أيث-ؤفسوس 5:3 - ثريفيث 2020

³ وَا لَابُد وَار يتِيڒِي وَالُو جَارَاوم زِي لْفَسَاد نِغ ذ مِين يسخْنِيزن نِغ ذ طّْمَع ڒَاحقَّاش مَانَايَا مَاشِي مَعْقُوْل إِ صَّالِحِين.

أيث-ؤفسوس 5:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:19

ڒَاحقَّاش زݣ وُوْڒ إِي زِي د تكَّانْت لْأَفْكَار ثِعفَّانِين ذ ثْمنْغِيْوْث ذ زّْنَا ذ لْفَسَاد ذ ثُوْكَّارْذَا ذ ࢲُّوْر ذ ڒْبَاطڒ.

لوقا 12:15

ينَّا-ٱسن: "حْضَام يخف نْوم، بعّْذث خ طّْمَع مِينْزِي ثُوْذَارْث ن بْنَاذم وَار تِيڒِي شَا س وَاطَّاس ن وَاݣْڒَا."

لوقا 16:14

ڒْحِزب ن يفَرِّيسِيْين نِثْنِي زݣ يِنِّي يتخْسن تْمنْيَاث، وَامِي سْڒِين إِ مَارَّا مَانَايَا ضحْشن خَاس.

ڒخذايم 15:20

وَلَكِن اَذَاسن نَارِي ثَبْرَات-أَ حمَا اَذ بعّْذن خ لْمَكْلَا يتْوَاقدّْمن إِ لْأَصْنَام ذ لْفَسَاد ذ مِين يتْوَاجيّْفن ذ يذَامّن.

ڒخذايم 20:33

نش عمَّارص وَار ضْمِيْعغ إِ يِيخف ينُو شَان ن دّْهب نِغ ذ نُّقَارْث نِغ ذ اَرُّوْض ن شَان حَدّ.

أيث-روما 1:29

نِثْنِي شُّوْرن س كُڒ نُّوْع ن ڒْمُعْصِيَاث ذ شَّرّْ ذ طّْمَع ذ ڒقْبَاحث ذ ڒحْسذ. نقّن يوْذَان تْمنْغَان. شُّوْرن س ؤُغْذَار ذ مِين وَار يحْڒِين، قَّارن نَّمِيمَا.

أيث-روما 16:2

رحّْبث زَّايس عْلَاحْسَاب سِيذِيثْنغ، يعْنِي يجّن ن ورحّب إِي سْذَاهدْجن ڒْمُوْمِنِين صَّالِحِين. عَاوْنم-ت ذِي مَارَّا مِين تحْذَاج زَّايْوم ڒَاحقَّاش نتَّاث تْعَاوَان اَطَّاس ن يِوْذَان، تْعَاوَان-اَيِي ؤُڒَا ذ نش.

أيث-روما 6:13

وَار تْقدَّامث ؤُڒَا ذ يجّن ن طَّارْف زِي دَّات نْوم إِ ڒْمُعْصِيّث اَذ تݣّ شَّرّْ س دَّات نْوم. قدّْمث يخف نْوم إِ أَربِّـي اَم يِوْذَان زَعْمَا إِي د يكَّرن زݣ يمتِّينن غَار ثُوْذَارْث. قدّْمث كُڒ طَّارْف زِي دَّات نْوم حمَا ٱزَّايس يتْوَاݣّ مِين يدْجَان نِيشَان.

1 أيث-كورينث 10:8

ئِتْخصَّا وَار نْفسّذ شَا مَامّش ݣِّين ڒبْعَاض زَّايْسن، مُّوْثن وْضَان غَار ثْمُوْرْث شَان ثْڒَاثَا أُو عِشْرِين اَڒَاف زَّايْسن ذݣ يِجّن ن نْهَار.

1 أيث-كورينث 5:1

ئِفّغ-د يجّن ن ڒخْبَار بلِّي ذِنِّي يجّن ن نُّوْع ن لْفَسَاد جَارَاوم وَار خَاس صبَّرن شَا وَاخَّا ذ لْكُفَّار! ئِجّن ن ورْيَاز غَارس ثَمْغَارْث ن بَابَاس.

1 أيث-كورينث 6:13

أَذ يِينِي يجّن: "إِيوَا لْمَكْلَا ن وعدِّيس، أَعدِّيس ن لْمَكْلَا." وَلَكِن أَربِّـي اَثن يهْذم س ثْنَاين إِذْسن. دَّات مَاشِي ن لْفَسَاد، دَّات نتَّاث ن سِيذِيثْنغ. أُو سِيذِيثْنغ يتْذبَّر إِ دَّات.

1 أيث-كورينث 6:18

اَروْڒث زِي لْفَسَاد. كُڒ ڒْمُعْصِيّث نّغْنِي إِݣ يتݣّ بْنَاذم اَذ تِيڒِي غَار بَارَّا ن دَّات نّس. ونِّي يتݣّن لْفَسَاد يعصَّا دَّات نّس نِّيث.

22 أيث-كورينث 12:21

ݣّْوْذغ اَغَارْوم د عقْبغ اَذ سذْحِيغ زِي أَربِّـي ينُو اَذ رُوْغ اَطَّاس خ يِنِّي إِݣ يعْصَان زِي قْبڒ، عَاذ وَار تُوْبن شَا زݣ ؤُفلّس ذ لْفَسَاد ذ ڒقْبَاحث إِ تُوْغَا تݣّن.

أيث-ؤفسوس 5:12

يِنِّي وَار يتْطِيعِين شَا. مڒَا نسِّيوڒ خَاسن يجّن ن وَاوَاڒ وَاهَا خ مِين تݣّن س ثْنُوْفْرَا اَتَاف أَ نسذْحَا.

أيث-ؤفسوس 5:5

لِأَنَّا ونِّي يتݣّن لْفَسَاد نِغ ذ مِين يسخْنِيزن نِغ ذ مِين يسظْمَاعن، يعْنِي نتَّا ذ ونِّي يعبّْذن لْأَصْنَام، أَقَا تسّْنم بْڒَا شّكّ بلِّي مَارَّا يِنِّي يتݣّن مَانَايَا وَار غَارْسن بُو لْوَارث ذِي ڒْمُلْك ن لْمَسِيح نِغ ذِي أَربِّـي.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

1 أيث-سلونيك 4:3

أَقَا ڒْخَاضَر ن أَربِّـي يتْخصَّا-كنِّيو اَذ تِيڒِيم ثصْفَام اَذ تْبعّْذم زِي لْفَسَاد.

1 أيث-سلونيك 4:7

مِينْزِي أَربِّـي وَار ذَانغ د يڒَاغِي شَا بَاش أَ نْعِيش ذِي مِين يخنْزن؛ لَّا، ئِڒَاغَا-يَانغ-د أَ نْعِيش ذِي مِين يصْفَان.

1 تيموتاوس 2:10

لَّا، أَذ صَارنْت يخف نْسنْت س لْحَسَانَاث إِݣ يدْجَان لَابُد ذِي ثمْغَارِين نِّي يقَّارن قَا نشِّين نْعبّذ أَربِّـي.

1 تيموتاوس 3:3

ئِتْخصَّا وَار يتݣّ شَا لْمَدلَّا ن سّكْرَا، وَار يشِّيث شَا اَذ يِيڒِي تْرَانْكِيڒ. ئِتْخصَّا وَار يتْمنْغِي شَا س وَاوَاڒ، وَار يظمّع شَا ذِي تْمنْيَاث.

1 تيموتاوس 6:10

لِأَنَّا ڒمْحِبّث ن تْمنْيَاث نتَّا ذ لْأَصل ن وَاطَّاس ن لْأَنْوَاع ن شَّرّْ. ڒبْعَاض ن يِوْذَان إِݣ يتخْسن تْمنْيَاث اَقَا فّْغن اَبْرِيذ سْنُوْقُّوْبن يخف نْسن س وَاطَّاس ن ڒحْرِيقَاث.

2 تيموتاوس 3:2

قَا يوْذَان اَذ تخْسن يخف نْسن، أَذ تخْسن تْمنْيَاث، أَذَايْسن يِيڒِي تَّكبُّر، أَذ سمْغَارن يخف نْسن، أَذ سِّيوْڒن اَوَاڒ وَار يحْڒِين خ أَربِّـي. وَار تْطِيعِين شَا إِ لْوَالِدِين نْسن، وَار تْشكَّرن حَدّ، وَار تِيڒِين شَا صْفَان،

ثبرات غار تيتوس 1:11

يِيْنَا اَقمُّوْم نْسن يتْخصَّا-يَاسن اَذَاسن يتْوَاقّن. نِثْنِي مشْحَاڒ ن لْعَائِلَاث كمْڒنْت إِي سْپَـرْذْڒن وَامِي ذَاسن سڒْمَاذن ثِمسْڒَايِين يتْخصَّا-يَاسن وَار ذَاسن ثنْت سڒْمِيذن شَا، نِثْنِي ضمّْعن ذِي تْمنْيَاث وَاهَا.

ثبرات غار تيتوس 1:7

أَقَا اَرَّايس ن جْمَاعث يتْكلَّاف نتَّا س لْمسْؤُلِيَا زِي أَربِّـي أُو لَابُد اَذ يِيڒِي بْڒَا ڒْعِيب، وَار ذَايس يتِيڒِي بُو تَّكبُّر، وَار يتْعصِّيب شَا ذغْيَا، وَار يسكَّر شَا س شّْرب، وَار يشِّيث شَا، وَار يضمّع شَا ذِي تْمنْيَاث.

ثبرات غار تيتوس 2:3

ثِنِّي يمْغَارن عَاوذ اَذ عِيشّنْت عْلَاحْسَاب لْإِيمَان، وَار ذَايْسنْت تِيڒِي بُو نَّمِيمَا، وَار تبْلِيْيِينْت شَا اَطَّاس س بِينُو. أَذ سْڒمْذنْت مِين يدْجَان ذ اَصبْحَان.

يعيبرانيين 12:16

أَرّم-د ڒْبَاڒ نْوم بَاش وَار يتݣّ شَان يِجّن زَّايْوم لْفَسَاد، نِغ شَان يِجّن وَار غَارس يتِيڒِي بُو أَربِّـي اَم عَسُو نِّي يرُوْح نتَّا يزّنْز ڒْحَقّ نّس زِي لْبَرَكَا ن بَابَاس خ يِجّن ن طّبْصِي ن لْمَكْلَا.

1 بطرس 5:2

اَروْسث ثْحِيْمرْث نِّي ن أَربِّـي إِي خف كنِّيو يتْكلَّاف نتَّا. حْضَام-تث س ڒْخَاضَر نْوم مَاشِي س يِجّن ن بزّز إِي خَاوم تݣّن مِينْزِي اَمُّو إِي يخس أَربِّـي. مَاشِي س طّْمَع ن ڒفْضِيحث، لَّا س وُوْڒَاون نْوم.

2 بطرس 2:10

خَاصَّتَان يِنِّي يݣُّوْرن ذݣ وبْرِيذ ن شّهْوث إِݣ يسخْنِيزن بْنَاذم ذ يِنِّي يتْسحْقَارن سُّلْطَا. ئِثَرَّاسن-أَ ذَايْسن زْعَامث ن تَّكبُّر، وَار تݣّْوْذن شَا اَذ ينِين اَوَاڒن وَار يحْڒِين خ لْمخْلُوْقَاث ن وجنَّا.

2 بطرس 2:14

ثِيطَّاوِين نْسن غِير خزَّرنْت ذِي زّْنَا، وَار تْجِيْوِيننْت شَا س ڒْمُعْصِيَاث. نِثْنِي تْحدْجَاقن-د يِنِّي وَار يتجْهِيذن شَا ذِي لْإِيمَان، ؤُوْڒَاون نْسن تْرِينَارن ذِي طّْمَع. نِثْنِي ذ ثَارْوَا ن نَّعْڒث.

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

لواحي ن يوحنا 2:14

وَلَكِن عيّْبغ خَاش شَان ثْمسْڒَايِين وَامِي اَكِذش شَان يوْذَان إِي تْبَاعن تَّعْلِيم ن بَلْعَام. نتَّا تُوْغَا يسْڒمَاذ-اَس إ بَارَاك مَامّش غا يݣّ ثَخْشبْث إِ اَيث-إِسْرَائِيل بَاش اَذ شّن دْبِيحث يتْقدَّامن إِ لْأَصْنَام اَذ فسْذن.

لواحي ن يوحنا 2:21

ؤُشِيغ-اَس ڒْوقْث اَذ تْتُوْب زِي لْفَسَاد نّس، وَلَكِن ثُوْݣِي اَذ تْتُوْب.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.

لواحي ن يوحنا 9:21

وَار تُوْبن شَا وَامِي نْغِين يوْذَان نِغ وَامِي ݣِّين سّْحُوْر ذ لْفَسَاد ذ ثُوْكَّارْدَا.