أيث-ؤفسوس 4:29 - ثريفيث 2020

²⁹ وَار تجَّاث شَا اَذ د يفّغ زݣ وقمُّوْم نْوم شَان وَاوَاڒ ذ اَعفَّان. لَّا، أَذ د يفّغ زَّايس غِير اَوَاڒ اَصبْحَان ونِّي يتْشجَّاعن ذ ونِّي يتْحلَّالن بَاش اَزَّايس سْنفْعن يِنِّي ذَاس يتسْڒَان.

أيث-ؤفسوس 4:29 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:16

أَمُّو، جّث ڒْقنْدِيڒ نْوم يشعّڒ إِ يِوْذَان حمَا اَذ ࢲرن ڒخْذَايم نْوم ثِصبْحَانِين اَذ حمْذن بَابَاثْوم يدْجَان ذݣ وجنَّا.

لوقا 4:22

مَارَّا سَّاوَاڒن خَاس مْلِيح، تْعجّْبن ذݣ وَاوَاڒن يصبْحَانن إِي د يفّْغن زݣ وقمُّوْم نّس. نَّان خَاس: مَا وَار يدْجِي شَا وَانِيتَا ذ مِّيس ن يُوْسف؟

يوحنا 1:37

كَّرن ثْنَاين نِّي ن يمحْضَارن وَامِي ذَاس سْڒِين يسَّاوَاڒ خ عِيْسَى، ذْفَارن-ث.

أيث-روما 14:19

إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

أيث-روما 15:2

مْكُڒ يجّن زَّايْنغ يتْخصَّا-يَاس اَخَاس يَارْضَا وَاجَّار نّس اَكِذس يݣّ ڒْخِير حمَا اَذ يجْهذ.

1 أيث-كورينث 14:19

إِنَّمَا، مڒَا سِّيوْڒغ اَك جْمَاعث ن ڒْمُوْمِنِين غِير س خمْسَا ن وَاوَاڒن اَتَاف اَذَايِي فهّْمن حْسن زِي مڒَا سِّيوْڒغ س عشْرَاڒَاف ن وَاوَاڒن س يِجّن ن لُّغَا رُوْحِيَا.

أيث-ؤفسوس 4:12

نِثْنِي اَذ سْوجْذن إِ صَّالِحِين اَذ خذْمن شّْغڒ ن أَربِّـي بَاش جْمَاعث ن لْمَسِيح اَذ تجْهذ.

أيث-ؤفسوس 4:16

زَّايس زِي لْمَسِيح دَّات ثكْمَاڒ ن جْمَاعث ثْمُوْن اَقَات ذ يشْتن س قَاع ڒمْفَاسڒ نِّي إِي ذَايس. أُو كُڒ طَّارْف نّس مڒَا يخدّم نِيشَان اَتَاف اَذ يسمْغَار دَّات-أَ أُو س يِيخف نّس اَذ تبْنَا س ڒمْحِبّث.

أيث-كولوس 4:6

أُو لَابُد اَوَاڒ نْوم اَذ يِيڒِي ڒبْدَا يشُّوْر س اَرْضَا يمدْجْحن س ڒمْڒح بَاش اَذ تسّْنم مَامش غَا ثَارّم خ كُڒ يجّن.

1 أيث-سلونيك 5:11

فَلِيهَذَا تْشجَّاعث اَيَاوْيَا تْعَاوَانث اَيَاوْيَا مَامّش تݣّم ڒخُّو.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 بطرس 3:1

آ ثِمْغَارِين، أَمنِّي عَاوذ يتْخصَّا اَذ طَاعنْت إِ يرْيَازن نْكنْت. حمَا يِنِّي وَار يتݣّن شَا اَرَّاي إِ وَاوَاڒ ن أَربِّـي اَتَاف ثِمْغَارِين نْسن اَثن د اَرّنْت غَار ڒْمُوْمِنِين بْڒَا مَا ٱكِذْسن سِّيوْڒنْت س وَاوَاڒ غِير س ثِيْشْرِي نْسنْت أُو صَافِي.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.