أيث-ؤفسوس 5:18 - ثريفيث 2020

¹⁸ وَار سْكَرث شَا س شْرب إِݣ يتَاوِين غَار لْمَدلَّا ن سّكْرَا؛ لَّا، شَّارم س أَرُّوْح يقدّْسن.

أيث-ؤفسوس 5:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:25

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! كنِّيو ثْسِيرِيذم مْلِيح ڒْكَاس ذ طبْصِي غَار بَارَّا، وَلَكِن غَار ذَاخڒ اَقَا شُّوْرن س ثُوْكَّارْذَا ذ طّْمَع!

أَسڒْمذ ن سِيذِيثْنغ عِيْسَى لْكِتَاب ن مَتَّى 24:49

أَتَاف اَذ يبْذَا يشَّاث يخدَّامن اَذ يشّ اَذ يسو اَذ يِيڒِي اَك يسْكَايْرِيْين وَاهَا.

لوقا 1:15

مِينْزِي اَذ يِيڒي ذ اَمقّْرَان غَار سِيذِي أَربِّـي. أَذ تِيڒِي لَابُد عمَّارْص اَذ يسو اَمَان ن وضِيڒ نِغ ذ وَامَان ن يمنْدِي. أَذ يِيڒِي يعمَّر س اَرُّوح يقدّْسن حتَّا ذݣ وعدِّيس ن يمَّاس.

لوقا 11:13

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار، يعْنِي يتِيشّ أَرُّوْح يقدّْسن إِ يِنِّي ذَاس ث يتتَّارن."

لوقا 12:45

وَلَكِن اَوقَّاف نِّي مڒَا ينوَّا ذݣ يِيخف نّس يقَّار: سِيذِي يتْعطَّاڒ اَطَّاس وَار د يتِيس شَا، ثُمَّا اَذ يبْذَا يشَّاث يخدَّامن ذ ثْخدَّامِين يتتّ يسسّ اَقَاث اَك يسْكَايْرِيْين وَاهَا،

لوقا 21:34

مَا ثخْسم اَذ تشّم ؤُڒ نْوم؟ حْضَاث يخف نْوم زِي لْمَدّْلَا ن سّكْرَا ذ وَاطَّاس ن شّْرب ذ ڒهْمُوْم ن دُّنشْت-أَ. قَا اَذ د يَاس نْهَار نِّي اَنݣَّارُو عْلَاغَفْلَا اَم يِجّن ن ثخْشفْث.

يوحنا 2:10

ينَّا-ٱس: "عَدَتَان ذݣ ومزْوَارُو يوْذَان تِيشّن-اَسن إِ ينوْجِيْون اَمَان ن وضِيڒ يصبْحَانن. خْمِي تِيڒِي سْوِين زَّايْسن اَطَّاس، ذِي ڒْوقْث نِّي إِي ذَاسن تِيشّن اَمَان ن وضِيڒ عَادِي. شك لَّا، ثْخمّْڒذ اَمَان ن وضِيڒ يصبْحَانن اَڒ ڒخُّو."

ڒخذايم 11:24

بَرْنَابَا نتَّا ذ يجّن ن ورْيَاز ذ اَصبْحَان يشُّوْر س أَرُّوْح يقدّْسن يتَامن اَطَّاس، خَربِّي ن يِوْذَان ؤُمْنن زِي سِيذِيثْنغ.

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

1 أيث-كورينث 11:21

مَايمِّي؟ لِأَنَّا كُڒ يجّن مِين يتݣّ: ئِجّن يتْرَاح يتتّ وَاهَا بْڒَا مَا ٱذ يرَاجَا ونِّي نّغْنِي، ئِجّن يدْجُوْز، ئِجّن يسسّ اَطَّاس ن وَامَان وضِيڒ.

1 أيث-كورينث 5:11

لَّا، وَلَكِن ڒخُّو نش ؤُرِيغ-اَوم-د بَاش وَار تْعَشَارم شَا ڒْمُوْمن ونِّي يقَّارن قَا نش ذ ؤُمَاش وَلَكِن نتَّا يتݣّ لْفَسَاد نِغ ذ اَضمَّاع نِغ يعبّذ لْأَصْنَام نِغ يقَّار ڒْبَاطڒ نِغ يسسّ اَطَّاس ن شّْرب نِغ ذ اَغشَّاش. ئِجّن اَم وَانِيتَا، وَار تتّم شَا اَكِذس قَاع.

1 أيث-كورينث 6:10

ذ يشفَّارن، ذ يضمَّاعن، ذ يِنِّي يسسّن اَطَّاس ن شّْرب، ذ يِنِّي يقَّارن ڒْبَاطڒ، ذ يغشَّاشن وَار تْوَارَاثن شَا ڒْمُلْك ن أَربِّـي.

1 أيث-سلونيك 5:7

شُوْف، يِنِّي يتطّْصن، تطّْصن س دْجِيڒث. يِنِّي يتْغلَّان س شّْرب، تْغلَّان س دْجِيڒث.

ثبرات غار تيتوس 1:6

أَمقّْرَان-أَ مَاشِي اَذ يِيڒِي ذ يجّن ن بْنَاذم تْعيَّابن-ث يِوْذَان. أَغَارس ثِيڒِي يجّن ن ثمْغَارْث وَاهَا اَذ يڒِين يحنْجِيرن نّس ذ ڒْمُوْمِنِين. مَاشِي اَخَاسن ينِين يِوْذَان تݣّن لْمَدلَّا ن سّكْرَا نِغ وَار تْسذْحِين شَا.