أيث-ؤفسوس 5:25 - ثريفيث 2020

^25-26 آي يرْيَازن، حِبّم ثِمْغَارِين نْوم مَامّش يحِبّ لْمَسِيح جْمَاعث ن ڒْمُوْمِنِين يصدّق خَاس يخف نّس حمَا اَت يسِّيصْفَا. يَارِّي-ت ذ ثَمنْقَاوِيث وَامِي ت يسِيرذ س وَامَان ذ وَاوَاڒ نّس.

أيث-ؤفسوس 5:25 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

يوحنا 6:51

أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

أيث-ݣلاطيا 1:4

لْمَسِيح يصدّق يخف نّس خ ڒْمُعْصِيّث نّغ س ڒْخَاضَر ن أَربِّـي بَابَاثْنغ حمَا اَذَانغ يسنْجم زِي زْمَان-أَ اَعفَّان إِي ذِي ندْجَا.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-ؤفسوس 5:24

أُو مَامّش ثْطَاعَا جْمَاعث ن ڒْمُوْمِنِين إِ لْمَسِيح، أَمنِّي إِي غَا طَاعنْت ثمْغَارِين إِ يرْيَازن نْسنْت ذِي مَارَّا.

أيث-ؤفسوس 5:28

أَمنِّي كِيف-كِيف لَابُد يرْيَازن اَذ حِبّن ثِمْغَارِين نْسن مَامش تْحِبَّان دَّات نْسن. ونِّي يتْحِبَّان ثَمْغَارْث نّس ذ يخف نّس إِي يتْحِبَّا.

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

أيث-كولوس 3:19

آي يرْيَازن، حِبّم ثِمْغَارِين نْوم وَار يدْجِي اَكِسنْت تْوَاقْسْحم.

1 تيموتاوس 2:6

نتَّا يصدّق ثُوْذَارْث نّس ذ يجّن ن لْفِدْيَا بَاش اَزَّايس يسنْجم مَارَّا يوْذَان، مَانَايَا اَذ يتْوَاشْهذ ذِي ڒْوقْث نّس.

1 بطرس 3:7

آي يرْيَازن، أَمنِّي يتْخصَّا-يَاوم اَذ تݣّم عَاوذ، أَذ تْعِيشم اَك ثمْغَارِين نْوم س يِجّن ن ڒفْهَامث جَارَاوم. ؤُشم-اَس لْقِيمَا إِ ثمْغَارْث يدْجَان نتَّاث اَم ثْغرَّافْث يتْرزَّان ذغْيَا مِينْزِي ذ نِثنْتِي يتْوَارَّاثن اَكِذْوم لْبَرَكَا ن ثُوْذَارْث. حمَا وَار ذِنِّي تِيڒِي بُو شَان ن ڒْحَاجث اَذ ترز ثْࢲَادْجِيث نْوم.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.