 أيث-كورينث 10:4

ڒسْنَاح نّغ مَاشِي اَم ونِّي إِݣ يسْخدَّام بْنَاذم، غَارْنغ يجّن ن ڒسْنَاح نّغ زِي سِيذِي أَربِّـي زَّايس إِي نتْرزَّا يمُوْشَان يجهْذن.

أيث-ؤفسوس 5:16

سْتَغلَّام ڒْوقْث نْوم مْلِيح لِأَنَّا نْهُوْرَاث-أَ ذ يعفَّانن.

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

ثبرات غار يعقوب 4:7

س مَانَايَا طَاعث إِ أَربِّـي. عَرّْضث إِ إِبْڒِيس، أَزَّايْوم يَرْوڒ.

1 بطرس 4:1

فَا عِيْسَى لْمَسِيح يتْوَاعدّب ذِي دَّات نّس. خ مَانَايَا عَاوذ كنِّيو اَذ تسْجهْذم يخف نْوم س اَرَّاي نِّي نّس. مَايمِّي؟ مڒَا ثتْوَاعدّْبم ذِي دَّات نْوم، صَافِي ثْبعّْذم عَاوذ خ ڒْمُعْصِيّث.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

لواحي ن يوحنا 6:17

أَقَا يُوْسَا-د لْيَوْم اَمقّْرَان ن لْعِقَاب نْسن، ؤُݣ يزمَّرن اَذ يبدّ؟"