أيث-ؤفسوس 4:24 - ثريفيث 2020

²⁴ اَذ تݣّم يجّن ن طَّبِيعَا ثنّغْنِي يعْنِي ذ جْذِيذ، ئِجّن ن طَّبِيعَا إِي د غَا يتْوَاخڒْقن اَمشْنَاو ونِّي ن أَربِّـي ذَايس ڒْحَقّ ذَايس مِين يصْفَان.

أيث-ؤفسوس 4:24 ပူးပေါင်းရင်းမြစ်များ

لوقا 1:75

س وُوْڒ يصْفَا ذ اَشمْڒَاڒ إِ مَارَّا ثُوْذَارْث نّغ.

يوحنا 17:17

صفَّا-ثن س لْحَقِيقَا، أَوَاڒ نّش نتَّا إِي يدْجَان ذ لْحَقِيقَا.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

أيث-روما 13:12

دْجِيڒث اَقَا ثعْذُو، نْهَار اَقَا يُوْوض-د. خ مَانَايَا لَابُد أَ نكّس ڒحْوَايج ن ثَادْجسْت، أَ نݣّ اَرُّوْض ن نُّور ن ڒحْذِيذ.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-روما 6:4

فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.

أيث-روما 7:6

وَلَكِن ڒخُّو، نشِّين نتْوَافكّ زِي شَّرِيعَا-يَا إِي ذَانغ يقّْنن، نمُّوْث-اَس إِ مَانَاينِّي. نشِّين نْعبّذ س يِجّن ن وبْرِيذ ذ جْذِيذ ن اَرُّوْح ن أَربِّـي، مَاشِي س نِّظَام نِّي اَقْذِيم إِي يُوْرِين ذِي لْكِتَاب.

أيث-روما 8:29

لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس.

1 أيث-كورينث 15:53

شُوْف، مِين يفنَّان يتْخصَّا اَذ يغْمس س مِين وَار يفنِّين، ذ مِين يتْمتَّان يتْخصَّا اَذ يغْمس س مِين وَار يتْمتِّين.

22 أيث-كورينث 3:18

ڒخُّو نشِّين اَغمْبُوْب نّغ وَار يغْمِيس س وَالُو. نتْوَاڒَا لْعَظَمَا ن سِيذِيثْنغ، نتْوَابدَّاڒ بَاش أَ نِيڒِي ذ يجّن ن صِّفث نّس س يِجّن ن لْعَظَمَا يتْمَارْنِين. مَانَايَا يتَاس-د زِي سِيذِيثْنغ إِݣ يدْجَان ذ أَرُّوْح.

22 أيث-كورينث 4:16

خ مَانَايَا نشِّين وَار نْتفْشِيڒ شَا. وَاخَّا طَّبِيعَا ن دَّات نّغ غَار بَارَّا تْرَاح، طَّبِيعَا نّغ غَار ذَاخڒ تجْهِيذ نْهَار خ نْهَار.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

أيث-ݣلاطيا 3:27

لِأَنَّا كنِّيو إِݣ يتْوَاطهَّارن س وَامَان بَاش اَذ تِيڒِيم ذِي لْمَسِيح، أَقَا ثْمُوْنم كنِّيو ذ يجّن اَكِذس.

أيث-ݣلاطيا 6:15

لِأَنَّا بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع شَا؛ لَّا، ينفّع مڒَا بْنَاذم يخْڒق-د قَاع ذ جْذِيذ.

أيث-ؤفسوس 2:10

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أيث-ؤفسوس 2:15

س دَّات نّس يسْبطّڒ شَّرِيعَا نِّي س ڒُوْصِيَاث نّس ذ لْقَوَانِين نّس بَاش اَذ يݣّ ذݣ يِيخف نّس يجّن ن شَّعْب وَاحْذس ذ جْذِيذ ذݣ ومْشَان ن ثْنَاين ن شُّعُوْب نِّي. أَمنِّي يݣَّا ڒهْنَا.

أيث-ؤفسوس 6:11

ݣّم خَاوم مَارَّا ڒسْنَاح ن أَربِّـي بَاش اَذ تسْبدّم مِين خَاوم يتْشِيطِّين إِبْڒِيس.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 1:8

وَلَكِن خ مِّيس يقَّار ذِي لْكِتَاب: <آي أَربِّـي، ڒْعَرْش نّش اَذ يدُوْم إِ ڒبْدَا ن ڒبْدَاث، ڒْحَقّ اَذ يِيڒِي ذ ثَغْرِيث ن ڒحْكَام نّش.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

1 بطرس 2:2

إِڒِيث اَم يحْضِيضن، سْغُوْيِوث خ ؤُغِي نِّي يصْفَان ن أَرُّوْح يقدّْسن بَاش اَزَّايس ثمْغَرم ذِي لْإِيمَان نْوم إِݣ يسنْجَامن.

2 بطرس 1:4

عْلَاحْسَاب ثِمسْڒَايِين-أَ نتَّا يُوْشَا-ٱنغ-د لْوُعُوْد نّس يمْغَارن إِݣ يسوَّان اَطَّاس. حمَا س لْوُعُوْد-أَ اَذ تْشَرْشم ذِي طَّبِيعَا ن ونِّي يُوْعْڒَان وَامِي ثَروْڒم زِي مِين يفنَّان ذِي دُّنشْت-أَ عْلَاحْسَاب شّهَاوَاث ثِعفَّانِين.