أيث-ؤفسوس 4:4 - ثريفيث 2020

⁴ جْمَاعث ذ يشْتن، أَرُّوْح يقدّْسن ذ يجّن. أَمنِّي أَربِّـي وَامِي ذَاوم د يڒَاغَا، يڒَاغَا-ٱوم-د غَار لْأَمَال ذ يجّن.

أيث-ؤفسوس 4:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

ڒخذايم 15:11

نشِّين مِين نْتَامن؟ نْتَامن بلِّي نشِّين أَ ننْجم س اَرْضَا ن سِيذِيثْنغ عِيْسَى مَامّش غَا نجْمن ؤُڒَا ذ يِنِّي وَار يدْجِين شَا زِي أَيث-إِسْرَائِيل."

أيث-روما 11:29

لِأَنَّا أَربِّـي وَار يندّم شَا خ مِين يتِيشّ نِغ خ مِين يتِيخْضَر.

1 أيث-كورينث 10:17

ذِنِّي يجّن ن ثْخبَّاسْت ن وغْرُوْم وَاحْذس، س سَّبَاب-أَ نشِّين ذ يجّن، وَاخَّا ذِنِّي اَطَّاس إِي إِذْنغ. مِينْزِي نشِّين مَارَّا إِذْنغ نْشَرّش ذݣ يِجّن ن ثْخبَّاسْت.

1 أيث-كورينث 12:20

ڒخُّو ذِنِّي اَطَّاس ن طْرُوْفَاث وَلَكِن ذِنِّي يجّن ن دَّات وَاهَا.

22 أيث-كورينث 11:4

لِأَنَّا كنِّيو ثقَّارم مَعْلِيش وَاخَّا يُوْسَا-د غَارْوم يجّن يتْبشَّارن س يِجّن ن عِيْسَى نّغْنِي مْزُوَّر مَاشِي ذ ونِّي إِي خف نتْبشَّار نشِّين زِي قْبڒ. نِغ ذغْيَا ثْقبّْڒم يجّن ن اَرُّوْح نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ. نِغ ذغْيَا ثْقبّْڒم يجّن ن لْإِنْجِيل نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ.

أيث-ؤفسوس 1:18

أَذَاوم د يُوْش يجّن ن نُّوْر إِ وُوْڒَاون نْوم بَاش اَذ تسّْنم مِين يعْنَا لْأَمَال-أَ إِي زِي ذَاوم د يڒَاغَا، ذ مِين يعْنَا وَاݣْڒَا-يَا ن لْوَارث عَظِيم ن صَّالِحِين،

أيث-ؤفسوس 2:16

أَمنِّي يسمْصْڒَاح ثْنَاين ن شُّعُوْب-أَ اَك أَربِّـي يَارِّي-ثن ذ يجّن ن شَّعْب س صَّلِيب، ئِنْغَا زَّايس لْعَدَاوَا جَارَاسن.

أيث-ؤفسوس 2:18

لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.

أيث-ؤفسوس 2:22

ذَايس عَاوذ ذِي لْمَسِيح يبنَّا-كنِّيو يجّن اَك ونّغْنِي بَاش اَذ تِيڒِيم ذ يجّن ن ثْزدِّيغْث ذَايس إِي غَا يزْذغ أَربِّـي س أَرُّوْح نّس.

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-ؤفسوس 5:30

لِأَنَّا نشِّين ذ طْرُوْفَاث ن دَّات نّس.

أيث-كولوس 1:5

لْإِيمَان-أَ ذ ڒمْحِبّث-أَ تَاسن-د زِي لْأَمَال نِّي يتْوَاخمّْڒن إِ كنِّيو ذݣ وجنَّا. تُوْغَا ثسْڒِيم خَاس ذݣ وَاوَاڒ ن ڒْحَقّ يعْنِي ذِي لْإِنْجِيل إِي غَارْوم د يُوْضن. ذِي مَارَّا دُّنشْت-أَ لْإِنْجِيل-أَ يتَارو يتمْغَار، مَامش عَاوذ يخدّم جَارَاوم زݣ وَامِي إِي ذَاس ثسْڒِيم ثْفهّْمم ذ صَّح اَرْضَا ن أَربِّـي.

أيث-كولوس 3:15

اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي.

2 أيث-سلونيك 2:16

سِيذِيثْنغ عِيْسَى س يِيخف نّس أُو عَاوذ أَربِّـي بَابَاثْنغ ونِّي إِي ذَانغ يُوْشِين س اَرْضَا نّس يجّن ن وشجّع وَار يفنِّين شَا عمَّارْص ذ يجّن ن لْأَمَال يصْبَاح، أَتَاف اَكنِّيو يشجّع س وُوْڒَاون نْوم اَثن يسجْهذ عْلَاحْسَاب ذِي كُڒ ڒْخذْمث ذ كُڒ اَوَاڒ اَصبْحَان.

1 تيموتاوس 1:1

نش ذ بُوْلُس ذ اَرَّسُوْل ن عِيْسَى لْمَسِيح س لْأَمَر ن أَربِّـي ونِّي إِي ذَانغ يسنْجَامن ذ عِيْسَى لْمَسِيح نتَّا ذ لْأَمَال نّغ.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

ثبرات غار تيتوس 3:7

حمَا أَ نْوَارث زَّايس، أَغَارْنغ يِيڒِي يجّن ن لْأَمَال ن ثُوْذَارْث ثنِّي وَار يفنِّين شَا لِأَنَّا نْمصْڒَاح اَك أَربِّـي س اَرْضَا نّس.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 يوحنا 3:3

أُو مَارَّا ونِّي غَار يدْجَا لْأَمَال-أَ اَذ يسِّيصْفَا يخف نّس اَم مَامّش يدْجَا نتَّا يصْفَا.