أيث-ؤفسوس 5:9 - ثريفيث 2020

⁹ أَقَا نُّوْر يتَارو-د مِين يدْجَان ذ اَصبْحَان ذ مِين يدْجَان نِيشَان ذ مِين يدْجَان ذ لْحَقِيقَا.

أيث-ؤفسوس 5:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:8

مڒَا ثْتُوْبم ذ صَّح، ݣّث ڒخْذَايم ثِصبْحَانِين.

يوحنا 1:47

عِيْسَى يࢲْرَا نَاثْنَاهِيل يݣُّوْر-د غَارس ينَّا: "وَانِيتَا نِيشَان زِي أَيث-إِسْرَائِيل، وَار ذَايِس بُو يخَارْوِيضن."

أيث-روما 15:14

آي اَيثْمَا، نش مْتيّْقن بلِّي كنِّيو ثشُّوْرم س ڒْخِير ذ مَارَّا ثُوْسْنَا، ثْزمَّرم اَذ تسْڒمْذم اَيَاوْيَا.

أيث-روما 2:4

نِغ ثْسحْقَارذ لْحَنَانَا يمْغَارن ن أَربِّـي ذ صّْبَر نّس ذ ڒْخَاضَر إِي غَارس؟ مَا وَار ثْسِّينذ أَربِّـي س لْحَنَانَا نّس يرزُّو اَش د يسْبيّن اَبْرِيذ بَاش اَذ تُوْبذ؟

أيث-ؤفسوس 4:15

لَّا، إِنَّمَا، نشِّين خْمِي نسَّاوَاڒ ڒْحَقّ س ڒمْحِبّث لَابُد أَ نمْغر س كُڒ اَبْرِيذ أَ نِيڒِي اَم نتَّا ذ اَزدْجِيف نِّي يتْرَايَّان خَانغ يعْنِي لْمَسِيح.

أيث-ؤفسوس 4:25

إِذن لَابُد كُڒ يجّن زَّايْوم اَذ يبعّذ زݣ يخرِّيقن اَذ يسِّيوڒ س ڒْحَقّ اَك وَاجَّار نّس لِأَنَّا نشِّين مَارَّا ذ يجّن ن جْمَاعث إِي ندْجَا.

أيث-ؤفسوس 6:14

بدّم بَعْدَا نِيشَان، حزّْمم اَحزَّام نِّي ن لْحَقِيقَا إِي تݣّم ذِي نّصّ. ݣّم عَاوذ ثْجِيلِيت نِّي ن ڒحْذِيذ ن ڒْحَقّ.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-كولوس 3:18

آ ثِمْغَارِين، طَاعنْت إِ يرْيَازن نْكنْت مِينْزِي مَانَايَا إِݣ يدْجَان ذ لْمَعْقُوْل زِي أَربِّـي.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

يعيبرانيين 1:8

وَلَكِن خ مِّيس يقَّار ذِي لْكِتَاب: <آي أَربِّـي، ڒْعَرْش نّش اَذ يدُوْم إِ ڒبْدَا ن ڒبْدَاث، ڒْحَقّ اَذ يِيڒِي ذ ثَغْرِيث ن ڒحْكَام نّش.

يعيبرانيين 11:33

س لْإِيمَان كَّرن نِثْنِي ربْحن لْممْلَاكَاث، حكْمن س ڒْحَقّ، حرْثن خ لْوُعُوْد، بلّْعن يقمُّوْمن ن سْبُوْعَاث،

1 يوحنا 2:29

خْمِي غَا ثسّْنم بلِّي نتَّا نِيْشَان إِݣ يدْجَا، أَتَاف اَذَايْوم ثِيڒِي تِّقث بلِّي بْنَاذم إِݣ يسْخدَّامن مِين يدْجَان نِيْشَان نتَّا يخْڒق-د زَّايس.

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.