أيث-ؤفسوس 5:15 - ثريفيث 2020

¹⁵ إِذن فَا، رَجْعَاث يخف نْوم خْزَرث مَامّش إِي غَا ثْعِيشم. مَاشِي اَذ تْعِيشم اَم يِنِّي إِي ذِي ثدْجَا ڒقْفَاڒث؛ لَّا، عِيشم اَم يِنِّي إِي ذِي ثدْجَا ڒفْهَامث.

أيث-ؤفسوس 5:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:16

نش اَقَا سّكِّيغ-كنِّيو اَمشْنَاو يحُوْڒِيْين جَار وُوْشَّانن. إِڒِيم ثْفَاقم اَمشْنَاو يفِيغرَان، إِڒِيم ذ نِّيّث اَمشْنَاو يذْبِيرن.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:2

خمْسَا إِذْسنْت ذ ثِفْغَاڒ، خمْسَا إِذْسنْت ذ ثِيمِيغِيسِين.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:24

وَامِي يُوْفَا بِيلَاطُس بلِّي وَار يقْضِي وَالُو اَرْنِين ذِي لْفَوْضَا، ييْسِي اَمَان يسِيرذ يفَاسّن نّس زَّاث إِ ڒْغَاشِي نِّي ينَّا-ٱسن: "أَقَا نش تْبرِّيغ اَزدْجِيف ينُو زݣ يذَامّن ن ورْيَاز-أَ! أَقَاث خ يِيرِي نْوم!"

أَسڒْمذ ن سِيذِيثْنغ عِيْسَى لْكِتَاب ن مَتَّى 27:4

ينَّا-ٱسن: "نش عْصِيغ وَامِي سلّْمغ يجّن إِ ڒْموْث نتَّا وَار يݣِّي مِينْخف!" نَّان-اَس نِثْنِي: "ونِّي ذ شّْغڒ نّش! نشِّين، مِين ذَانغ يرُوْحن؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 8:4

ينَّا-ٱس عِيْسَى: "خْزَر، وَار تْخبَّر حَدّ." ينَّا-ٱس: "رُوْح غَار ڒفْقي سظْهَار-اَس يخف نّش. اݣّ صّذْقث نِّي إِي زِي يوصَّا مُوْسَى حمَا اَغَارْسن ثِيڒِي شْهَاذث خ مِين يوقْعن."

لوقا 24:25

ينَّا-ٱسن عِيْسَى: "آ يِنِّي وَار يفْهِيمن شَا! آ يِنِّي وَار يتِيمْنن شَا ذغْيَا ذِي مَارَّا مِين نَّان لْأَنْبِيَا!

1 أيث-كورينث 14:20

لَّا آي اَيثْمَا، وَار تْفكَّرث شَا اَم يحنْجِيرن يمزْيَانن. إِڒِيث اَم يسيْمَان ذِي شَّرّْ؛ إِڒِيث اَم يمقّْرَانن عْلَاحْسَاب ڒَعْقڒ.

أيث-ݣلاطيا 3:1

آ أَيث-ݣَلَاطْيَا، مَا ثْبُوْهْڒِيّم نِغ؟ وِي ذَاوم يݣِّين سّْحُوْر؟ نْشرّح-اَوم مْلِيح زَّاث إِ ثِيطَّاوِين نْوم مَامّش يمُّوْث لْمَسِيح خ صَّلِيب.

أيث-ݣلاطيا 3:3

مَا ثْبُوْهْڒِيّم مْلِيح نِغ؟ كنِّيو ثبْذَام مْلِيح س ثْزمَّار ن أَرُّوْح يقدّْسن. مَا ثْرزُّوْم ڒخُّو اَذ تْكمّْڒم س ثْزمَّار نْوم ن بْنَاذم؟!

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-كولوس 1:9

خ مَانَايَا زِي نْهَار نِّي وَامِي تُوْغَا نسْڒَا نشِّين خَاوم، نتْغِيمَا نْتتَّار-اَس إِ أَربِّـي خَاوم بَاش اَذ تْعمَّرم س ثُوْسْنَا خ ڒْخَاضَر ن أَربِّـي س مَارَّا ڒْعَقڒ ذ ڒفْهَامث إِݣ يتِيشّن أَرُّوْح يقدّْسن.

أيث-كولوس 4:5

عِيشث س ڒفْهَامث اَك يِنِّي يدْجَان غَار بَارَّا نْوم وَار يُوْمِينن شَا، سْتَغلَّام ڒْوقْث نْوم مْلِيح.

1 أيث-سلونيك 5:15

أَرّم-د ڒْبَاڒ نْوم، ئِتْخصَّا ؤُڒَا ذ يجّن وَار يتْخدْجِيس شَّرّْ س شَّرّْ نّغْنِي؛ لَّا، ڒبْدَا رزُّوْث مِين يدْجَان ذ اَصبْحَان جَارَاوم ذ جَار يِوْذَان مَارَّا.

1 تيموتاوس 6:9

يِنِّي يرزُّوْن اَذ يڒِين ذ تْوَاجَر اَتَاف اَذ تْوَاغَرَّان اَذ وْضَان ذݣ يِجّن ن ثخْشبْث ذ وَاطَّاس ن شّهَاوَاث إِݣ يسْبُوْهْڒُوْين إِݣ يسفْشَاذن إِݣ يسْغرَّاقن يرْيَازن ذِي اَرّْوِينَا ذ ڒفْنَا.

يعيبرانيين 12:25

أَرّم-د ڒْبَاڒ نْوم وَار تْجِيهِيڒم شَا اَوَاڒ ن ونِّي يسَّاوَاڒن، مَايمِّي؟ لِأَنَّا أَيث-إِسْرَائِيل وَار فڒْثن شَا وَامِي جهْڒن اَوَاڒ ن ونِّي تُوْغَا ثن يوصَّان ذِي ثْمُوْرْث. أُو نشِّين عَاذ كْتَار، مڒَا نُوْݣِي أَ نْطَاع إِ ونِّي ذَانغ يوصَّان زݣ وجنَّا اَتَاف عمَّارْص أَ نفْڒث.

ثبرات غار يعقوب 3:13

مَا ٱكِذْوم ونِّي إِي ذِي ثدْجَا ڒفْهَامث ذ ثُوْسْنَا؟ ئِتْخصَّا-يَاس اَذ د يسْمظْهَار مَانَايَا س مَامّش يتْعِيش س لْمَعْقُوْل ذ لْحَسَانَاث نّس إِݣ يتݣّ اَك يِجّن ن تَّوَاضُع إِي د يتَاسن س ڒفْهَامث.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."