أيث-ؤفسوس 3:21 - ثريفيث 2020

²¹ أَغَارس ثِيڒِي لْعَظَمَا ذِي جْمَاعث ن ڒْمُوْمِنِين أُو عَاوذ ذِي عِيْسَى لْمَسِيح زِي لْجِيل غَار لْجِيل إِ ڒبْدَا ن ڒبْدَاث. آمِين!

أيث-ؤفسوس 3:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

لوقا 2:14

"لْعَظَمَا إِ أَربِّـي يُوْعْڒَان، ذ ڒهْنَا ن يِنِّي ذِي ثْمُوْرْث مِيخف يرْضَا."

أيث-روما 11:36

أَقَا مَارَّا يُوْسَا-د يكَّا-د زَّايس، كُلْشِي نّس. أَغَارس ثِيڒِي لْعَظَمَا إِ نتَّا إِ ڒبْدَا. آمِين.

أيث-روما 16:27

أَربِّـي وَاحْذس إِي غَار ثدْجَا لْحِكْمَا، أَغَارس ثِيڒِي لْعَظَمَا إِ نتَّا إِ ڒبْدَا ن ڒبْدَاث س عِيْسَى لْمَسِيح! آمِين.

أيث-ݣلاطيا 1:5

أَغَارس ثِيڒِي لْعَظَمَا إِ نتَّا إِ ڒبْدَا ن ڒبْدَاث. آمِين.

أيث-ؤفسوس 1:6

أَذ يتْوَابَرَك اَرْضَا نّس يمْغَارن، ئِفَرغ-يث-يذ خَانغ أَربِّـي س مِّيس يعِيزّن.

أيث-ؤفسوس 2:7

مَايمِّي؟ حمَا سِيذِي أَربِّـي ذِي زْمَانَاث إِي د غَا يَاسن اَذ د يسْمظْهَار اَݣْڒَا نّس يعْنِي اَرْضَا نّس مشْحَاڒ إِݣ يدْجَا ذ اَمقّْرَان بْڒَا ڒقْيَاس إِي ذَانغ د يسْبيّن ذِي عِيْسَى لْمَسِيح.

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-فيليـپـي 2:11

أَذ يعْتَرف كُڒ يِيڒس اَذ يِينِي خ عِيْسَى لْمَسِيح قَا نتَّا ذ سِيذِيثْنغ اَزَّايس يسمْغَار أَربِّـي بَابَاثْنغ.

أيث-فيليـپـي 4:20

لْعَظَمَا إِ أَربِّـي بَابَاثْنغ إِ ڒبْدَا ن ڒبْدَاث. آمِين.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

1 بطرس 2:5

ؤُڒَا ذ كنِّيو عَاوذ اَم شَا ن يِزْرَا يدَّرن زَّايْوم إِي ثْبنَّا يجّن ن ثدَّارْث ن أَرُّوْح يقدّْسن. حمَا اَذ تِيڒِيم كنِّيو ذ يجّن ن جْمَاعث ن ڒْفُقَهَا صَّالِحِين، تْقدَّامم دْبِيحَاث رُّوْحِيَاث يَارْضَا خَاسنْت أَربِّـي س وفُوْس ن عِيْسَى لْمَسِيح.

1 بطرس 5:11

أَغَارس يِيڒِي ڒحْكَام إِ ڒبْدَا ن ڒبْدَاث. آمِين.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

ثبرات زي يهوذا 1:25

يعْنِي أَربِّـي ونِّي يدْجَان وَاحْذس يسنْجَام-اَنغ. أَغَارس ثِيڒِي لْعَظَمَا ذ ثُوْعْڒَات ذ لْقُوَّا ذ سُّلْطَا س عِيْسَى لْمَسِيح سِيذِثْنغ يعْنِي قْبڒ إِ مَارَّا زْمَانَاث إِي يعْذُوْن أُو ذ ڒخُّو أُو ذ ڒبْدَا ن ڒبْدَاث. آمِين.