أيث-ؤفسوس 4:28 - ثريفيث 2020

²⁸ ونِّي إِݣ يتَاشَارن لَابُد اَذ يبعّذ زِي ثُوْكَّارْذَا نِّي، أَذ يخْذم يجّن ن ڒْخذْمث ذ ثَصبْحَانْت س يفَاسّن نّس بَاش اَذ يعَاون زَّايس ونِّي يتحْذَاجن.

أيث-ؤفسوس 4:28 ပူးပေါင်းရင်းမြစ်များ

لوقا 19:8

ئِبدّ زَكِي ينَّا-ٱس إِ سِيذِيثْنغ: "آ سِيذِي، أَذ ؤُشغ اَزْين ن وَاݣْڒَا ينُو إِ ڒْمُسَاكِين. مڒَا شمْثغ شَان يِجّن اَذَاس اَرْنِيغ اَرْبعَا ن ثْسقَّار."

لوقا 3:8

مڒَا ثْتُوبم ذ صَّح، ݣّث ڒخْذَايم ذ ثِصبْحَانِين. مَاشَي اَذ تِينِيم ذِي نّفْس نْوم اَقَا نشِّين ذ ثَارْوَا ن بْرَاهِيم أُو صَافِي. مڒَا يخس أَربِّـي ثَارْوَا ن بْرَاهِين، أَتَاف اَذ ييْسِي يِزْرَا-يَا اَثن يَارّ ذ ثَارْوَا ن بْرَاهِيم!

يوحنا 12:6

وَامِي ينَّا اَمُّو مَاشِي زِيدْجْزن-اَس يمسْعَان؛ لَّا، نتَّا ذ اَشفَّار مْكلّف خ وشمُّوْس ن تْمنْيَاث يتَاشَار زِي مِين ذِن سْرُوْسَان.

يوحنا 13:29

تْغِيڒ-اَسن إِ ڒبْعَاض قَا ينَّا-ٱس اَذ يسغ مِين حْذَاجن ذِي ڒْعِيذ نِغ اَذ يصدّق خ يمسْعَان مِينْزِي يَهُوْذَا مْكلّف خ وشمُّوْس ن تْمنْيَاث.

أيث-روما 12:13

عَاوْنث ڒْمُوْمِنِين صَّالِحِين يِنِّي يتحْذَاجن. رحّْبث خ يِنِّي يتْسَفَارن.

1 أيث-كورينث 4:12

نشَّاث تَمَارَا، نْخدّم س يفَاسّن نّغ. مڒَا نِثْنِي تْزبَّاڒن ذَايْنغ، نشِّين نتْبَرَّاك-يثن. مڒَا نِثْنِي تْعدَّابن-اَنغ، نشِّين نْصبَّر.

22 أيث-كورينث 8:12

لِأَنَّا بْنَاذم مڒَا س ڒْخَاضَر نّس، مِين غَا يصدّق اَذ يتْوَاقْبڒ. وَلَكِن عْلَاحْسَاب مِين غَارس ذ اَݣْڒَا مَاشِي عْلَاحْسَاب مِين وَار غَارس.

22 أيث-كورينث 8:2

ثكَّا خَاسن يجّن ن ڒْمِحْنث ذ ثَمقّْرَانْت ثقْسح خَاسن اَطَّاس. وَاخَّا نِثْنِي ذ يپُـوْبْرِيثن وَار غَارْسن وَالُو وَلَكِن نِثْنِي ڒفْرَاحث نْسن ثمْغَر. زِي مَانَاينِّي إِي زِي تفّغ يجّن ن صَّذَاقَا ذ ثَمقّْرَانْت اَطَّاس.

أيث-ݣلاطيا 6:10

إِذن مڒْمِي مَا نُوْفَا لْفُرْصَا، لَابُد أَ نݣّ ڒْخِير ذِي مَارَّا يوْذَان خَصَّاتَن اَك أَيثْمَاثْنغ ذِي لْإِيمَان.

1 تيموتاوس 6:18

تْوصَّا-ثن اَذ ݣّن ڒْخِير اَذ يڒِين ذ تْوَاجَر عْلَاحْسَاب لْحَسَانَاث اَذ يڒِين صَاخِيِين اَذ يڒِين وجْذن بَاش اَذ صدّْقن اَذ ذبَّرن.

ثبرات غار تيتوس 3:14

ئِوْذَان نّغ يتْخصَّا وَار تْعِيشن شَا بْڒَا نّْفَع، ئِتْخصَّا اَذ طوّْعن يخف نْسن س لْحَسَانَاث حمَا اَذ دبَّرن إِ يِيْنَا يتحْذَاجَان.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.