أيث-ؤفسوس 3:7 - ثريفيث 2020

⁷ ذوْڒغ ذ اَخدَّام ن لْإِنْجِيل-أَ عْلَاحْسَاب لْبَرَكَا ن أَربِّـي وَامِي ذَايِي ت يهْذَا يسخْذم-يت س جّْهذ نّس.

أيث-ؤفسوس 3:7 ပူးပေါင်းရင်းမြစ်များ

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 12:3

فَا س لْبَرَكَا إِي ذَايِي يُوْشَا أَربِّـي قَّارغ إِ مْكُڒ يجّن زَّايْوم: وَار حسّب شَا يخف نّش كْتَار زِي مِين ثعْنِيذ. شك فكَّر س ڒَعْقڒ نّش عْلَاحْسَاب مشْحَاڒ ن لإِيمَان إِي ذَاش يُوْشَا أَربِّـي.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

1 أيث-كورينث 3:5

إِيوَا مِين يعْنَا أَپُــوْلُّوْس؟ مِين يعْنَا بُوْلُس؟ نشِّين ذ يخدَّامن وَاهَا، ثُوْمْنم خ وفُوْس نّغ مَامّش ذَانغ د يُوْشَا سِيذِي أَربِّـي أَ نخْذم.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

22 أيث-كورينث 4:1

س مَانَايَا، وَار نْتفْشِيڒ شَا مِنْزِي غَارْنغ ڒْعَهذ-أَ وَانِيتَا س اَرَّحْمث ن أَربِّـي.

أيث-ݣلاطيا 2:8

مِينْزِي أَربِّـي إِݣ يسْخدَّامن تّبْشِير ن بُطْرُس اَم اَرَّسُوْل إِ أَيث-إِسْرَائِيل، ذ نتَّا إِݣ يسْخدَّامن عَاوذ تّبْشِير ينُو اَم اَرَّسُوْل إِ يِنِّي يدْجَان ذ ييُوْنَانِيْين.

أيث-ؤفسوس 1:19

ذ مِين يعْنَا جّْهذ نّس يمْغَارن بْڒَا ڒقْيَاس غَار نشِّين إِي يُوْمْنن. جّْهذ-أَ اَم ونِّي إِݣ يسخْذم أَربِّـي س لْقُوَّا نّس

أيث-ؤفسوس 3:2

مَا ثسْڒَام نِغ لَّا خ لْمسْؤُوْلِيَا نِّي، يعْنِي يجّن ن لْبَرَكَا إِي ذَايِي يُوْشَا أَربِّـي خَاوم كنِّيو؟

أيث-ؤفسوس 3:20

إِيوَا سِيذِي أَربِّـي ذ نتَّا إِي يزمَّرن اَذ يݣّ اَطَّاس س وَاطَّاس زِي مِين ذَاس نْتتَّار نِغ ذ مِين نتْخيَّال عْلَاحْسَاب جّْهذ نّس إِي يخدْمن ذَايْنغ.

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

أيث-ؤفسوس 4:16

زَّايس زِي لْمَسِيح دَّات ثكْمَاڒ ن جْمَاعث ثْمُوْن اَقَات ذ يشْتن س قَاع ڒمْفَاسڒ نِّي إِي ذَايس. أُو كُڒ طَّارْف نّس مڒَا يخدّم نِيشَان اَتَاف اَذ يسمْغَار دَّات-أَ أُو س يِيخف نّس اَذ تبْنَا س ڒمْحِبّث.

أيث-كولوس 1:29

خ مَانَايَا نش خدّْمغ، تَاحْڒغ ذِي ڒْخذْمث-أَ س مَارَّا جّْهذ نِّي ن لْمَسِيح نتَّا يسْخدَّام-اَيِي س ثْزمَّار نّس.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.