أيث-ؤفسوس 4:32 - ثريفيث 2020

³² تݣّث ڒْخِير اَك وَايَاوْيَا، تْحِنَّام خ وَايَاوْيَا. سمّْحم إِ وَايَاوْيَا مَامّش ذَاوم يغْفَر أَربِّـي ذِي لْمَسِيح.

أيث-ؤفسوس 4:32 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 6:12

غْفَر-اَنغ ڒْمُعْصِيَاث نّغ إِ نشِّين، مَامّش نْسمّح إِ يِنِّي إِي كِذْنغ يخطَّان.

مرقس 11:25

كنِّيو خْمِي غَا ثْبدّم اَذ تࢲَّادْجم، مڒَا غَارْوم شَا ن لْعَدَاوَا اَك شَان يِجّن سمْحم-اَس حمَا بَابَاثْوم يدْجَان ذݣ وجنَّا اَذَاوم يغْفَر دّْنُوْب نْوم.

لوقا 1:78

مِينْزِي أَربِّـي نّغ ذ اَرَحْمَان ذ اَرَحِيم، ئِفْقذ-اَنغ-د زݣ وجنَّا خْمِي ثْغدْجِي ثْفُوْشْت.

لوقا 11:4

غْفَر-اَنغ ڒْمُعْصِيَاث نّغ إِ نشِّين، مَامّش نْسمّح إِ يِنِّي إِي كِذْنغ يخطَّان. وَار ذَانغ تݣّ شَا ذِي ڒمْحَاين."

لوقا 17:4

مڒَا يخْضَا اَكِذش سبْعَا ن ثْوَاڒَاثِين ذِي نْهَار، ئِذْوڒ-د غَارك سبْعَا ن ثْوَاڒَاثِين ينَّا-ٱش نْدمّغ خ مِين خذْمغ، أَتَاف اَذَاس ثْسَامْحذ."

لوقا 6:35

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

لوقا 6:37

وَار تْعيَّابم حَدّ حمَا وَار كنِّيو يتْعيِّيب شَا أَربِّـي. وَار تْزَاوَاڒم حَدّ حمَا وَار كنِّيو يتْزَاوَاڒ شَا أَربِّـي. سمْحم إِ يِوْذَان، أَذَاوم يغْفَر أَربِّـي.

ڒخذايم 28:2

ئِبَرْبَرِيْين ن ثْمُوْرْث نِّي ݣِّين ذَايْنغ ڒْخِير اَطَّاس. رحْبن زَّايْنغ مَارَّا، شعّْڒن-اَنغ ثِمسِّي مِينْزِي تُوْغَا ثسْمض عَاوذ يشَّاث ونْࢲَار.

أيث-روما 12:10

خْسث اَيَاوْيَا اَم ثَاوْمَات. وقَّارث اَيَاوْيَا كْتَار زِي جّْهذ.

1 أيث-كورينث 13:4

ڒمْحِبّث ذَايس تِّسَاع ن ڒْخَاضَر، ذَايس يج ن لْحَنَانَا. نتَّاث وَار تفْتَخَر وَار ثْحسّذ شَا. وَار ذَايس تَّكبُّر،

22 أيث-كورينث 2:10

ونِّي ؤُمِي غَا ثْسمْحم ؤُڒَا ذ نش اَذَاس سمْحغ. مڒَا ذِنِّي شَان ڒْحَاجث اَذَاس سمْحغ، قَا سمْحغ-اَس-ت. سمْحغ-اَس عْلَاحْسَاب كنِّيو، ئِشْهذ خَاس لْمَسِيح.

22 أيث-كورينث 2:7

ڒخُّو اَذَاس ثْسمْحم عَاوْنم-ث بَاش وَار يغرّق شَا س وخيّق اَطَّاس.

22 أيث-كورينث 6:6

نتْقدَّام-اَوم يخف نّغ س صّْفَا إِي غَارْنغ ذ ڒفْهَامث ذ تَّسِيع ن ڒْخَاضَر ذ ڒْخِير ذ أَرُّوْح يقدّْسن ذ يجّن ن ڒمْحِبّث بْڒَا نِّفَاق؛

أيث-ؤفسوس 5:1

فَلِيهَذَا ݣّم مَامش يتݣّ أَربِّـي مِينْزِي كنِّيو ذ ثَارْوَا نّس يمْعِيزّن.

ثبرات غار يعقوب 5:11

أَقَا ثسّْنم يِنِّي يصْبَارن نْتحْسَاب-يثن غَارْسن سَّعْذ. كنِّيو ثسْڒِيم خ صّْبَار نِّي ن نَّبِي أَيُوْب، ثسّْنم مَامّش ث يبَرك سِيذِي أَربِّـي ذݣ ونݣَّارُو مِينْزِي سِيذِي أَربِّـي نتَّا ذ اَحْنِين ذ اَرَحِيم.

2 بطرس 1:7

أُو عَاوذ اَرْنِيم ڒْخِير جَار وَاوْمَاثن اَك طَّاعَا-يَا نْوم إِ أَربِّـي؛ أُو عَاوذ اَرْنِيم ڒمْحِبّث اَك ڒْخِير-أَ نْوم جَار وَاوْمَاثن.

1 يوحنا 1:9

وَلَكِن مڒَا نعْتَرف س ڒْمُعْصِيَاث نّغ إِ أَربِّـي، نتَّا اَقَاث نِيشَان ذَايس تِّقث، أَذَانغ يغْفَر ڒْمُعْصِيَاث نّغ اَذَانغ يسِّيصْفَا زِي مَارَّا شَّرّْ.

1 يوحنا 2:12

آ يحنْجِيرن، نش ؤُرِيغ-اَوم-د ڒَاحقَّاش ڒْمُعْصِيَاث نْوم تْوَاغْفَرنْت-اَوم س يِيْسم نّس.