أيث-ؤفسوس 4:5 - ثريفيث 2020

⁵ سِيذِيثْنغ ذ يجّن، لْإِيمَان ذ يجّن، طَّهَارث س وَامَان ذ يشْتن.

أيث-ؤفسوس 4:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

ڒخذايم 10:36

ثسّْنم أَربِّـي يسّكّ-د اَوَاڒ نّس غَار أَيث-إِسْرَائِيل يتْبشَّار-يثن س لْإِنْجِيل ن ڒهْنَا س عِيْسَى لْمَسِيح، نتَّا ذ سِيذِيثْنغ ن مَارَّا يوْذَان.

ڒخذايم 2:36

إِيوَا كنِّيو يتْخصَّا اَذ تسّْنم مَارَّا أَيث-إِسْرَائِيل مبْڒَا شّكّ، قَا عِيْسَى-يَا وَانِيتَا إِي ثْصلّْبم يݣِّي-ث أَربِّـي ذ سِيذِيثْنغ ذ لْمَسِيح."

أيث-روما 3:30

لِأَنَّا أَربِّـي نتَّا ذ يجّن. ذ نتَّا إِݣ يسمْصْڒَاحن أَيث-إِسْرَائِيل اَكِذس س لإِيمَان، ذ يِنِّي وَار يدْجِين شَا زِي أَيث-إِسْرَائِيل س نّفْس لْإِيمَان.

1 أيث-كورينث 1:13

لْمَسِيح مَا ذَايس لْفِرْقَاث؟ لَّا! مَا ذ بُوْلُس يتْوَاصلّْبن خ صَّلِيب عْلَاحْسَاب كنِّيو؟ لَّا! مَا ثتْوَاطهَّارم كنِّيو س وَامَان س يِيسم ينُو بُوْلُس؟ لَّا!

1 أيث-كورينث 1:2

نتْسدْجَام خَاوم كنِّيو إِي يدْجَان ذ جْمَاعث ن ڒْمُوْمِنِين ن أَربِّـي ذِي ثنْدِينْت ن كُوْرِينْث. تْوَاسِّيصْفَام ذِي عِيْسَى لْمَسِيح، تْوَاخْضَرم بَاش اَذ تِيڒِيم ذ صَّالِحِين اَك مَارَّا يِنِّي يتْڒَاغَان خ يِيسم ن سِيذِيثْنغ عِيْسَى لْمَسِيح ذِي مَارَّا يمُوْشَان. نتَّا ذ سِيذِيثْنغ ذ سِيذِيثْسن.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.

1 أيث-كورينث 12:5

ذِنِّي لْأَنْوَاع ن لْمسْؤُلِيَاث، وَلَكِن سِيذِيثْنغ ذ يجّن.

1 أيث-كورينث 8:6

وَلَكِن نشِّين غَارْنغ يجّن ن أَربِّـي وَاحْذس، نتَّا ذ بَابَاثْنغ. زَّايس نتَّا دْجَانْت مَارَّا ثِمسْڒَايِين، نشِّين ندْجَا إِ نتَّا. عَاوذ غَارْنغ يجّن ن سِيذِيثْنغ، يعْنِي عِيْسَى لْمَسِيح. زِي نتَّا مِيزِي خڒْقنْت مَارَّا ثِمسْڒَايِين، زَّايس مِيزِي نخْڒق نشِّين.

22 أيث-كورينث 11:4

لِأَنَّا كنِّيو ثقَّارم مَعْلِيش وَاخَّا يُوْسَا-د غَارْوم يجّن يتْبشَّارن س يِجّن ن عِيْسَى نّغْنِي مْزُوَّر مَاشِي ذ ونِّي إِي خف نتْبشَّار نشِّين زِي قْبڒ. نِغ ذغْيَا ثْقبّْڒم يجّن ن اَرُّوْح نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ. نِغ ذغْيَا ثْقبّْڒم يجّن ن لْإِنْجِيل نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-ؤفسوس 4:13

أَڒ غَا نِيڒِي مَارَّا ذ يجّن ذِي لْإِيمَان أُو ذِي ثُوْسْنَا خ مِّيس ن أَربِّـي. أَڒ غَا نِيڒِي مَارَّا عَاوذ نمْغر يعْنِي ذ يرْيَازن اَم ڒَعْبَر نِّي يكْمَاڒ ن ڒْقدّْ ن لْمَسِيح.

أيث-فيليـپـي 2:11

أَذ يعْتَرف كُڒ يِيڒس اَذ يِينِي خ عِيْسَى لْمَسِيح قَا نتَّا ذ سِيذِيثْنغ اَزَّايس يسمْغَار أَربِّـي بَابَاثْنغ.

أيث-فيليـپـي 3:8

ذ صَّح حسّْبغ ثِمسْڒَايِين-أَ قَاع ذ ثَخْصَارْث خ سَّبَاب ن لْقِيمَا ثَمقّْرَانْت بَاش اَذ سّْنغ عِيْسَى لْمَسِيح نتَّا ذ سِيذِي. خ سَّبَاب نّس إِي خْصَرغ ثِمسْڒَايِين-أَ قَاعِين، حسْبغ-ثنْت ذ زّْبڒ بَاش اَذ ربْحغ عِيْسَى لْمَسِيح.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

ثبرات غار تيتوس 1:4

تَارِيغ ثَبْرَات-أَ إِ تِيتُوْس ونِّي إِي يدْجَان اَم ممِّي ذ صَّح ذِي لْإِيمَان-أَ إِي ذِي نْشَرّش. أَكِذش يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح ونِّي إِي ذَانغ يسْنجْمن.

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.

يعيبرانيين 6:6

يِيْنَا مڒَا فّْغن اَبْرِيذ، وَار يدْجِي وِي ثن د غَا يَارّن غَار تُّوْبَا. مَايمِّي؟ لِأَنَّا يِيْنَا اَذ يڒِين اَم تْصلَّابن مِّيس ن أَربِّـي عَاوذ خ صَّلِيب تْعيَّابن-ث زَّاث إِ يِوْذَان.

ثبرات غار يعقوب 2:18

ئِمْكن شَان يِجّن اَذ يِينِي: "إِيوَا شك ذَايش لْإِيمَان نّش، نش غَارِي ڒخْذَايم ينُو." نش قَّارغ: "شك سْبيّن-اَيِي-د مَامّش يݣَّا لْإِيمَان نّش بْڒَا ڒخْذَايم نّش، نش اَذَاش سْبيّْنغ مَامّش يݣَّا لْإِيمَان ينُو س ڒخْذَايم ينُو."

1 بطرس 3:21

أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

ثبرات زي يهوذا 1:20

كنِّيو آي يمْعِيزّن ينُو، بْنَاث يخف نْوم ذِي دْسَاس ن لْإِيمَان يُوْعْڒَان إِي يدْجَان ذَايْوم، ࢲَادْجم س أَرُّوْح يقدّْسن.

ثبرات زي يهوذا 1:3

آي يمْعِيزّن ينُو، تُوْغَا رْزُوْغ اَذَاوم اَرِيغ خ ؤُبْرِيذ نِّي إِي زِي نْنجّم نشِّين إِي ذِي نْشَرّش مَارَّا، وَلَكِن ؤُفِيغ أُو لَابُد اَذَاوم اَرِيغ طَّالَب-أَ حمَا اَذ تْمنْغم خ لْإِيمَان-أَ إِي زِي تْوَاكلّْفن صَّالِحِين ذݣ يِجّن ن ثْوَاڒَا إِ ڒبْدَا.