أيث-ؤفسوس 4:10 - ثريفيث 2020

¹⁰ وَاه، ونِّي إِي د يهْوَان ذ ونِّي س يِيخف نّس إِݣ يݣَعّْذن قَاع ذݣ وجنَّا ن يجنَّاثن بَاش اَذ يشَّار مَارَّا ثِمسْڒَايِين.)

أيث-ؤفسوس 4:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:34

أَقَا تسْڒَام ڒْحَقّ: وَار تْمتِّين يِوْذَان ن ڒْوقْث-أَ اَڒ غَا يوْقع مَارَّا مَانَايَا.

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

يوحنا 1:16

س لْبَرَكَا نّس ثَمقّْرَانْت يبَرك-اَنغ مَارَّا س اَرْضَا خ اَرْضَا.

يوحنا 19:24

نَّان إِ وَايَاوْيَا، وَار ث نتْشَارِّيݣ شَا، أَخَاس نݣّ لْقُرْعَا بَاش أَ نسّن وِي ث غَا ييْسِين. أَمُّو يكمّڒ وَاوَاڒ ن لْكِتَاب: <بْضَان اَرُّوْض ينُو جَارَاسن، ݣِّين لْقُرْعَا خ ڒغْضَا ينُو.> أُو ذ مَانَايَا إِي ݣّين ڒْعَسْكَار.

يوحنا 19:28

منْبَعْد إِ مَانَايَا يسّن عِيْسَى بلِّي كُڒْشِي يكْمّڒ، ينَّا: "أَقَايِي فُّوْذغ." س وَاوَاڒ نِّي يفّغ مِين د يُوْسِين ذِي لْكِتَاب.

يوحنا 19:36

يوْقع مَانَايَا حمَا اَذ يكمّڒ مِين د يُوْسِين ذِي لْكِتَاب: <وَار زَّايس يتْرزِّي ؤُڒَا ذ يجّن ن يِيغس.>

ڒخذايم 1:11

نَّان-اَسن: "آي يرْيَازن ن ثْمُوْرْث ن لْجَلِيل، مَايمِّي عَاذ ثْبدّم ذَانِيتَا تْخزَّرم ذݣ وجنَّا؟ قَا عِيْسَى-يَا وَانِيتَا إِي ذَاوم يتْوَارْفْعن غَار وجنَّا، مَامّش ث ثࢲْرِيم يݣَعّذ غَار وجنَّا اَمنِّي إِي د غَا يذْوڒ."

ڒخذايم 1:9

غِير يكمّڒ عِيْسَى اَوَاڒ نّس، ئِتْوَارْفع غَار وجنَّا. قِّيمن تْخزَّرن ذَايس أُوْشَا يودَّار-اَسن ذݣ وسيْنُو.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

ڒخذايم 3:18

أَمُّو يكمّڒ وَاوَاڒ نّس إِي ينَّا أَربِّـي إِ مَارَّا لْأَنْبِيَا زِي قْبڒ، يعْنِي يتْخصَّا لْمَسِيح نّس اَذ يتْوَاعدّب.

22 أيث-كورينث 12:2

ئِجّن ن ورْيَاز يدْجَان ذِي لْمَسِيح، أَقَا سّْنغ-ث ذ نش. أَرْبعْطَاش يسݣّْوُوْسَا زݣ وَامِي يتْوَاخْضف غَار وجنَّا وِيس ثْڒَاثَا. مَا يتْوَاخْضف س دَّات نِغ بْڒَا دَّات مَانَاينِّي وَار ث سِّينغ شَا نش، ئِسّن-يث إِلَّا أَربِّـي.

أيث-ؤفسوس 3:19

أَذ تسّْنم عَاوذ مْلِيح ڒمْحِبّث-أَ ثَانِيتَا ن لْمَسِيح مشْحَاڒ ثمْغر خ مَارَّا ثُوْسْنَا ذِي دُّنشْت-أَ بَاش اَذ تشَّارم س مِين يشُّوْر أَربِّـي.

أيث-كولوس 1:19

لِأَنَّا يعْجب-اَس إِ أَربِّـي اَذَايس يسزْذغ ذِي مِّيس قَاع مِين غَارس.

أيث-كولوس 2:9

لِأَنَّا لْمَسِيح مَارَّا مِين يدْجَان ن أَربِّـي يزْذغ ذِي دَّات نّس.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

يعيبرانيين 7:26

شُوْف، ئِجّن ن ڒفْقِي اَمقّْرَان اَم وَانِيتَا ذ نتَّا إِي نحْذَاج. نتَّا عَظِيم، بْڒَا ڒْعِيب، ئِصْفَا، ئِنعْزڒ زݣ يِوْذَان إِي ݣِّين ڒْمُعْصِيّث، ئِتْوَاسمْغَار يُوْعْڒَا خ يجنَّاثن.

يعيبرانيين 8:1

إِيوَا، مِين يدْجَان مُهِم ذِي مِين نقَّار؟ يعْنِي يجّن ن ڒفْقِي اَمقّْرَان اَم ونِّي إِي خف نسِّيوڒ اَقَاث غَارْنغ نشِّين. ئِقِّيم نتَّا خ وفُوْسِي ن لْعَرْش ن أَربِّـي سُبْحَانَا وَتَعَالَى ذݣ وجنَّا.