أيث-ؤفسوس 2:18 - ثريفيث 2020

¹⁸ لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.

أيث-ؤفسوس 2:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

يوحنا 10:7

ينَّا-ٱسن عِيْسَى عَاوذ: "أَقَا تسْڒَام ڒْحَقّ: نش ذ ثَوَّارث ن ڒْكُوْرِي.

يوحنا 10:9

نش ذ ثَوَّارث، ونِّي زَّايي غَا يَاذْفن اَذ ينْجم. أَذ يِيڒِي اَمشْنَاو يجّن ن وحُوْڒِي يتَاذف يتفّغ يتَاف مِين غَا يشّ.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

أيث-روما 5:2

نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي.

أيث-روما 8:15

لِأَنَّا اَرُّوْح إِي ذَاوم د يمُّوْشن وَار كنِّيو يتَارِّي شَا ذ يسمْغَان حمَا اَذ تْعِيشم عَاوذ ذِي ثِيݣّْوْذِي؛ لَّا، ئِمُّوْش-اَوم-د اَرُّوْح يقدّْسن حمَا اَذ تِيڒِيم ذ ثَارْوَا ن أَربِّـي. س اَرُّوْح نِّي إِي غَا نْڒَغَا: أَبَّا، يعْنِي، أَ بَابَا ينُو.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.

1 أيث-كورينث 8:6

وَلَكِن نشِّين غَارْنغ يجّن ن أَربِّـي وَاحْذس، نتَّا ذ بَابَاثْنغ. زَّايس نتَّا دْجَانْت مَارَّا ثِمسْڒَايِين، نشِّين ندْجَا إِ نتَّا. عَاوذ غَارْنغ يجّن ن سِيذِيثْنغ، يعْنِي عِيْسَى لْمَسِيح. زِي نتَّا مِيزِي خڒْقنْت مَارَّا ثِمسْڒَايِين، زَّايس مِيزِي نخْڒق نشِّين.

أيث-ݣلاطيا 4:6

وَامِي ثْذوْڒم كنِّيو ذ ثَارْوَا ن أَربِّـي، ئِسّكّ-د أَرُّوْح ن مِّيس يُوْذف ذݣ وُوْڒَاون نّغ غَار ذَاخڒ يتْڒَاغَا يقَّار، آ بَابَا آ بَابَا ينُو!

أيث-ؤفسوس 3:12

زَّايس نتَّا أَ نْقَارّب غَار أَربِّـي س زْعَامث ذ تِّقث بْڒَا مَا أَ نݣّْوذ خْمِي زَّايس نْتَامن.

أيث-ؤفسوس 3:14

نِّيغ-اَوم خ مَانَايَا نش ترْكَاعغ خ يفَادّن ينُو زَّاث إِ بَابَاثْنغ.

أيث-ؤفسوس 4:4

جْمَاعث ذ يشْتن، أَرُّوْح يقدّْسن ذ يجّن. أَمنِّي أَربِّـي وَامِي ذَاوم د يڒَاغَا، يڒَاغَا-ٱوم-د غَار لْأَمَال ذ يجّن.

أيث-ؤفسوس 6:18

مَارَّا ظُّرُوْف إِي ذِي ثدْجَام تَّارم إِ أَربِّـي خَاسن س أَرُّوْح يقدّْسن س مَارَّا لْأَنْوَاع ن ثْࢲَادْجِيث ذ دُّعَاء. سْخذْمم ڒَعْقڒ نْوم ذِي مَانَايَا، أَرّم-د ڒْبَاڒ نْوم س يِجّن ن صّْبَر، تَّارم خ مَارَّا صَّالِحِين.

أيث-كولوس 1:12

بَاش اَذ تْشكَّرم بَابَاثْنغ ونِّي إِي ذَاوم يُوْشِين ڒْحَقّ اَذ تْشَرْشم ذِي لْوَرث ن صَّالِحِين ذِي نُّوْر.

يعيبرانيين 7:19

ئِفّغ-د يجّن لْأَمَال حْسن زِي ڒُوْصِيّث نِّي، زَّايس إِي غَا نْقَارّب غَار أَربِّـي ڒَاحقَّاش شَّرِيعَا ن مُوْسَى وَار د تَارِّي ؤُڒَا ذ يجّن ڒْحَاجث وَار ذَايس بُو ڒْعِيب.

ثبرات غار يعقوب 3:9

زَّايس إِي نْحمّذ سِيذِي أَربِّـي بَابَاثْنغ. مَا زَّايس عَاوذ إِي زِي غَا ننْعڒ يرْيَازن إِي د يخْڒق أَربِّـي خ صِّفث نّس؟

1 بطرس 1:17

مڒَا ثقَّارم-اَس "آ بَابَا" إِ ونِّي يتحْسَابن ڒخْذَايم ن كُڒ بْنَاذم بْڒَا ؤُذمَاون اَتَاف يتْخصَّا اَذ تْعِيشم س يِجّن ن ثِيݣّْوْذِي اَخْمِي غَا ثْعزّْبم ذِي ثْمُوْرْث-أَ.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

ثبرات زي يهوذا 1:20

كنِّيو آي يمْعِيزّن ينُو، بْنَاث يخف نْوم ذِي دْسَاس ن لْإِيمَان يُوْعْڒَان إِي يدْجَان ذَايْوم، ࢲَادْجم س أَرُّوْح يقدّْسن.